َ(ڳّأُتٌبّةَ سًأُلَيْ )
جسر .... وصلنة ليم باب بيتهم و احنة لاميين عشيرة كلها ، ابوي منطي خبر لعمامة هم ! َ(ڳّأُتٌبّةَ سًأُلَيْ )
عم ابوي جبير راح و دگ باب جان يفتحلنا ابن خالهة قيس ... ولله صدك رجال .
قيس : تفضلوا ...
سلمنا و دخلنا جوة ابو انصدم من شاف ابوي
مسعد : محمد !!!
محمد : سلام عليكم ابو قيس
مسعد بتوتر : عليكم سلام تفضلوا !
عم ابو جسر : احنة ماجايين لحتى نگد و نسولف ، احنا جايين لحتى ناخذ حفيدتنة !
مسعد : انتوا ما الكم حفيدة يمنة !
ابوية ضحك بأستهزاء و گال : قيس ابني ، روح جيب بنتنة بوية !
قيس : صار عمي
قيس صعد فوگ شوي جان ينزل جوة ويا أماني ، ماشاءالله ملاك نازل ع سما بس ... ملاك مهموم ، مذبولة .... نزلت بيدهة جنطتين وحدة جبيرة و وحدة صغيرة ، اجتي مرية شافت جنطة صغيرة بيدهة اجتي رادت تهجم عليهة وگفت گدامهة و خليت اماني وراية !
حسناء : وخررر حراميية وين ماخذة ذهب هااا
جسر : قيسسسس وخر امك من گدامي !
قيس : يمة وخرييي َ(ڳّأُتٌبّةَ سًأُلَيْ )
حسناء : انت اكبر جذاب مو گلت ذهب انباگ !! هااا
قيس : ماجان الي غير هاي حللل ! طبي جوة يللة
جرهة قيس من وراي و اخذهة و باس راسهة
قيس : احجي بكل ثقة ماشي ... لا تخافين من ابوي ..شوفي عمامج ولد عمامج كلهم وراج
مهيب : امونة تعاي يا بعد اخوج !
اماني من شافت مهيب بجت بحرگة و ذبت جنط و حظنت مهيب ، من طفولة هي متعلقة بمهيب كلش
اماني : مهيب خذوني وياكم !
مهيب : جايين ناخذج ، منعوفج اهنا ماشي بس مسحي دموعج غالية ماشي!
هزت راسهة و طبت ويا مهيب جوة خالهة جان يباوعلهة بغضب !
اماني : عمو !!
شافت ابوي ركضت لحظنة تشهگ و تبجي
اماني : عمو خذني وياك ، ماريد ابقى هنا ، اريد اجي وياك .
محمد : اووف يا ريحة اخوي
مسعد : اماني حبيبتي تعاي با بعد خالج
حظنت ابوي قوي و رفضت تروح لخالهة
عم ابو جسر : بنتي أماني راح نسئاج سؤال .... تحبين تجين ويانة لو تبقين ويا خالج !
مسعد : طبعاً تبقى ويا خالها مو اماني َ(ڳّأُتٌبّةَ سًأُلَيْ )
اماني .... نزلت جوة شفت ولد عمامي واگفين يم باب ، شفت مهيب ، مهيب ... من طفولة احبة ..حب اخوي مو اكثر بس حيل جنت متعلقة بي .
مرت هالي عرفت الي بيدي بيهة ذهب لان هاي جنطة مالتهة ، بهاي جنطة سلمت ذهب لقيس حتى يبيعها . رادت تهجم علية بس مرت جسر خلاني وراه
بعدين صار الي صار .. و دخلت للمضيف خالي جان يباوعلي بحقد و كرهـ و تهديد باوعت على قيس و مهيب ، قيس اشرلي ماخاف و احجي
اماني : لا مراح ابقى وياك ، اريد اروح يم عمامي !
خالي صار عصبي بلحظة جرني من حظن عمي و ضربني گدام كل
عمي صار عصاب : ولكككك مسعد شلون تمد ايدك عليههههة شلووون هاي بنت غااالي !
عمامي رادوا يهجمون علي صيحت بخوف ، اجة مهيب حظنني
اماني بأنهيار : خل نطلع .... خل نطلع فدوة مااريد ...مارييد ابقى اهناااا َ(ڳّأُتٌبّةَ سًأُلَيْ )
مهيب : ماشي ..ماشي اهدي ، راح نطلع
مراد : راح تدفع ثمن غالي مسعد ، عبالك بنت اخوي ماعدهة سند هاااا
ميسر : سكتنالك هوااي ، هاي اكبر دليل گدامنا ضربتها عاد الله يعلم ورانا شمسوي بيهة ، حرمتنة منهااا بس لهنا و بس كاافي بنت اخوي ما تبقى يمكم ! ... مهيب بوية اخذها و صعدها بسيارة
رحت ويا مهيب ، خالي سكت جان خايف ، صدگ بلحظتهة حسيت نفسي عندي سند ! ماني يتيمة !
