جسر الأماني

3

َ(ڳّأُتٌبّةَ سًأُلَيْ )

مهيب : زهااااااا عوفيييييي ولج ... اماااااني ، بنيتي گوميييي  َ(ڳّأُتٌبّةَ سًأُلَيْ )
شالهة مهيب و حطهة على تخم اجتي نهلة تبجي عليهة و تداويهة هي مخلصة تمريض .
جسر : شبيهة ليش ما تگوم ؟؟؟ خل ناخذهة لمشفى !!
نهلة بدموع : لا مايحتاج ، ضغطهة صاعد ، روان حبيبتي روحي عصري ليمون
روان ببجي : حاظر
زها : عسى ما تموتتت حقيرة حرمتني من اخوييي
جسر : زهاااااا كافي سكتي ، ليش ما تتقبلين هي مالهة ذنب !!
زها عمرهة 25 منهاي محد يناديها بعمة ! ، زها جانت صديقة منير كلش ، لحد الان ما متقبلة فكرة موتهم ، تحمل أماني ذنب موتهم
اماني فتحت عيونهة گالت بهمس بس كل سمعهة
اماني : بابة، مامة .... سامحوني
جسر : اماني انتي مالج ذنب
مهيب : كلام جسر صح يلة گومي بنيتي بدلي و ارتاحي ... نهلة وديهة لغرفتهة .
ميادة : سودة علية بنيتي ، ولج علياء وين رحتي و عفتي بنتج ها وين رحتي َ(ڳّأُتٌبّةَ سًأُلَيْ )
جسر : يمة كافي لا بنية تسمعج الي بيهة مكفيهة
-
-
-
أماني گعدت علي جرباية و منزلة راسهة و تبجي
حاظنة هدية ابوهة !
اماني : بابة مامة شلون انطاكم گلبكم هيچ تعوفوني !! وحيدتكم انذلت ل 8 اشهر مامة ، انذليت و انتوا ماكو ، هسة عمتي تحملني ذنب موتكم ، اني سبب صح !! اي اني سبب لو ما عايفة قوري على نار جان ما احترگ و انتوا بقيتوا وياية .
اندگ باب ، أماني بصوت ممبوح : ادخل !!
دخلوا عمامهة مراد و ميسر و محمد ، شافوهة  گاعدة و بحظنهة هدية ابوهة رفعت راسهة گالت بطفولة
اماني : عمو شوف هدية بابة ، هاي بابة جابلي ، لحظة اشوفكم هدية مامة هم َ(ڳّأُتٌبّةَ سًأُلَيْ )
گامت من مكانهة فتحت جنطتهة هي تبتسم و تنزل دموعهة ، گلبهم صار مثل نار عليهة
اماني : و...وينة ..؟؟ وين هدية مامة !! ولله جبتهة وياية ... لا لا مامعقولة نسيتهة ...
طشرت ملابسهة من شافت ألوان حظنت الوان و گامت من مكانهة و بيدهة سيت ألون 150 لون
اماني : ش..شوف عمو هاي هدية مامة هي جابتلي .
تقرب منهة عمهة مراد و جرهة لحظنة و باس راسهة
مراد : بنيتي الحلوة ، احنة كلنا أمانة بهاي دنيا و مكاننة يم رب العالمين ، هو ينطي و هو ياخذ ، انتي هيچ دا تعارضين امر رب العالمين ، لازم تشكرين ربج لان اذا شكرتي ربج الله يعوضج بسي احسن بس اذا ضليتي هيچ الله راح ياخذ منج اكثر .
أماني بخوف : لا لا اعوذ بلة اني ما معترضة امر رب العالمين ، دايماً اشكرة على كل شي ، بس ولله عمو فراگهم صعبة !!
كل واحد اجة حجي ويا اماني ....

مر أسبوع و أماني بقت ببيت عمهة محمد بحكم هو اكبر اخوانة لازم تبقى بنت اخو يمة ! َ(ڳّأُتٌبّةَ سًأُلَيْ )
كل يوم وحدة من بنات تجي يم أماني و عصرية يروحون للبستان
اليوم هم مثل كل يوم راحوا للبستان ، أماني حابة تكمل دراستهة
جانوا گاعدين كلهم حاطين گدامهم نستلات و شربت و نوتيلا و انواع اجبس ، بنات يحاولوا يصلحون بين زها و أماني ، ف نهلة راحت جابت زها بزور اجتي گعدت جان تشوف اماني دا تضحك
زها : قاتلة .... كتلتي اخوي و انتي گاعدة هنا تضحكيين الله ياخذج انشالله
اماني : كااااااافييييي كااافي اني مو قاتلة ، هااا هذولة اهليييي اهلييييي الي ماتو اكو واحد يكتل اهلهة ؟؟؟ انتي عگب باجر تنسين و تتزوجين و تكملين حياتج ، بس اني شلوووون ، راح تبقى هل نقص بگلبييييي رغم وجودكم بس تبقى اسمي يتييمة لا عندي اخت و لا اخ  وحيدة !! .... كافي هلگد تحاربيني كافي .... ماعندي طاقة احاربج ! َ(ڳّأُتٌبّةَ سًأُلَيْ )
ماعندي .....
گامت من مكانهة و دموع تنزل مثل شلال من عيونهة ، ماحبت ترجع للبيت، راحت لجهة ثانية من بستان گعدت على عشب طلعت كل الي بگلبهة
نعست حيل جان تنام بمكانهة !

