جسر الأماني

5

كل واحد ياخذ من قصصي بدون علمي او ما يكتبون اسمي ما ابري الذمه
َ(ڳّأُتٌبّةَ سًأُلَيْ )

جسر .... شلتهة و خليتهة بسيارتي و رحنة للمستشفى صرت اكل بنفسي ليش هيچ جرحتهة ليش ، اوففف اوفف جسر َ(ڳّأُتٌبّةَ سًأُلَيْ )
اخذوهة من بين ايدي و طببوهة لقاوش و دخل دكتور عليهة
محمد : ولله اذا صارلهة شي ما تلوم الا نفسكك
ما الي عين ارد عليهم حقهم بس ولله من حرگة گلبي طلع هاي جملة من حلگي ، طلع دكتور و طمننا عليهة گال مجرد انهيار اعصاب 
مرت نص ساعة و فتحت عيونها ، باوعتلي و نزلت راسهة
جان يخابرني مهيب هو هم خايف عليهة طمنتهم و سديت اتصال ، دكتور اذن لهة بلخروج و طلعناهة ما حجت ولا كلمة
رجعنة للبيت كلهم جانوا موجودين اجة مهيب اول ما شافهة حظنهة و شالها َ(ڳّأُتٌبّةَ سًأُلَيْ )
مهيب : يا بعد اخوج حمدلله على سلامتج
اماني : الله يسلمك
طببهة جوة و وداهة لغرفتها ، نزل گعد يمنة اني طلعت برا ما الي وجه اگعد وياهم .
فتحت باب سيارة ماحسيت غير اجتني دفرة ببطني ما ادري شلون باوعت جان مهيب
جسر : ااخ ولك شبيك  ؟؟
مهيب : شبية مووو ؟؟ ولك شلون هيچ تجرحهة شلوون !! هسة تجي و تعتذر منها
جسر : عوفنييي مهيب بعدين اعتذر 
مهيب : ولك انت غبي لو تتغابى تفتح جروحها الا هاي موضوح حيل حساسة ... الي مرت بي اماني مو قليل  !
جسر عاف مهيب و صعد سيارتة و راح ، الأهل بعد ما طمنوا على أماني كل واحد رجع لبيتة و غرفتة
أماني حست بخنگة لبست جاكيتهة و نزلت جوة
فتحت باب على كيفهة و طلعت للحديقة ، گعدت على مرجوحة تفكر بحياتهة ، الي فقدتنها بين ليلة و ضحاها، شلون تگدر تتعايش مع هاي وضع و الكل يتهموهة بقتل اهلهة َ(ڳّأُتٌبّةَ سًأُلَيْ )
أماني بقهر: اااخ اماني اخخخ شجان يصير لو ما عفتي قوري على نااار ... هسة جان اهلي عايشين ياريت لو اني هم ميتة وياهم
جان تسمع صوت جسر وراهة ، جسر : أسفة !
باوعت على جسر و نزلت راسهة ماتريد تحجي ويا اي شيخص رادت تگوم و تطب جوة جسر لزم ايدهة
جسر : اماني خلينة نحجي
اماني : ماعندي قابلية احجي
جسر : بس خمس دقايق مو اكثر
اماني تنهدت : تفضل
جسر : تعاي نگعد
راحت گعدت يمة بس خلت بيناتهم مسافة
جسر : اماني مجان قصدي اجرحج ولله ... طلعت من حلگي بدون قصد جنت تعبان و مضغوط ، طلعت حرگة گلبي بيج . َ(ڳّأُتٌبّةَ سًأُلَيْ )
اماني : جسر ، اني فقدت اعز شخصين بحياتي ، و ب..... بسببي ماتوا ، اليوم كلش جرحتني عبالك حطيت ملح على جروحي ، رغم هاي اني مسامحتك .... هسة عن اذنك اريد ارتاح .
عافتة بدون ما تسمع ردة صعدت فوگ فتحت باب كنتور طلعت كيمونة ويا ستريج ، فتحت جرار يم جرباية طلعت گلادة الي بيهة صورة امهة و ابوهة ، بگلبهة نار تريد طفي نار گلبهة بس ما تدري شلون
تگوم و تگعد تلوم بنفسهة ....
