《من حمرة شفتيها صنعت القبلة والطلقة...》
《 إحترس... فإنها تأخذ مالك.. وكل ما لك...》
...طلعات عينيها فساندرو لقاتو حمر تيتعرق وهي تنطق بهمس...
فاليريا: مال هدا تيدير التسخينات من هنا...
مداتلو الماء بكل براءة وهي تترمش فعينيها...
فاليريا: بانلي فيك الصهد هاك شرب...
ساندرو شد الكاس من عندها متبسم باش مايفضحش راسو...
ساندرو: اه عندك الحق... الحال سخون... (تينش على راسو)
فاليريا رجعات تتاكل ممسوقاش ليه... مالها زربانة النهار طويل... بعد مدة عاد رجعات لور متكية على الكرسي بتخمة...
فاليريا تكرعات: اوبس.. شبعت..
ساندرو بهمس: اخيرا... (رفع صوتو) هي نمشيو دابا...
فاليريا رجعات قربات للطبلة: باقا التحلية...
ساندرو رجع تكا على الكرسي وماجاوبهاش... على شوية كان ايمشي ويخليها... ولكن تشهاها وخصاتو هي ماشي شي وحدة اخرى...
نطقات فاليريا مصطانعة الغباء وهي تتبنن بالكيكة: فين انمشيو..؟
ساندرو: فينما بغيتي... اوطيل ولا داري...
فاليريا شافت فيه تتمص صبعها: فين جات دارك..
ساندرو عينيه على لسانها: مابعيداش من هنا...
فاليريا بدات تفكر: اممم...نمشيو للدار.. باش ناخدو راحتنا أكثر... (غمزاتو)
ساندرو وقف: اذن نمشيو دابا...
داز من حداها جارها...
فاليريا: والكيكة...
ساندرو: دابا نشريلك وحدة اخرى...
سحبات يديها من يدو ورجعات للطبلة هزات طرف من الكيكة.. ورجعات عندو تتاكل فيها...
فاليريا: دابا نمشي معاك فينما بيتي...
ساندرو تبسم بخبث... ناوي مايطلقهاش اليوم حتى يشبع منها... مشاو على رجليهم لدقائق وفاليريا تتاكل من الكيكة بحال الفار... تتعض غا عضات صغار وتبنن وتلحس شفايفها.. معارفاش بين تصرفاتها تيزيدو يهيجو ساندرو لي قرب يحماق... ماوصل لدارو حتى كان ايشدها فوسط الطريق نيت...
دخلو للموبل قاصدين السانسوغ... لي كان خاوي.. غير تسد عليهم الباب لصقها ساندرو مع السانسوغ حتى تقصحات...
فاليريا: أي... بالشوية...
خشا راسو فعنقها تيقبلها وهي غير مسايراه... بدا تيتلمس فجسمها ماد يدو ناحية مؤخرتها... حتى تفتح السانسوغ وهي تدفعو من عليها...
ساندرو شاف ناحية الباب تيلهث وشدها من يديها جارها معاه حتى قدام باب دارو... فتحو وهو مرة مرة تيشوف فيها هي لي جبدات العكر نتاعها تتعكر بيه... غير فتح الباب جرها للداخل ولصقها مع الحيط يكمل مابدا... وهي لاحت الصاك فالارض... بدا تيقبلها فعنقها هو الاول طالع ناحية شفايفها حتى وقفاتو...
فاليريا: ام ام اممم... هاديك خدمتي...
رجعات هي لي لصقاتو مع الحيط تتبوسو بوسات خفاف على عنقو.. وربات حتى لتحت وذنو وطبعات قبلة عميقة طابعة عكارها تما...
بدات تسمع صوت تأوهاتو وتيتنفس بصعوبة... حيد التيشورت وبدا تيدخل يديه مع السمطة د سروالها.. عرفاتو فأي لحظة ايشدها فوق السرير... وهي تنطق دافعاه بيديها بلطف...
فاليريا: احم ممكن تسبق الحمام هو الاول...
ساندرو تيلهث: علاش...
فاليريا: عندي حساسية من ريحة العرق...
ساندرو شم فراسو لقا بين فريمون فيه الريحة... تم قاصد الحمام تيحيد فالسروال ودار عندها...
ساندرو: تسنايني فالصالة...
فاليريا بغنج: اوكاي... (غمزاتو)
لاح السروال تما فالارض نيت ودخل للحمام... فاليريا غير سمعات صوت الماء تطلق وهي تقصد السروال تتقلب فيه.. خدات الفلوس لي كاينين فالبزطام ولاحتو هو فالارض... وبدات تقلب فالصالة بالخف على اي حاجة بانتلها تما... كانت الدنيا نقية.. دارت بناقص ورجعات للكولوار هزات صاكها وخرجات بخطوات سراع.. غير وصلات للباب فتحاتو بالجهد وسداتو بالصوت... ركبات فالسانسوغ ونزلات للتحت وهي تتحسب فالفلوس وهي تتنقز بالفرحة... حتى تفتحلها الباب وتمات خارجة تتقلب على منين ادوز...
عند ساندرو لي سمع صوت الباب تحل وخرج من الحمام لاوي على نصو فوطة... بدا تيقلب عليها وهو تيعيط...
ساندرو: فالانتا... (طل فالصالة) فالانتا... فينك...
دار وراه وهو يلمح بزطامو مليوح تما.. وسع عينيه وقرب منو لقاه خاوي من الفلوس مخليا ليه غير لاكارط... لاحو فالارض ومشا تيجري للبالكون طل منو...
أما فاليريا فخرجات من الموبل دايزة من تحت البالكون حتى سمعات شي واحد تيعيط بشي سمية ماغريباش عليها...
