جسر الأماني

17

َ(ڳّأُتٌبّةَ سًأُلَيْ )

اماني ...... جنت گاعدة بغرفة يم بنات جان تطب علينة عمة ميادة
ميادة : بنات ممكن تعوفونة وحدنة ..... بنتي أماني ، انتي تعرفين انا و عمج من زمان ردناج لجسر ، بس جسر رفضج لان احنا جبرنا و هو مايحب احد يجبرة علي شي حتى لو يحب هذا شي ، و جسر يحبج و يموت عليج ، كل بنت مصيرها زواج ، اني مجاية اقنعج ، جاية اوعيج و اشوفج طريق صحيح انتي بنيتي محبتج من محبة نهلة ، كلنة نشوف انتي مناسبة لجسر ، بنيتي اذا تقدملج جسر توافقين ؟؟ َ(ڳّأُتٌبّةَ سًأُلَيْ )
فكرت هواي فكرت و اني متأكدة جسر كلش يحبني خاصة من انقذني من عمار هواي كبر بعيوني و دخل لگلبي من عمتي حجت وياي كلش استحيت رديت بخجل ، اماني : رأيي من رأيكم
ميادة : يعني موافقة ؟؟؟
أماني بخجل : اي عمة موافقة مراح الگى شخص مثل جسر يحبني و يقدرني و اني نسيت كلشي بيوم گمت من غيبوبة سامحت كل
حظنتني عمتي بكل قوتهة ، ميادة : كلما اشوفج اتذكر امج عبالك واگفة گدامي بكلشي تشبهيهة بطبع و شكل حتى بطيبة گلبج هم انتي نسخة من امج .
دمعت عيوني من حجيهة ، تماسكت نفسي ماريد اخرب عليهة فرحة
ميادة : اروح انطيهم خبر
اماني : هههه ماشي
طلعت عمتي ويا طلعتهة نزلت دموعي ، هواي مشتاقتلهم هوااي !! َ(ڳّأُتٌبّةَ سًأُلَيْ )
گبت هلهولة مرت عمتي و تليهة جديتي و مرت عمامي صدگ الله عوضني بيهم و بجسر ، بيومهة رجعت لبيت عمو مراد كل فرحانين و داحظر نفسي لان باجر راح نعقد انا و جسر كلش فرحانة بس ما ادري ليش كلهم قلقانين علمود شنو ما ادري
خابرت فطومة صارلي ايام لا حاجية ويا قيس ولا فاطمة ، گمت من مكاني و نزلت جوة
اماني : عمة اني رايحة بيت عمو ميسر اريد احجي ويا مهيب
ياسمين بخوف : لحظة بنيتي اوصلج
اماني : لا عمة ما يحتاج هي طريق خطوتين
ياسمين : حتى لو خطوتين دنيا مو امان بنيتي اخاف عليج
اماني : ماشي
وصلتني عمتي گبال بيت عمي ميسر دگيت باب فتحتلي باب ليلي
ليلي : هلا عمة هلا اماني فوتو
ياسمين : لا يمة عندي كومة شغل وصلت اماني و هسة رايحة َ(ڳّأُتٌبّةَ سًأُلَيْ )
ليلي : عاشت ايدج عمة
رجعت عمتي و اني طبيت جوة كلهم جانوا گاعدين بس عمي ما موجود
مهيب : وحدج اجيتي ؟؟؟
اماني : لا ويا عمة ياسمين ، شبيكم من بارحة احسكم خايفين شصاير ؟؟؟
مهيب : لا بنيتي مصاير شي ، بس قبل يومين انخطفت بنية و احنا نخاف عليكم
اماني : اي صح ... اگلك مهيب مدا احصل لا على فاطمة ولا قيس شسالفة ؟؟؟
مهيب : ماكو شي حبيبتي يمكن ماعدهم مجال
اماني : ليش احسكم انت و فاطمة زعلانين من بعض ؟؟؟
مهيب : احم لا ماكو شي فد مشكلة صغيرة و تنحل
اماني : شنو هي مشكلة بلكي اگدر احلهة الكم ؟؟
مهيب : لا مجرد سوء تفاهم ، مو سويتي حادث ، التهيت وياج و نسيت مبايلي و فاطمة عبالهة دا العب عليهة و ماحبهة و اني ا اعاقبهة حتى بعد ما تعيدهة
اماني : ماشي لعد مراح اتذخل اذا هيچ انتوا حلوهة بيناتكم ، اذا حجيت وياهم انطيني خبر مشتاقلهم كلش
جسر : مشتاگ لمنو ؟؟؟ َ(ڳّأُتٌبّةَ سًأُلَيْ )
باوت على جسر واگف بنص درج و يخزر بية
اماني : هلا جسر
جسر : هلا ما گلتيلي مشتاگ لمنو ؟؟؟
اماني : احم لقيس و فاطمة
جسر بغيرة : ها اي زين
اماني : يلة اني راجعة
جسر : اوگفي اوصلج
اماني : ماشي
سلمنا و طلعنا اول ما وصلت لبيت عمي جان يجرني من ايدي و حظنني قوي
اماني بخجل : جسررر شدا تسوي عيب من جيران !!
