َ(ڳّأُتٌبّةَ سًأُلَيْ )
مر شهرين على هاي يوم ، اماني ورا اسبوع رجعت لبيت عمها محمد ، و زها اعتذرت من ورا خشمهة من أماني .
ساعة 8 صبح نزلت أماني جوة شافت كل گاعد على سفرة (فقط بيت محمد موجودين ) َ(ڳّأُتٌبّةَ سًأُلَيْ )
أماني : صباح خير
كل : صباح نور
ميادة : تعاي بنيتي تريگي
گعدت تريگت وياهم و لمت سفرة ويا زها و نهلة
أماني : نهلة عادي اروح ، عندي حجي ويا عمو محمد !
نهلة : روحي اخذي راحتج گلبي
زها بهمس : ايي خاتونة تروح تگعد و احنة نكرف مو
تجاهلتهة أماني و راحت شافت عمهة و عمتهة ويا جسر گاعدين
أماني : عمو !!
محمد : هلا بنيتي تعاي گعدي يمي
راحت گعدت يمة ، أماني : عندي طلب صغير !
محمد : شنو هي بنيتي ! َ(ڳّأُتٌبّةَ سًأُلَيْ )
أماني : عمو اريد اكمل دراستي ! خالي ما قبل ادخل لجامعة اصلاً راح علية سنة
محمد : اكيد هذا شي يسعدنا بنيتي شكد معدلج ؟؟
أماني : 95
جسر : 95 و ماخلاج تكمليين ؟؟
اماني :اي گال ماعندي امكانية ادرسج
جسر : حسبي الله ونعم الوكيل
محمد : يا قسم تحبي و ياجامعة اختاري ويا جسر!
جسر : لحظة اجيب لابتوب اختاري كلية و قسم الي تريدي
أماني بفرح : ماشي
جاب لابتوب نزل اشرلهة تجي تگعد يمهة گعدت
أماني : احب قسم تصميم داخلي
جسر : تريدين قسم ديزاينر !؟
أماني : اي ، ماعندي مشكلة ويا كلية ، انت اختار
جسر : من عيوني
محمد : نهلة بنتي .... اخذي أماني و يا بنات اشترو ملابس .
نهلة : صار بوية َ(ڳّأُتٌبّةَ سًأُلَيْ )
أماني : عمو مايحتاج عندي هواي ملابس بس اريد اشتري حجاب لان اريد اتحجب !
ميادة : صدگ !! الف مبروك بنيتي
أماني : الله يبارك بيج عمة .... عمو ادري طلباتي كثرن بس اخر طلب
محمد : شنو هل حجي انتي بنيتي و من حقچ تطلبين اي شي تريدين
نزلت راسهة جسر لزم حنجهة رفع راسهة، جسر : لا تنزلين راسج ، بعدين توگع تاجج !
رفعت راسهة بأستغراب ، أماني : ها !!
جسر : انتي أميرة اذا نزلتي راسج توگع تاجج ، و الأميرات ماينزلون راسهم
استحت خدودهة صار حمر من خجل ، جسر ما يعرف ليش هيچ دا يتصرف وياهة !!
محمد : اي أميرة أماني شنو هي طلبج ؟؟
أماني : احم ... اريد ادوات رسم ، عندي الوان بس احتاج لدفتر رسم !
جسر : خلاص بوية الي تريدين يجرالج العصر راح اوديج انتي و بنات للمول و اشتريلج اي شي تريدين .
أماني : انشالله َ(ڳّأُتٌبّةَ سًأُلَيْ )
ميادة : محمد ممكن لحظة اكو موضوع اريد احجي بيهة وياك !
محمد : صار جاية !
راحوا لديوان و گعدوا گبال بعض
ميادة : محمد شنو رأيك نخطب أماني لجسر
محمد : أماني !!!
ميادة : اي ، ادري هسة تگول اخوي توي مات و انتي فكرج وين ، بس ولله ناس كلة دا تحجي على اماني ، حجيهم يجرحني محمد !
محمد : كلامج صح راح اصيح جسر و احجي ويا
ميادة : انت اكعد اني اصيحة الك
راحت ميادة و صاحت جسر ، اجة جسر دگ باب و دخل جوة
جسر : ها بوية امي گالت عندك موضوع وياي
محمد : اي ابني تعال اگعد
جسر : قلقتني بوية خو ماصاير شي ؟؟
محمد : لا ابني ، ...اسمعني جسر ... اماني من يوم ما اجتي يمنة صح احنة ابد ما حسينة بيهة ، بس ناس ما ترحم بوية ، كل دا يحجون على اماني ! انت تقبل يحجون على عرضك ؟؟ َ(ڳّأُتٌبّةَ سًأُلَيْ )
جسر بعصبية : لا طبعاً منو حجي حتى اروح اخلي .....
محمد : اهدء ماريد مشاكل اني عندي حل ! انت اخطب أماني !
جسر : شنووووو !! اني ! مستحيل بوية
محمد : ليش بلة ؟؟ بيهة عيب ؟؟
جسر : بوية اماني مثل اختي و ما اگدر اخطبهة !
محمد : لا راح تخطبهة يعني تخطبهة ، اذا ما خطبتهة راح اغضب عليك ليوم دين !
جسر : لا بوية الا انت ، ما اگدر على زعلك ...صار الي تريدة يجرالك !