--------
بنات رجعوا للبيت التموا ببيت عمو محمد ، كل يوم يلتمون ببيت عمو محمد ، كلهم جانوا گاعدين بلهول يحجون
بنات : سلام عليكم
كل : عليكم سلام
مهيب : لعد أماني وينهة ؟؟؟
نهلة : ليش هي مارجعت للبيت ؟؟؟
جسر : شنو هل حجي ، لعد هي مو جانت وياكم ؟؟
كلهم باوعوا على زها ، جسر : وينهة ؟؟
زها : شمدريينيي عسى ما تموت شعلية اني
محمد گام بعصبية ضربهة راجدي و جر اذنهة ، اضاهر ماعرفت اربيج ، ولج اذا صارلهة شي شگول لأمي و ابوييي ، شكول لأخوي هااا
ميادة : ولج زها شتريدين من يتيمة مو كافي !!
جسر يمة فدوة روح دور عليهة انت و مهيب و انس و مازن رجعولي اماني . َ(ڳّأُتٌبّةَ سًأُلَيْ )
جسر : يمة وعد ارجعهة
طلعوا شباب برا حتى رياجيل هم ، نسرين و جمانة و زهرة لازمين ميادة لان گامت تلطم و تضرب نفسهة و بنات گاعدات كل واحد يلوم بنفسة لان مراحوا وياهة
زهرة : ميادة اهدي هسة مهيب و جسر يرجعوهة ولله
نسرين : يا اختي اهدي لا يرتفع ضغطج
جمانة : اوف اوف منج زها ابد ما تگعديين ، يارب رجعها بخير و سلامة
نسرين : اروح اخابر مهيب اشوف ما لگوهة
نسرين خابرت على مهيب مارد ثلاث مرات خابرت
مهيب بلأخير رد
مهيب : ها عمة
نسرين : يا بعد عمة مالگيتوهة !!
مهيب : دا ندور عليهة عمة دورنا كل بستان اخاف رايحة بصوب بستان بيت شيخ فاتح ؟؟
نسرين : دروح ابني دورو عليها هناك هم بلكي تلگوها انطونا خبر ماشي يمة

مهيب سد اتصال و واحد من ولد خابروا ابن شيخ فاتح
جسر :الو سلام عليكم شلونك ياسين
ياسين : عليكم سلام هلا ولله جسر شلونك
جسر : حمدلله ، اگلك ياسين بنت عمتي ضايعة اخاف داخلة ببساتينكم بلكي تدور عليهة َ(ڳّأُتٌبّةَ سًأُلَيْ )
ياسين : من عيوني ثواني ادز رجال و انطيك خبر
جسر : ماشي تسلم ابو عمر تعبتك
ياسين : تعبك راحة ابو حر
فد نص ساعة ياسين خبرهم و گاللهم انوا لگوا وحدة نايمة جوة شجرة نخل كلهم راحوا لبستان شيخ فاتح لگوهة نايمة و خدودهة و شفتهة صاير حمر من برد و من بجي ، تشهك بنومتهة .
ركض مهيب نزع جاكيتة و غطاهة و حظنهة
شكروا صديقهم و جسر انطاهم خبر انوا لگوا أماني
مراد رجع للبيت حيل صاير عصبي
مراد (ابو روان ) : زهاااااااا
هرج بيت بصياحة نزلت زها بخوف التموا كل على صياحهم
زها : شكو خوية مراد ؟؟
لزمهة من شعرهة ، مراد بعصبية : ولله ثم ولله اذا هل مرة سمعتي أماني كلامج مسمومة او قهرتيهة بكلمة وحدة اموتج افتهمتيييي ما تلومين الا نفسججج
زها : ااااا شعرييي
ميسر : ولج انتي جبيرة حاطة عقلج وياهة ما تگولين اخوي مات عاف بنتة برگبتنة لازم اداريهة مو اجرحهة بكلامي ..
زها : تستاااااهل هل حقيرة هي موتت اخوي و مرتة
اتقرب منة محمد جنزهة موتهة من كتل
محمد : تحترمين نفسج لا اموتج افتهمتيييي لا تخليني ازوجج شلون ماجاااان ! َ(ڳّأُتٌبّةَ سًأُلَيْ )
دخل مهيب بيدة أماني و اماني حاطيلهة مغذي ، ودوهة لمستشفى لان جانت مستبردة
مهيب : عمي خلي هاي فترا تجي أماني تگعد يمنة
محمد : بس ابني ....
جمانة : خوية كلام مهيب صح خليهة تجي تگعد يمي لبين ما تهدأ زها
محمد : ماشي خوية اخذوهة يمكم
مهيب : نهلة خوية انتي نور جيبو ملابسهة و تعالوا لبيتنة
روان : مهيب احنة هم نجي
مازن : اي انتي هم روحي اني اوديكم
روان بخجل : ماشي
نور و نهلة صعدوا فوگ جابوا وياهم كم لبس لأماني
نور : راح اخذ هذية ابوهة هم هي تحبهة
نهلة : اي جيبي خطية حيل تحبهة
روان صاحت جوة : يلة بنات استعجلوا مازن ينتظرنا
نور : اي جايين
نزلوا جوة و قفلوا غرفة و راحوا لبيت عمو ميسر ......... َ(ڳّأُتٌبّةَ سًأُلَيْ )