جسر : من يوم و رايح مراح تشتاگين لغيري ماشيي
اماني : اشم ريحة غيرة !؟؟
جسر : اييي اغار ، اغر من هوي الي تتنفسهة انتي ! اغار من كلشيييي يخصج ، اماني ما تتصورين شگد احبج
صرت حمرة من خجل ، اماني : اني هم
جسر بهيام : انتي شنو
اماني : اني هم احبك جسر َ(ڳّأُتٌبّةَ سًأُلَيْ )
حظنني بكل قوتة جان اسمع صوت عمي مراد يافشلتج يا اماني ابتعدت عن جسر و اني صرت حمرة من خجل و احراج
مراد : يابة جسر ما تگدر تصتبر لباجر ولله اماني الك مو لغيرك
جسر : شحدها تصير لغيري ، هي الي و بس
مراد : طيح الله حظك امشييي ولا تستحي
اجة عمي ردت ابرر بس سكتني عمي و گال
مراد : هو حلالج بنيتي رغم بعدكم ما عاقدين بس ابن عمج و عن قريب زوجج ، بس ثاني مرة لا تخلين يحظنج خلي يشتاقلج ، يلة نفوت
حظنني بصفحة و طبينة جوة عمامي كلش متفاهمين من طبينا نصحني علمود جسر ، ما اخلي يتقرب مني ، خلي يشتاقلي و يعرف قيمتي ، همين گاللي رجال يحب مرية ثگيلة و رزنة و قوية .... وعدت نفسي ماخلي يلزم ايدي لبين ما نعقد ! َ(ڳّأُتٌبّةَ سًأُلَيْ )
-----------
فاطمة .... طلعنا من شقة و رحنة ليم عمام أماني ، اشوف قيس كللش مهموم ولا يوم تهنى بحياتة من ورا ابوي و عمامي كضي كل حياتة ينتبه علية و على اماني خوفاً من ابوية و عمامي
قيس : اخر مرة اجيت لهنانة طلبت من ابو جسر ينقذها ، هاي مرة هم رايح اطلب منهم يديرون بال الها اخاف ابوي لو عمامي يجون يأذوهة....
فاطمة : قيس .... خايفة من ردة فعلهم ! خايفة من ردة فعل أماني ، اخاف تگطع علاقتهة بينه بسبب ابوية
قيس : ما ادري ..ما ادري حقهة حتى لو تكتلنا هم حقهة ما لومها ....بس گليلي اكو اخ يكتل اختة علمود فلوس !
خنست بمكاني و بعد نص ساعة وصلنا ليم بيتهم فكرت بمصيري ويا مهيب اكيد راح يعوفني ، گلبي يدگ سريع ولله احبة ما اگدر اعوفة ياارب لا تفرقنة َ(ڳّأُتٌبّةَ سًأُلَيْ )
طول عمري مراح اسامح اهلي ، قيس جان منطي خبر لجسر و مهيب على جيتنة ، جانوا واگفين يم باب و ينتظرونا نزلنة من سيارة و عيوني على مهيب هو هم يباوعلي بس بزعل ، نزلت راسي خجلانة من نفسي .