طلع من غرفة مزعوج ، شاف اماني گدامة و دفعة بخفة و طلع ، اماني استغربت راحت گعدت يم مرت عمهة و حطت راسهة بحظنهة لحد ضهر مارجع جسر ، فرشوا سفرة و بدوا بلأكل
ميادة : نهلة تعاي ودي ماعون اكل لمهيب يحب هاي اكلة
نهلة : مامة دا اغسل خظرة
أماني : اني اوديهة عمة جيبي َ(ڳّأُتٌبّةَ سًأُلَيْ )
أماني ..... اخذت ماعون و طلعت من بيت و رحت لبيت عمي ميسر ، دگيت باب فتحلي مازن
مازن : هلا ولله نورتي بنت عم
أماني : منور بوجودك مازن... مهيب موجود !!
مازن : اي ليش ؟؟؟
أماني : عمتي دزت ماعون تمن أحمر ، هو يحبة
مازن : فوتي جوة
أماني : لا ولله ارجع للبيت اساعد نهلة
مازن : ماشي ...دربالج على نفسج سلمينة
أماني : يوصل
رجعت للبيت اول ما دخلت شفت جسر نزل من سيارة شافني واگفة گدام باب اجة جرني من ايدي و لزمة قوي
جسر بعصبية : انتي شتسويين واگفة گدام باااب
انصدمت شبي هذا نترت ايدي منة
أماني : شبيك جسر وديت اكل لييت عمي ميسر !
جسر : ليش انتي وديتي نهلة و زها مو بلبيت ليش همة ما ودوا ؟؟؟ َ(ڳّأُتٌبّةَ سًأُلَيْ )
أماني ببرود : اني وديتة و خلاص !
ردت افوت جوة جرني من ايدي و عاف ايدي و لزم اذني و جرة ليفوگ عيوني دمعن
أماني : ااااخ اذني جسر
جسر : هلمرة اذا رحتي بدون ما اكمل كلامي اموتج افتهمتييي يلة طبيي جوة ثاني مرة ماشوفج تاخذين اكل زيين
أماني بقهر : زين
طبت جوة بدون ما تباوع على اي شخص ، صعدت لغرفتهة ذبت نفسهة على جرباية بجت بحرگة و لزمت اذنهة فركتهة ، راحت لحمام الي بغرفتهة و غسلت وجههة و نزلت جوة گعدت على سفرة ما باوعت بوجه اي شخص حاولت تاكل بس انسدت شهيتهة من ورا جسر
ميادة : نهلة بنتي ورا غدا حطي جاي على نار
أماني : عمة اني احطهة
جسر : بس دربالج لا تحرگينة مثل اهلج !!
تجمدت بمكانهة ، جسر فتح جروحهة عبالك حط ملح على جرحهة ، انتبه جسر لنفسة شحجى
محمد : جسسسرررر شنو هل حجييي !!
أماني : ...ل .. لا عمو ..مصار ش..شي
جسر : أماني لحظة َ(ڳّأُتٌبّةَ سًأُلَيْ )
عافت هول و راحت لمطبخ ما گدرت تلزم نفسهة اكثر نزلت دموعهة جسمهة كلة صار يرجف اخذت قوري اتذكرت لما حطت قوري على نار و سوت جاي و نستهة على نار صارت ترجف اكثر وگعت قوري من ايدهة
نهلة : حبيبتي اماني تعاي گعدي اني اسوي چاي
اماني : ل...لا لا اني اني اسويهة ..وعد مراح احرگكم و و راح انتبه ولله
جان تحجي بحرگة و ترجف مثل واحد عندة صرع
ترست قوري ماي انعادت شريط موت اهلهة گدام عيونهة صوت صراخ ابوهة و امهة صارت ما تشوف غير اهلهة بداخل نار صح همة ما احترگوا بس اختنگوا بدخان ، همين وگعت قوري غمضت عيونهة تريد بس تروح رؤيا من گدام عيونهة بس ماكو كأن صارت عمية و ماتشوف غير اهلهة ، حاولت تجر نفس بس ما گدرت
اماني : م...مامة ، بابة ...... لااا ... لاااااا
نهلة ركضت للهوول ، نهلة بخوف : مامة بابة اماني ما ادري شبيهة فدوة لحگو عليهة َ(ڳّأُتٌبّةَ سًأُلَيْ )
كلهم ركضوا للمطبخ أولهم جسر طبعاً غير زها بقت بمكانهة كملت غداهة ولا كأن صاير شي
اماني : ع...عمو انقذ اهلي ...لا مامة
محمد : بنيتيييي اماني اصحي انتي دا تتخيلين
ميادة جابت ماي رشتهة على وجه اماني غمضت عيونهة بقوة و فتحتهة ورا دقايق ... باوعت على ايدهة بأستغراب جانت لازمة ايد عمهة داخت حيل و وگعت
جسر : امااني ولله اسفة ماجان قصدي
ميادة : ولك جسر اذا صارلهة شي اموتك لك هاي بنت غالية
شالهة جسر و وداهة للمستشفى .....(يتبع) َ(ڳّأُتٌبّةَ سًأُلَيْ )
أنت تقرأ
جسر الأماني
General Fictionأماني يتيمة ، عايشة تحت ضلم مرت خالهة بعد ماجانت مدللة ، فجاة عمهة يجي و ياخذهة بعد ما عرف بنت اخوهة عايشة يم مرت خالهة ضالمة ، عائلة تفرح بوجود أماني غير عمتهة صغيرة الي تتهمهة بقتل أمهة و ابوهة .....
