(كاتبة سالي )
قيس : عمي هاي كل سالفة ... اني اجيتك لحتى تنقذهة .... َ(ڳّأُتٌبّةَ سًأُلَيْ )
ابو جسر : جسررر .... جسررر
جسر : ها بوية
ابو جسر : حظر نفسك و خبر عمامك لحتى نجيب بنت عمك ولك مامر سنة هيچ كسرتوا بلبنية بعدهة ترابهم مانشف ...روح بوية روح .
جسر : تأمر بوية
جسر راح خبر أمة ، أم جسر فرحت لأن جان تدري مرت خال أماني راح تعذبهة فهي من زمان جانت تطلب من ابو جسر يروح يجيبهة بس خال أماني مجان يقبل !
ام جسر : اي ولله ابني جيبوهة يمي اني مستعدة اربيهة بس شعجب قبلوا ناخذهة !! (كاتبة سالي )
جسر : اجة ابن خالهة قيس و گال تعالوا انقذوا اماني من امي و ابوية دا يعذبوهة ...
ام جسر : يمة سودة علية ولكم يتيمة ..خافوا الله بيهة ... يمة روح حظر نفسك جيبوهة بأسرع وكت .
جسر باس راس امة و صعد فوگ و حظر نفسة و خبر عمامة َ(ڳّأُتٌبّةَ سًأُلَيْ )
(كاتبة سالي )
جسر ...شاب خريج كلية هندسة معمارية ، عمرة 24
من أهل عمارة ... لحد الأن ما مجرب يعشگ ! يكره واحد يجبرة على شي ، حتى لو يحب هذا شي هم ! عندة 3 عمام 2 عمات ، عائلتهم مو جبيرة كلش قصدي ك عدد ، همة عزهم خير من الله ، و عايشين بمكان مليان بساتين .. عندهم بنية عادي تكمل دراسة و مو معقدين بلعكس كلهم دارسين و مثقفين ، كلهم بانين بيوتهم بصف لاخ .
ابو جسر(محمد) عندة جسر و نهلة و مرتة ميادة ، عمه جبير اصغر من ابو جسر اسمة ميسر عندة نور و مهيب و مازن و مرتة جمانة ، عمة وصطاني مراد عندة ثلاث بنات (روان ، رؤيا ، رويدا ) و مرتة نسرين و عمة صغير هو ابو اماني ( منير ، علياء و وحيدتهم أماني ).
عماتة زهرة و زها ، زها مو متزوجة و عايشة ويا بيت جسر ، زهرة متزوجة و عندة ولد و بنية (ليلى و أنس ) و زوجهة شاكر .
(كاتبة سالي )
انس و مهيب و مازن و جسر اصدقاء روح بلروح ، طلعاتهم ونساتهم كلهة سوة حتى مخلصين نفس قسم بس مهيب اكبر من كلهم بعدة يجي جسر ثم انس و مازن بنفس عمر .
صاحهم جسر كلهم التموا ببيت ابو جسر صعدوا سيارة كل واحد يدعي يرجعون و يجبوهة بخير و سلامة !
-------
(كاتبة سالي )
أماني ... جنت انضف مطبخ و اعزلهة اجتي بنت خالتي تدور هناك و هناك تخاف تلگى امهة
اماني : ولج فطوم روحي گعدي لا امج تجيج !
فاطمة : ماتجي خل اساعدج هسة هي ملتهية ويا ام عباس تمدح بنفسهة .
نضفنة مطبخ سوة هي سوت جاي و راحت گعدت قبل لا تجي امهة ، جان تدخل مرت خالهة
حسناء : اوف متت من تعب ...هييي يتيمة جيبي جاي راسي يوجعني !
أماني : ماشي
رحت وديتلهة جاي و رحت لغرفتي اتمنى قيس گدر يوصل لعمامي . (كاتبة سالي )
اني أماني صار 8 اشهر اهلي توفوا ، شايفة ضيم ويا خالي و مرتة ، ردت اروح ويا عمامي بس خالي هددني
مسعد : ولج اذا رحتي وياهم ولله اموتج اجيب سجينة و احطهة على نار و احرگ لسانج افتهمتي
أماني بخوف و حزن : ماشي
اجو عمامي و حجو وياية بس رفضن اروح وياهم بحجة خالي بيهة ريحة امي .... طبعاً هاي حجي ورا اربعينية اهلي نفسيتي زفت گلبي كلش مجروح فقدانهم كسرني ، كسر ضهري صرت مثل طير مذبوح !
لولا قيس و فاطمة ماجنت تحملت اكثر و جان انتحرت من زمان ، قيس صديقي و اخوي ، امة شگد حاولت تزرع بعقلة يجي يتحارش بية بس هو لا ابد قافل يگول اذا اتحارشت بيهة يجي يوم و يتحارشون بفاطمة هي اختي لازم اكون الهة سند . (كاتبة سالي )
أنت تقرأ
جسر الأماني
General Fictionأماني يتيمة ، عايشة تحت ضلم مرت خالهة بعد ماجانت مدللة ، فجاة عمهة يجي و ياخذهة بعد ما عرف بنت اخوهة عايشة يم مرت خالهة ضالمة ، عائلة تفرح بوجود أماني غير عمتهة صغيرة الي تتهمهة بقتل أمهة و ابوهة .....