-
-
مهيب .... تمددت على جرباية مر شهرين و اني ما ناسي صوتهة حيل مشتاگلهة ، اريد اشوفهة راح يطگ گلبي عليهة بس شلون يارب ساعدني ، خلاص باجر احجي ويا اماني بلكي تنطيني رقمهة ..
غمضت عيوني بزور يلة نمت ، صبح ساعة 8 گعدت من نوم رحت غسلت و نزلت شفت امي و نور دا يحظرون ريوگ َ(ڳّأُتٌبّةَ سًأُلَيْ )
مهيب : صباح خير
جمانة : صباح نور ، تعال ابني اگعد ثواني يتحظر ريوگ
مهيب : لا يمة رايح اتريك بيت عمي محمد اشوف اماني و مناك اروح لشغل ويا جسر .
نور : لعد اروح اگعد مازن حتى يوديني لكلية
مهيب : مو متأخرة ؟؟
نور : لا اليوم محاظراتي تبدا ساعة 9
ميسر : ها مهيب اشوفك مستعجل
مازن : عوفك منة بوية خوية عشگان
مهيب : ماازن !
جمانة : صدككك منهية ابني گلي خل اخطبهة الك !
مهيب : ماكو هيچ شي يمة مازن حلمان بية
خزرت مازن بلكي يسكت ، من شافني خاف و سكت .
طلعت من بيت و رحت لبيت عمي محمد دگيت باب فتحتلي نهلة
مهيب : ها نهيلة اشو انتي هم بعدج مرايحة لكلية ؟؟
نهلة :  گعدت متأخرة فگلت اروح ويا نور و مازن
مهيب : ماشي خوية ، لعد اماني ؟؟
نهلة : گاعدة يم اهلي دا يتريگون يلة اني رايحة بااي
طلعت نهلة ، طبيت جوة سلمت عليهن رحت بست راس اماني َ(ڳّأُتٌبّةَ سًأُلَيْ )
مهيب : شلونهة أميرتي
اماني بفرحة : زينة
جسر : يلة اني رايح مع سلامة
مهيب : دومج بنيتي ، جسر لا تروح وحدك انتظرني اتريك و نروح سوة
جسر : ماشي انتظرك
تريگت وياهم شفت اماني گامت و راحت لمطبغ رحت وراهة
مهيب: أمونة ، فدوة بعد اخوج اكو موضوع حابة احجي وياج بليل عندج مجال تجين لبيتنة او اني اجي لبيتكم !
اماني بخوف : شنو هي موضوع ؟؟
مهيب : لا تخافين ماكو شي يخوف
اماني : براحة اها تمام ... لعد اني اجيكم بليل ماشي ، بس مهيب تگدر تجي عصر تاخذنا للمول احتاج كم اشياء !
مهيب : من عيوني
جسر : ولك مهيب يلة اتأخرناا
مهيب : جاي جاي... يلة مع سلامة ما تحتاجين شي؟؟
اماني : لا سلامتك خوية دربالك على نفسك
طلعت من بيت شفت جسر ينتظرني يم سيارتي
مهيب : لعد وين سيارتك ؟؟؟
جسر : اليوم راح توصل ،  واخيرا اشتريت سيارة احلامي ولك صارلي سنين الم بفلوسة
مهيب : هههه مبروك ، لو سامع كلام عمي جان من زمان صار بيدك سيارة َ(ڳّأُتٌبّةَ سًأُلَيْ )
جسر : لا حبيت اشتريهة بتعبي تكون احلا
مهيب : يلة مشينا
-
أماني .... لميت سفرة ، نهلة بدوام ، زها من تشوفني اشتغل ما تمد ايدهة ابداً ، رحت للمطبخ غسلت مواعين خطية عمة ماتگدر علمود جتفهة
زها : هه اي عفية غسلي مواعين زين و عزليهن
باوعت عليهة صفح و ماجاوبتهة ، اذا تريدين تقهرين عدوج بس تجاهليهة او ابتسمي بوجههة رغم زها مو عدوتي هي عمتي شما تسوي تبقى عمتي الي احبهة ، هي جانت تحبني هواي بس من يوم الي ماتوا اهلي هي تغيرت علي و تحملني ذنب موتهم ولوا كلامهة صح اني سبب ، كل يوم الوم بنفسي اني سبب طول عمري مراح اسامح نفسي .
