مراهقتي القاسيه (مُكتملة)

الحلقه 28

ازابيلا...
نجماتكم وتعليقاتكم قبل لتقرونن🙈

شبدر مني ويشح ودك ؟
مثل سبحه عجايز جنت ماهدك .

________
ليان :
ياربي شراح يسوي هذا .. مو هو عاقد خاف تخرب سالفته وسالفتي وسالفه البنت... اووففف ياربي شهل عيشه .. اللهم لا اعتراض على حكمك ..

إم ليان : لججج ليان وينج

_هايمه  شكو ؟

ام ليان: لج تعاي نزلي ام شهد وشهد اجوي

نزلت سلمت على خالتي .. وأخذت شهد وطلعت فوك رأسا .. الله جابج شهد .. نفجرت بالبجي..

شهد : خير ليان .. صدك جذب ليان تالي عمرها تبجي ؟ مجاي اصدك ..

_ نجبي شكالولج عليا بلا احساس مثلا ؟

شهد : لعد الرساله صدك ! شبيج ليون شو مصفره وجوه عينج اسود .. لا وتبجين اكو شي خطير لعد

_ اي والله يا شهد اي والله ... حجيتلها كل الصار .. احجي وابجي.. الا اختنكت ضليت اكح .. اخر شي استفرغت تكرمون

شهد : لج صدك جذب درحمي نفسج واستقري دنعرف نحلها ..

شنحل منها شهد ليش هيج راح تنحل ؟

شهد :: هاج هذا مبايلي خلي يمج احجي ويا وحاولي تقنعي ليجي هسا .. بين ما تهدئ الأوضاع ترا ابوج مفور منه .. وامج على يا ساعه تكتلج

صدك اي عفيا انطيني المبايل ..
ضلو لي العصر طلعوو.. ومبايل شهد يمي . والله اذا تعرف امي الا من صدك تموتني..

اتتضرت الليل .. وراسلته .. دزيتله
اتتضرت الليل يجي حتى اخلصه وياك
اني بلايك يومي واكف .. تصبرني كلمه ماعوفج
بس احساسي مخرب واهسي ... عمر احس كلشي ووكته .. وانت وكت وتروح ..
مابيها دقيقتين دزلي ..

عمر : ليان اذا تراسليني وتحجين هيج .. من هسا اكلج بعد لتراسلين . ولا تحجين

عمر شسوي مو بيدي ..

عمر : اني احارب الكل علمودج ..
محد يوكف بعيني ..
بس ماريد اخطي خطوه تأذيج .. اني بعيد عليج خاف ما الحكلج .. الناس ماترحم والله

_ والحل ؟

عمر : مو كتلج جاي !
مضل شي كلها ٦ ايام ويمج اني ..

عمر فدوه انت حبيب قلبي المحترم مو؟

عمر : اي ؟

لتجي هسا فدوه

عمر : ليش ؟

_ صدك الوضع ميساعد .. اصبر السالفه تنسي شويا واهلي ينسون عل أقل !

عمر : هاي لخاطرج مراح اجي مع العلم اني لكيتها حجه حتى اخذج .. وتصيرين بأسمي ومالتي وحلالي.. بس مدري شنو ببالج !