مراهقتي القاسيه (مُكتملة)

بارت صغيروني ❤️

الحلقه السادسه
ارويها بقلمي انا ازابيلا...🤍

ينشدوني عليك شلون وضعه وياك
و اكلهم مو طبيعي اهواي داراني
و تطردني من ادك بابك و أكل للناس
طار من الفرح لمن تلكاني .

############################

الساعه : 7:00 🕖. صباحاً
بغداد الحبيبه .
بيت ليان.

ليان: ها وين رايحين ؟

عُمر: راجعين يادوب نصل ورانا دوام هم

ام عُمر: اي والله يا دوب شوف الجو بلش يقلب اريد اروح وهذا الاسبوع كله اريد انظف حتى افرش

ام ليان : والله تمام بس ليش مستعجله والله مشبعنا منكم .. براحتكم كل مره عيدوها

ابو ليان : اي طبعا يعيدوها الله معاكم توصلون بل سلامه ............

عُمر : ليان ليان

ها
عُمر: اليوم روحي تعوفج وتروح

ياستار شبيك هو راجع للبيت قابل رايح تقاتل؟ ههههه

عُمر: شكد سخيفه انتِ اكلج ادعيلي اعيدها وبحدي اجي اخذج ونفتر وحدنا

هاا اي اااي انشالله

عُمر: لياني ديري بالج على روحج لان احبها

تحب منو

عُمر: احب روحج

اوييي عبالي تحبني

عُمر: هههههههههههههه نصي حسج ديلا  خوش فتحتي عقلي هو احبج بس انتِ ثوله.  

ههههههه اوك

عُمر: ليان انتضرج اني

ليش شتنتظر؟

عُمر : بعدين لوحدج تفهمين ديلا اودعناكم. 

راحو واهلي رجعو ناموا لان صار ساعه 8:00 ابوي راح للشغل والباقي نام   واني ما اجاني نوم شنو انتضرج شنو انتِ تفهمين اووففف

رحت للمطبخ طلعت مقادير الكيك وكمت احط وسويت كيك من هذا العادي وسويت جاي وحضرت البان واجبان وكعدت ماما واخواني الباقيين واكلنا كيك حار مع الچاي شكد يعجبني الكيك والچلي سوا ايباااا

ام ليان: هذولا الجيران الجدد انتقلو يمنا تكولين اسويلهم غدا عيب مو صح خل نغديهم احنا

اي والله يمه ديلا حتى اساعدج انتي طبخي وانا عل بيت
وبلشتً بل بيت نحن بينا طبع من يجي احد عدنا لازم اشلع واغسل الفراش مو لان وصخين بس نحن هيج نحب

وغسلته وعطرتهم وشريتهم وشطفت البيت ورجعت مسحته ومسحت الغراض ورحت يم ماما ،، ها ماما خلصتي؟

اي اي حبيبتي روحي انتِ اخذيلهم هاي جدرية الدولمه واني عود من يستقرون كم يوم اروح اسلم عليهم

ماشي ماما حروح اني
لبست الشال واخذت الجدريه ورحت دگيت الباب
طلعلي ولد شباب لون عيونه خضرررر لون الاشجار

شُعيب : تفضلي ؟ .......

يتبععع،،،،،،

مشو امركم بهالبارت لا مالي واهس اكتب صكو
انشالله القادم افضل

تحمسو للبارتات الجايه بيها اكشن ودراما تخبل اني نفسي من اكتب اتونس 😍🥹🫶.

دمتُم في امانِ لله . 🤍