زها : دا احجي وياج غسلي زين !
أماني بأبتسامة : تدللين َ(ڳّأُتٌبّةَ سًأُلَيْ )
حسيتهة راح تطگ من عصبية ، جان تروح يم مواعين نضيفة شالت ماعون و رگعتهة بلگاع حيل انصدمت من تصرفهة
زها : هيييي ولج اماني شسويتييي ليش كسرتيهة ؟؟
حيل انصدمت منهة كسرت مواعين و ذبتهة براسي
اماني : شدا تحجين زها اني ما كسرتهة انتي كسرتيهة
جان تجي تجر شعري ، زها : عيب تجذبين ، لج هاي مواعين تخم ، هدية أمي جابتهة لمرت اخووي
شلون تكسريهن هاااا
اجوي عمي و عمتي على صوتهم ، عمتي من شافت زها لازمة شعري اجتي ركض دفعت زها
ميادة :زهااا ولج شلون تجرين شعرهة شلوون !!
زها : عمة هي كسرت تخم الي جابتهة امي هدية
(زها تنادي ام جسر عمة لان هي كبرت ويا جسر و مهيب ف تعلمت منهم تنادي مرت اخوانهة عمة )
ميادة : مواعين مو اهم من اماني
محمد : زها ليش هيچ تعاملين بنت اخوج ليشش ؟؟
زها : كلنا ندري عمة ميادة شگد تحب هل تخم مواعين
ميادة : صح هي غالية على گلبييي بس مو اغلا من امانييي ، راح انبهج اخر مرة زها دربالج تأذين اماني هاي اول و اخر مرة افتهمتييي ...تعاي بنتي
اماني : عمة ولله ماكسرتهن !! َ(ڳّأُتٌبّةَ سًأُلَيْ )
طلعت زها بعصبية من مطبخ ، ردت الم گزاز بس عمتي ما قبلت ، ما ادري شعجب ما نزلت دموعي !

(ببيت مراد ابو روان )ساعة 1 ضهر
روان رجعت من كلية هي كليتهة تفرق عن كلية نور و نهلة ، نزلت براس شارع ، بطريق رجعة شافت طفل صغير ضايع ، يمكن عمرة 4 سنوات و يبجي
راحت يمة
روان : حبيبي ليش تبجي
-اريد مامة
حان يحجي مكسر ، لزمت ايدة و سويت نفسي بمستواه و لزمت وجهة و مسحت دموعة
روان : انت رجال و مايصير تبجي ، هسة راح نلگى مامة و  بابة
راحت وگف بزاوية علمود شمس لا تضربهم رغم شتا و شهر 1 بس تبقى شمس ضهر حارة ، انتظرت نص ساعة محد اجا او سئل على طفل اضطرت تروح تسئل دكاكين و وصفولي بيت طفل ، مشيت ليگدام ، شلت طفل و دخلت بدربونة دگيت باب أول بيت شفتهة گدامي فتحتلي مرية سئلتهة اذا تعوف اهل طفل هي هم وصفتلي بيتهم اخيراً لگيتة شفت مرية گاعدة تبجي و جوارين ملتمين و زوجهة دا يصيح عليهة من شافوني بيدي طفل ركضوا ، فهمتهم الأمر و تشكروني و رجعت لراس شارع جان توگع مبايلي و انكسرت َ(ڳّأُتٌبّةَ سًأُلَيْ )
روان : اوففف هسة شلون اخابر مامة و كلش تأخرت هسة تقلق
روان .... شلت مبايل من گاع بعد ما تكسرت و حطيتهة بجنطة ، جنت دا اعبر شارع ما سمعت غير صياح واحد بأسمي .......... َ(ڳّأُتٌبّةَ سًأُلَيْ )