جسر الأماني

15

َ(ڳّأُتٌبّةَ سًأُلَيْ )

اماني .... طبيت جوة ،و اني حايرة شسوي يارب ، مستحيل اخلي يستغلني اروح يم مهيب !! اي احسن شي اروح يمة َ(ڳّأُتٌبّةَ سًأُلَيْ )
ميادة : يمة اماني شبيج ؟؟
اماني ابتسمت بتصنع : لا عمة ماكو شي بس وين جدي ؟؟
ميادة : عمي بغرفتة
اماني : ماشي عمة
رحت لغرفة جدي ، دگيت باب و طبيت جوة
اماني : جدو عندك مجال احجي وياك ؟؟
الجد : اي تعاي غاليتي .
اماني : جدو حجيت ويا عمو محمد علمود زها ...جدو اني سامحتهة انتوا هم سامحوا و خل نطلعهة من مخزن ولله گلبي يوجعني عليهة
الجد : يا بنيتي عبالج اني مرتاح من سجنتهة بلمخزن ؟؟ لا ...ماكو اب يفرح بأذية جهالة ! بس زها غلطت و لازم تتعاقب َ(ڳّأُتٌبّةَ سًأُلَيْ )
اماني : راح تصير اسبوع مسجونة مو كافي جدو !!
الجد : خلاص بنيتي الي تحبي سوي ، مفتاح يم جديتج
ذبيت نفسي بحظنة : احبك جدو

طلعت من غرفة و اني فرحان بس ... اختفي ابتسامتي من شفت عمار ،باوعلي و غمزلي خزرتة رحت يم جديتي و اخذت مفتاح رحت ليم مخزن و فتحت باب

زها ..... صارلي 6 ايام و اني احس روحي راح تطلع من قهر ، سامحينييي اماني شلون كتلتلج ااااخ اكيد هسة يم اخوي و دا تشتكي مني ، اسفة خوية منير ما صنت امانتك اتمنى ترجع بس حتى اصحح اخطائي ، اتمنى ترجع و اعتذر منهة ، كل يوم وحدة من بنات يجرن يحطون اكل و يطلعون محد يفتح حلگة بشي ، حقهم .... انفتح باب مثل كل يوم و اني ما ادري ساعة شگد .... باوعت اشوف منو عل باب شفت اماني ...معقولة دا اتخيل ؟؟ َ(ڳّأُتٌبّةَ سًأُلَيْ )
عصرت عيوني ، نفسهة واگفة ، زها : اماني !!
اماني : زها !!
ركضت عليهة و حظنتهة و اني ابجي، زها : امانييي انتي عايشة ، مدا احلم مو ؟
اماني : لا مدا تحلمين
گعدت يم رجلها ، زها : فدوة سامحينييي اماني سامحيني
اماني : گومي زها مسامحتج يلة نطلع
زها بخوف : لعد امي ؟؟؟
اماني : كل يدرون
طلعنا سوة شفت عمتي سعدية اهنانة هي و احفادهة ، جناينهة عدهم عيب يجون ، جاية وياهم ابتهال هم اوووف شكد مكروهة هاي َ(ڳّأُتٌبّةَ سًأُلَيْ )
ابتهال : هاا اشوفج طلعوج من سجن هههههه
اماني : انتي شعليييج ؟؟؟
زها : طول ما كل عائلة ملتمة ، اريد اعترفلكم بهواي اشياء ، يمكن من وراهة ترجعين تزعلين مني اماني بس لازم احجيهة و اطلعهة من گلبي .... بلأول اريد اعتذر من امي و ابوي و مرت اخواني و اخواني .... هواي اعتذر منكم لان عذبتكم و طولت لساني عليكم ، و اعتذر من ..... اعتذر من جسر ...
جسر : اني !!!!
زها : اي انت ، اعتذر منك لان ... حرگت سيارتك
جسر : لييششش زها لييششش ؟؟؟ انتي جنتي تعرفين شگد تعبت حتى اشتريت هاي سيارة !! جتى بسببج كسرت اغلى هدايا اماني ، الي هي من ابوهة و امهة !!
اماني .....باوعت عليهة بصدمة ، هي .... هي الي حرگت سيارة جسر !!! باوعت على جسر بنظرة عتاب لان كسر هدايا اهلي و اني بريئة نزلت دموعي
زها : اعتذر .... ادري مهما حجيت مراح تسامحوني ، و اعتذر من اماني لان حملتهة ذنب موت اخي و مرتة ، اعتذر لان عذبتج ، ظربتج ، جرحتج بكلامي .... بسببي غرگتي َ(ڳّأُتٌبّةَ سًأُلَيْ )
اماني : سامحتج !!