مراهقتي القاسيه (مُكتملة)

الحلقه 22

ازابيلا....

جيت من درب العشگ
مكسور خاطر ..
سحگوا ، إسنين المودة
ومشوا أگليبي الوفي
بسچة خناجر ..

كاظم أسماعيل الگاطع.

__________

هيلين
سرمد عفيا اجي. وياكم الله يخليك ما اكدر اشوف ماما هيج خذني وياك عفيا  .. كمت ابجي

سرمد : هيلين لخاطر ربج وين تجين ضلي يم عثمان منو يبقى يمه ... عفتها وأخذت امي للمستشفى..

ضليت يم عُثمان الصغير .. واني گلبي نار على امي ليش هيج ديصير بيها .. 

_____

ليان
مشت الايام ونجحت عالثالث ..
والايام تمشي وشك امي يزيد يوميا مطلعتلي سالفه جديده ...

والغلط مني اكيد لأن حتى من احجي ويا هيلين طب عليا امي اخترع شكد ما بالي لا تشوفني احجي ويا عمر ..

ام ليان: ويامن تحجين ليان ؟؟.

يمه اسم الله... والله مع هيلين

_ لعد لويش اخترعتي

يمه غير طبيتي عليا تگول مداهمه

_ نجبي بلا لغوه زايده يلا روحي سوي چاي وجيبي مبايلج اگلب بي اطمش ضايجه ... شو صفنتي ؟؟

هاا يمه مو عندج مبايل ليش الا موبايلي.
_ اكلج جيبي وروحي فارگيني يلاا

أخذته مني ورحت اسوي چاي وبالي يم المبايل لا يراسلني والمبايل بيدها .. يربي شون ورطه هاي لخاطر الله ..

هاچ يمه هذا احلى چاي لعيونج
نطيني المبايل دروح انام

_ اذا تروحين تنامين شكو ماخذته خو خلي يمي

بس اريد اعرف ليش شكين بيا يمه ششفتي عليا كل هالشك ليش ليش لييييش

_ انتبهي على تصرفاتج وانتي تعرفين

يمه وداعتج مامسويه شي .. بس شيلي هالتفكير من بالج لأن والله العظيم تعبت تعبتتتتت حسي بيا عاد مو كرهت عيشتي كافي ..

_ هاا ليان تاليتي اربي واكبر وتجين تعلين حسج عليا مامرجيه منج يبت بطني .. گايمه وهذا مبايلج خلي يفيدج ... خليت وطلعت. 

يمه لا تزعلين مني فدوه اني اسفه .. بست راسها وايدها.. بس عليا ضغط والله مخنوگه ونفجرت الله عليج لا تضوجين وتنامين زعلانه مني ..

_ الله كريم بنتي ... الله يسامحج تصبحين على خير
وانتي من اهل الخير يمه يا كل الخير ..خليت ورحت الغرفتي تا اتصل على حبيب قلبي المحترم..اني واحجي ويا نفسي ... عود هسا تحجين ويا امج لا تشك بيج وانتي توج مصالحتها وجايه هسا أخبره هم ! شكد صلفه لعد ..  نقهرت كلش ما اكدر امنع نفسي عنه حايره بين امي وبين حب حياتي احس عايشه بحرب بين عقلي وقلبي مدري شسوي .. قطع تفكيري اتصال حبيب قلبي المحترم..