جسر الأماني

8

َ(ڳّأُتٌبّةَ سًأُلَيْ )

اماني : ليش عموو ليششش ؟؟؟ اني هلگد ثگلت عليكم !! شلون گدرت تزوجني اجباري !! َ(ڳّأُتٌبّةَ سًأُلَيْ )
محمد : بنتي ...
اماني : لو ادري اني عبء عليكم جان ما اجيت و بقيت يم مرت خالي ضالمة
ميادة : لا لا بنتي لاولله انتي مو عبء علينة ، بس ناس جانوا يحجون عليج ، على انوا شلون بنية شابة تعيش ببيتكم و انتوا عدكم جسر ! ماحبيت يحجون عليج ....
اماني : عمة انتوا دمرتونييي و دمرتوا جسر ، ... جسر لو جاي علية وگايليي جان رفضتك ولله جان رفضتك احسن من كل يوم اسمعني كلامك مسموم .
اجة مهيب حظنهة بكل قوتهة ، مهيب : اشششش ياروحي كافي َ(ڳّأُتٌبّةَ سًأُلَيْ )
مراد : خوية لعد ليش ما انطيتنة خبر ؟؟ جان اخذتهة يمي اني ماعندي ولد !
اماني : عمة ياسمين ... عادي اجي اعيش يمكم ولله مراح ازعج بنات ؟؟؟
ياسمين : شنو هل حجي بنيتي طبعاً عادي انتي هم بنتي اني ماعندي ثلاث بنات اني عندي اربع بنات
جسر صعد فوگ لغرفتة گعد على جرباية حط ايدة على راسة جر شعرة بندم
جسر : اذا مو هية الي حرگت سيارتي منو لعد !!؟؟ اوووففف جسر دايماً تتسرع بقراراتك .

اماني لمت كل اشيائها و راحت ويا عمهة مراد  ، ميادة شالت ألوان الي كسرهن جسر و شال كرة ثلجية و ذبت گزاز ، راحت لغرفتهة طلعت صورة ام اماني
ميادة : علياء اسفة اختي ، ما گدرت احافظ على بنتج الله يخليج لا تزعلين مني َ(ڳّأُتٌبّةَ سًأُلَيْ )
جان تبجي بحرگة ، نهلة شافت امهة هيچ تبجي راحت شبگت أمهة