مهيب : جسر ! تعال وياي انت ، انس مازن انتوا اخذوا سيارتي ماشي
انس : روح خوية دربالك على نفسك
جسر : قيس ... بلا زحمة ممكن ماي!
قيس راح جاب ماي جان حيل خجلان و نازل راسه
اجة جسر شربني ماي و غسل وجهي و باس راسي
تقربت من قيس
اماني : قيس خلي راسك مرفوع ، انت راح تبقى ابن خالي و اخوية ، مو انت لازم تخجل خالي لازم يخجل ، دربالك على نفسك و على فطومة ماشي .
قيس باس راسهة ، قيس : سامحينة اماني !!
اماني : مسامحتكم دنيا و اخرة
ردت اطلع جان تصيحني فطوم
فاطمة : امانييي !! َ(ڳّأُتٌبّةَ سًأُلَيْ )
باوعتلهة جان بيدهة كرة ثلجية ، جان نسيتهة
رحتلهة ركض حظنتهة و اخذت منهة هدية ابوي و ودعتهة باوعت على مهيب جان يباوع على فطومة بأعجاب !
مهيب .... ردنا نطلع جان اسمع صوت هز كياني ، صوت ناعم تصيح على أماني ، درت وجهي شفت بنت خالهة ، گمر بيضة ناعمة ، سبحان الي خلقهة ، ماگدرت اشيل عيوني منهة سحرتني بنت لذينة ، طلعت ويا اماني و گلبي يدگ سريع ، معقولة حبيتهة من اول نظرة !
صعدنا اماني بسيارة بيدهة كرة ثلجية ، و دموعهة تنزل بس مالهة صوت ، صعد جسر ليگدام و اني هم صعدت ودعناهم و طلعنا من يم بيتهم !
باوعتلهة جانت حاطة راسهة على جام و تزل دموعهة بسكوت و طبع اصابع خالهة مبين على خدودهة .
لزمت ستيرن بقوة ، ولك هاي مدللتنة شلون هيچ يذلهة شلون !
احنة صح عدنا بنات عم ، بس اماني اصغر من كل .
وصلنا بعد نص ساعة لبيتنة لان بيت خالهة هم بعمارة بس بغير منطقة .
نزل جسر فتح باب جهة اماني و مد ايدة
جسر : تعاي َ(ڳّأُتٌبّةَ سًأُلَيْ )
لزمت ايد جسر و نزلت ، اخذن جنطها ، دخلنا لبيت عمي محمد بيت جسر طبينا جوة مراي عمي ام جسر جانت واگفة گدام باب مطبخ تنتظرنا ، ام جير و ام اماني جانو حيل اصدقاء ، من اعدادية من عمي ابو جسر خطب ام جسر ، عمي منير شاف عمة علياء و انعجب بيها و صاروا ببيت واحد بس بسبب شغل عمي منير شال لغير منطقة !
ميادة : يماااا بنت غالية تعاي يمة تعاي
اماني : عمة !
عافت ايد جسر و ركضت حظنت مرت عمي
اماني : عمة وين جنتي جنت محتاجتج !
ميادة : يا يمة سامحيني مجان بيدي شي اسوي ، خالج جان يطردنا و يگول اماني ما تقبل تجي !
اماني ... طبيت جوة ويا عمتي بعد ما عاتبنا بعض ، سلمت على كل حظنت كلهم الا عمتي زها !!
اتقربت يمي هجمت علية و جرت شعري
زها : ليش اجيتي هااا ليش ، انتي سببب موتتي اهلج !! وين اخوية هااا وينة ؟؟ مات بسببج
فتحت كل جروحي ، كل كلامهة صح اني قاتلة موتت اهلي ، ما افعت عن نفسي هي ضلت تدفرني و تضربني كل حاولوا يوخروهة بس هي مثل وحش تدفع كل ، حسيت شي حار نزل من حلگي و خشمي بعد ماحسيت بشي اخر شي سمعتهة هو صوت مهيب !! َ(ڳّأُتٌبّةَ سًأُلَيْ )
أنت تقرأ
جسر الأماني
General Fictionأماني يتيمة ، عايشة تحت ضلم مرت خالهة بعد ماجانت مدللة ، فجاة عمهة يجي و ياخذهة بعد ما عرف بنت اخوهة عايشة يم مرت خالهة ضالمة ، عائلة تفرح بوجود أماني غير عمتهة صغيرة الي تتهمهة بقتل أمهة و ابوهة .....