جسر : هلا بيكم نورتوا ديرة
قيس : منور بوجودكم خوية
مهيب : هلا ضلع شلونك
قيس : هلا ضلع انت شلونك
مهيب : حمدلله ، شلونج فاطمة
سلم علية بثگل سلمت علي و على جسر
قيس : جسر صيح عمامك بس بدون ما تدري اماني انوا احنة جايين .
جسر : خوية صاير شي ؟؟؟
قيس :من ندخل لديوان تعرفون
دخلنا لديوان و گعدنا باوعت على مهيب حيل مشتاگلة يمكن هاي اخر مرة اشوفة ، دخلت زها سلمت باوعت على قيس ماشال عينهة عليهة ، اجتي اخذتني و طلعنا برا سمعت صوت مهيب َ(ڳّأُتٌبّةَ سًأُلَيْ )
مهيب : زها انتي طبي جوة عندي حجي ويا فاطمة .
طبت جوة وگفت ما الي وجه اباوعلة
مهيب : باوعيلي فاطمة
فاطمة : ما اگدر مهيب خجلانة منك
مهيب : مازعلانة منج ، حجيت وياج هيج  لحتى تنتبهين على غلطج و تعرفين بشنو غلطتي ، اياج فاطمة اياج تتهمين اماني بشي ، هي جانت وياكم ل 8 اشهر  تعرفين بأخلاقهة و تربيتهة ، مو تجين تتهميهة هي حاطة عيونهة علية ، اماني أول ما ولدت اني شلتها و اني سميتهة ، كلما جانت تجينة جانت تبقى يمي اريد افهج انوا اماني بنتي مو بس بنت عمي
نزلت دمعي ما احذب و اگول ماغرت لا شوي خرت منهة بس مو يعني كرهتة لا هي اختي همين
فاطمة : سامحني حبيبي ولله امي وزت براسي و اني جنت مقهورة لان لا انت ولا اماني خابرتوني ، ف صار الي صار فدة سامحني َ(ڳّأُتٌبّةَ سًأُلَيْ )
مهيب : تعاي تعاي يا ريحة هلي مسامحج بس اياج تعيديهة ماشي
رحت لحظنة بعد ما فتح ايدة باس راسي و طبيت جوة يم زها گعدت يمهة اماني جانت تحجيلي على افعال زها ، ما جنت احب احجي وياهة بس هي اجتي و حجتلي على كلشي و گالت انوا اماني مسامحتهة ، الحلو بيهة ما سئلتني علمود موضوع قيس ...

دخل جسر جوة شاف زها و صاحهة
جسر : زها ... روحي صيحي ابوية و عمامي خل يجون گليلهم جاين خطار حظروا گهوة
زها : ماشي هسة اخبرهم
جسر : لحضة زها تعاي .... خطار همة قيس و فاطمة ... بس ماريد اماني تعرف ، ف وصي بنات يجون يسوون گهوة و انتي تعاي اخذي فاطمة لبيت عمي ميسر
زها : صار
طلع جسر ليم مهيب و قيس و زها سلمت على قيس و اخذت فاطمة وياهة شوي گام مهيب طلع وراهم ، اجوي عمام اماني و رجع مهيب بعد سلام و كلام قيس گال
قيس : ابو جسر .... اخر مرة اجيتك لحتى تنقذ اماني ، هسة هم جايتك علمود تنتبه عليهة ترا عمي و ابوي ناوين يكتلوا اماني و ياخذون حصة امهة من بيت !
محمد : شنووووو ؟ شحدهم يلمسون شعرة منهة
مراد : شنو اماني تايهتلهم حتى يكتلوهة
ميسر : ولله اذا اذوهة لأجرهم لسجوون كافي هواي سكتنالهم َ(ڳّأُتٌبّةَ سًأُلَيْ )
جسر صار عصبي راد يروح ياخذ مسدس و يروح على خوال اماني بس كلام قيس وگفة من گال
قيس :جسرررر اوگف اكو شي ثاني يخص عمتي علياء و عمو منير ! َ(ڳّأُتٌبّةَ سًأُلَيْ )