مر ليل محد گدر ينام بنات معافوا اماني وحدهة ابد
توي غفت اماني جان تجيهة طيف اهلهة گدامهة
علياء : بنيتي اماني ...اماني
اماني : مامة !! مامة وين بابة ؟؟؟
علياء : بنيتي راح تعيشين ايام صعبة بس دربالج تستسلمين ، كوني قوية بنيتي
اختفت طيفهم ، فتحت عيونهة بخوف بجت من كل گلبهة گامت روان
روان بخوف : امانيي !! كافي ياعمري كافي بجي ! شگد حاولت تهديهة بس مافاد ابد َ(ڳّأُتٌبّةَ سًأُلَيْ )
گامت رؤيا شافت اماني تبجي
رؤيا : امونة حبيبتي ليش تبجين ؟؟
روان : ركضي صيحي ماما ..لج بسرعة ...اهدي حبيبتي
اماني جانت تشهگ كل شهگة اقوي من ثاني
طبت ياسمين بخوف ، كلهم جانوا يبجون على بجي أماني ، جانت تبجي صخر هلگد تقهر
ياسمين ببجي : يايمة كافي مو ولله گطعتي گلبي
اماني بشهكة : اريد ...مامة ... اريدهم عمة ... گليلهم ... خل يرجعون ... محتاجتهم .
اماني من گد بجي ارتفعت حرارتهة ، و شگد حاولت تجر نفس ماگدرت َ(ڳّأُتٌبّةَ سًأُلَيْ )
ياسمين : روايدااا ركضي جيبي ماااي
رويدا جانت تركض و تبجي ، دگت باب غرفة ابوهة و طبت جوة شافت ابوهة نايم راحت يمة گعدت ابوهة
رويدا : بابة فدوة گوم ... اماني ما ادري شبيهة !
مراد گام بسرعة ، مراد : روحي خبري بيت عمج بسرعة بنتي
رويدا راحت لبيت عمو ميسر لان جان اقرب من بيت عمهة محمد ، دگت باب بكل قوتهة مازن فتح باب
رويدا ببجي : ولك ماازن وين مهيب ، خل يحظر سيارة اماني تخربطت !
مازن : شنووو اي اي صار
طب مازن جوة هي رجعت للبيت اخذت گلاص ماي و صعدت فوگ انطت ماي لأمهة ، ياسمين غسلت وجه اماني ، بس مافاد طب مهيب بخوف
مهيب بصياح : شبيهة اماني شبيهة ؟؟؟
مراد : ابني حظر سيارة خلنوديهة لمشفى بسرعة شيلهة
شالهة مهيب و نزل جوة ، اماني جانت حيل دايخة و تريد تجر نفس ماكو خافت بس لا تختنگ َ(ڳّأُتٌبّةَ سًأُلَيْ )
حطهة بسيارة و جان محظرة مازن ، صعد وياهم ياسمين و عمو مراد و ساق سيارة بسرعة
بنات رادوا يطبوا جوة جان يطلع عمو محمد
محمد بخوف : بنات شنو هل صوت منو شخط سيارة ؟؟
روان : عمو اماني تخربطت
محمد : شنو شبيهة
روان : جانت نايمة يمي يمكن حلمت بأمهة و صارت تبجي حاولت اهدية بس بدون فايدة و هلگد ما بجت صار ما تگدر تتنفس و نقلوهة للمشفى
محمد : بنيتي روان اخذي خواتج و روحي لبيتنة قفلي باب بيتكم و روحوا صيحوا نور هم
روان : صار عمو َ(ڳّأُتٌبّةَ سًأُلَيْ )
-
-
اماني .... فتحت عيوني و اني بلمشفى حاطيلي اوكسجين ، جسر كسر واهسي بكل شي ، خلاص بعد مالي واهس احجي ، اضحك !
جمسي متكسر ، عبالك مدعومة ، حابة انام ... انام   ما اگعد بعد !
اجا مهيب لزم ايدي َ(ڳّأُتٌبّةَ سًأُلَيْ )
مهيب : شلونج
نزلت جهاز اوكسجين و گلت اماني : تر...تريد صدگ !! مو زينة ابد .
مهيب : كل هاي علمود هدايا ؟؟
اماني : بعيونكم هذولة جانوا مجرد هداية ، بس يمي جان اغلا من حياتي ... من جنت اشغل موسيقى كرة ثلجية جنت احس بوجود ابوي ، من جنت ارسم بلألوان جنت احس بوجود امي ... بس ويا كسرهم اختفى هاي احساس ماعاد احس بوجودهم !!جنت احجي وياهم بس جسر كسرهم هسة مابقت عندي غير گلادة لحتى احجي وياهم 
جنت لابس گلادة و طلعتهة ، الگلادة جان تنفتح و بيهة صورة امي و ابوي  شوفت لمهيب
اماني : شوف هاي هدية قيس حاطت سورة ماما و بابا من اليوم راح احجي وياهم من خلال گلادة
مهيب : اذا تريدين اروح اجيبلج عشر منهن بس لا تقهرين روحج . َ(ڳّأُتٌبّةَ سًأُلَيْ )
اماني : ماريدهن .... لان مو من ابوي و امي !
مهيب ماعرف شي ود عليهة ، حيل انقهر ، طلع برا شاف عمامة و عمتة جايين شاف جسر راح ضربة بوكس
مهيب : مع الأسف عليك ... وانت تحسب نفسك على رجال ؟؟ تستقوى على يتيمة !! بس لأن اهلك طلبوا منك تحافض على سمعتهة و تحميهة من كلام ناس ؟؟
جسر بعصبية: اذا هيج انت اخطبهة !
مهيب بعصبية : ولكككك شبيك انت شصايرلك ؟؟؟
اني احب بنت خالتهة و خاطبتهة ، شلون اخطبهة ؟؟؟؟
مراد : جسررر مهيب كااافي ، خلاص انحلت سالفة منا و رايح اماني تبقى ببيتي اني ماعندي ولد لا انت تخطبهة ولا شي ، اصلاً لو تخطبهة هم بعد ما انطيك يا لو تنطبق سمى عل ارض ، لا تزعل مني خوية بس جسر مايستاهل انطي بنيتي !
محمد : لا خوية عليش زعل ، كلامك كلة صح ، امي هم ما اقبل اصلاً غلطت لما جبرتة يخطبهة
ميسر : الي صار صار ، هسة بنية تبقى ببيتك مراد ماشي ، و انت جسر ماريدك تتقرب من اماني نهائياً ما تتقرب منهة خطوة! َ(ڳّأُتٌبّةَ سًأُلَيْ )
طلع جسر مقهور ، مو مقهور من كلامهم لا كلامهم كلة صحيح ، مقهور لان عامل اماني بهاي طريقة !
يا ترى تجي يوم و يحب اماني !!!
-

دخلو كلهم يم اماني جانت نايمة  ، محمد تقرب منهة و باس راسهة استغرب
محمد بخوف : اماني ..! َ(ڳّأُتٌبّةَ سًأُلَيْ )