َ(ڳّأُتٌبّةَ سًأُلَيْ )
دخلو كلهم يم اماني جانت نايمة ، محمد تقرب منهة و باس راسهة استغرب َ(ڳّأُتٌبّةَ سًأُلَيْ )
محمد بخوف : اماني ..!
ميسر : شكو محمد ؟؟
مراد : شبيهة بنيتي ؟؟؟
محمد : حرارتهة مرتفعة راسهة ناار
ميسر : انسس بوية روح صيح دكتور بسرعة
انس : صار خالي
طلع انس ركض صاح دكتور و رجع ويا دكتور
انطاهة دوة مال حمة
دكتور :لازم تبات هاي ليلة بمستشفى لحد ما تنزل حرارتهة
محمد : مازن ، روح جيب امك او وحدة من نسوان خل يجون يباتون يم اماني .
مازن : صار عمي َ(ڳّأُتٌبّةَ سًأُلَيْ )
----
جسر رجع للبيت و ندم ياكل بگلبة ، مر من يم ديوان ، شاف هداية اهل اماني مكسرة ، تقرب منهن و شالهن و وداهن لغرفتة ، طگلهن صورة يريد يشتري مثلهن و يصلح اغلاطة وعد نفسة بعد ما يجرح اماني .
زها .... ما ادري ليش احس بندم ! بس لا هي تستاهل ، اوف شنو هل تناقض لازم تفرحين زها كسرتي گلب اماني مثل ماكسرت گلبج ، حرمتيهة من هدايا اهلهة مثل ما حرمتج من شوفتهم تستاهل
راحت تمددت على جرباية و نامت كأن ما سوت شي ، نامت جان تشوف منير و علياء يباوعولهة بغضب جان تفز من نومهة استغفرت ربهة َ(ڳّأُتٌبّةَ سًأُلَيْ )
زها : معقولة زعلانين مني ؟؟ لا اني دا اتوهم .
مرة ثانية نامت بس بخوف ، خوفاً من ترجع تشوفهم بلحم ...
فاطمة ... خابرت مهيب ، مدا يجاوبني گلبي مثل نار على اماني ، كل يوم هيچ وكت نتخابر بس هلمرة خطهة مقفول !
نزلت جوة ، من يوم روحة اماني ، اهلي كل يوم يتعاركون ، عرفت واخد من عمام اماني مجدد بيت عمتي ، رحنا انا و قيس صاير احلا من قبل ، بس شفايدة حلاة و همة ما موجودين !
شوية دگ مبايلي جان قيس
فاطمة : الو قيس !
قيس : فطوم انتي نامي ، مراح ارجع للبيت راح ابات ببيت صديقي .
فاطمة : ماشي َ(ڳّأُتٌبّةَ سًأُلَيْ )
سديت اتصال جريت حسرة ، هذا هم ما ادري شبي ، من يوم الي تعارك ويا ابوي قيس تغير
يوم اماني راحت اهلي هرجوا دنيا علينة ، امي ضربتني ضرب بحياتي ما ماكلتهة ، سودة علية اماني هيچ جنتي تتوجعين من امي تضربج !!
ااخ من اهلي حيف اگول عليهم اهل ، اني هم يتيمة عندي قيس هو عائلتي ، ابوي عاقب قيس و طردة لان خبر عمام اماني ، بس فديوم رجع عصبي تعارك ويا ابوي ، انعكس دور هسة ابوي صاير يخاف من قيس رجع للبيت ، بس اكثرية اوقاتة يطلع برة يم اصدقائة .
أماني .... فتحت عيوني عمة ياسمين جانت نايمة و مامتغطية وخرت كانونة من ايدي و گمت غطيتهة حسيت نفي صرت احسن ، حبيت انزل جوة
فتحت باب على كيفي و نزلت جوة للحديقة ، گعدت على مصطبة نزعت گلادة و حطيتهة بيدي و فتحتهة باوعت على صورة امي و ابوي
اماني : مامة بنتج اليوم جانت مريضة ، وينج عني حتى تسويلي كمادات ؟؟ وين رحتي ؟؟ بابة رغم راح يصير سنة على ذاك يوم مشئوم بس بعدني مامتعودة على فراگكم ! كلما انام و اكعد على امل ترجعولي ، على امل يطلع كل هاي كابوس ! َ(ڳّأُتٌبّةَ سًأُلَيْ )
حسيت على ايد حط على جتفي باوعت بخوف طلع جسر ، من كل عقلي ظميت گلادة وراية حتى مايشوفة و ياخذة مني او يكسرة
أنت تقرأ
جسر الأماني
General Fictionأماني يتيمة ، عايشة تحت ضلم مرت خالهة بعد ماجانت مدللة ، فجاة عمهة يجي و ياخذهة بعد ما عرف بنت اخوهة عايشة يم مرت خالهة ضالمة ، عائلة تفرح بوجود أماني غير عمتهة صغيرة الي تتهمهة بقتل أمهة و ابوهة .....