ساندرو: فالانتاااا...
طلعات راسها فيه وهي تشوف ساندرو تيعيط ليها... وقفات تتشوف فيه وهي طلع صبعها على شكل فاك...
فاليريا: هدا كادو من عندي ملي نتا اول كليان فخدمتي الجديدة...
ضرباتها بضحكة عالمية حتى بدات تكحب... شافتو دخل فحالو باينة ايجي لعندها وهي تنطق...
فاليريا: اوبس...
شداتها بجرية ماوقفات حتى خرجات فالشاريع الكبير... عاد بدات تكمل مشيتها بالشوية عليها... قلبات فصاكها على شوينكون نتاعها ديال الصباح خبعاتها تما.. غير لقاتها دارتها ففمها تتنفخ فيها وكملات طريقها تتبومبا.. معارفة فين تمشي ولكن ما اتبقاش واقفة بلاصتها...
عند ساندرو لي وقف قدام المرايا وهو معصب ضاغط على سنانو.. حتى لمح طبعة عكارها تحت وذنو وهضرب يدو مع لافابو حتى تقصح...
ساندرو: احححح
...عند فاليريا لي كانت غادا فالطريق تتشوف هنا ولهيه بحال القطة... حتى حسات بشي صفعة فمؤخرتها.. وهي تنطق بعفوية...
فاليريا: اوبس...
دارت وراها لقات شاب تيشوف فيها ويعض على شفتو السفلية... ونطق بحال نبرتها...
-اوبس..
فاليريا تبسمات فوجهو حتى قرب منها حاني عندها...
-كيدايرة الزوينة...
فاليريا حطات يديها على كتافو وطلعات ركبتها ضرباتو وسط رجليه... رجعات لور ونطقات...
فاليريا: اوبس...
خرجاتلو اللسان ومشات تتجري وهو تابعها واخا مقصح... دخلات مع واحد الزنقة وهي تتغوت حيت تقلعاتلها الصندالة...خرجات فواحد البوليسي لي وقف عليها تيسولها مالها...
الشرطي: ميس مالك تتجري...
فاليريا تتلهث: شفار... شفار تابعني...
شاف شي واحد تيجري من وراها ورفع عليه فردي...
الشرطي: وقف هاز يديك...
وقف داك الشاب تيلهث وتيشوف ففاليريا لي تتعطيه اللسان..
الشاب: انا بوليسي... وهاديك لي وراك راها ضرباتني...
فاليريا وسعات عينيها وحنات هازة صندالتها وعطات رجليها للريح قبل مايدور عندها البوليسي... فاش دار لقاها مشات... تبعها داك الشاب تيجري من وراها ولكن مالحقهاش... حيت هي دخلات من شي زنقة قبل مايلحق...
وقفات بلاصتها تتلهث وتتحس برجليها ضارينها... بدات تشوف فصندالتها لي تقطعات بزاف... لاحتها تكا وكملات بالحفا حتى دخلات فحي شعبي... دازت من حدا واحد الدار ناشرين حوايج عند الشرجم.. شافت يمين وشمال مكان حد تما وهي تقرب بالشوية ناحيتو... جبدات تيشورت عريض فالبيض باينة نتاع راجل... لبساتو فوق داك البيل ووصلها لفخاضها... حنات تتحيد فالسروال... وكمشاتو فيديها ودراتو فالصاك... حيدات البيروك تاهو دارتو فالصاك وكملات مشيتها تتمسح الميكاب بكروتها ومزيل الميكاب وتتقلب بعينيها على شي حاجة لي تنفعها...
مخرجات للشاريع الكبير حتى كانت سالات المسيح ورجعات طبيعية... دازت حدا محل بسيط تيبيع الاحذية شرات صندالة وخرجات تتمشا بمشيتها المعتادة... حتى خرجات فنفس البوليسي نتاع قبيلا... تكمشات فبلاصتها ودازت من حداه مغطية وجهها وراداليه بالجنب حتى فاتتو...
غير فاتتو رجعات تمشا عادي حتى وصلات لواحد تما تيبيع غزل البنات.. وقفات عندو شرات وحدة وتمات غادة تتاكل فيها وتبنن ولحس بصعانها... حتى طاحتلها فالارض...
فاليريا: اوبس...
حنات تهزها حتى سمعات شي صوت ماغريبش عليها قال تاهو اوبس... طلعات راسها وشافت قدامها زوج رجال هازين مرايا كبيرة.. وشافت فإنعكاسها الشاب لي ضربات هو لي واقف من وراها تيقلب بعينيه على شي واحد... باينة تيقلب على مولات كلمة "اوبس".. وقفات على رجليها جامعة عندها الصاك.. وبدات تمشا بالشوية باش ماتتيرش الانتباه... حتى دخلات بين حشد نتاع الناس مبعدة منو عاد رتاحت...
كملات الطريق على رجليها وهي تدور فعينيها وتشوف المباني... تتحاول تحفظ البلايص مناش تدوز.. حتى وقفها كلمة "اوطيل"... نزلات عينيها فالاوطيل بانلها متوسط... طرطقات مسكتها و زيرات على صاكها داخلاليه.. وقفات فالاستقبال تتطرطق فصبعانها على الكونطوار تتسنى يبان المستقبل... بانلها الجرس محطوط تما بيه باش تتعط على المستقبل... بدات تحرك فيه بسرعة وبدون توقف... حتى وقف عليها المستقبل تيشوف فيها... بقات تتشوف فيه وهي مزال تتحرك فالجرس وطلعاتو عند وجهو... بعد ثواني وقفات التحراك وحطاتو على الكونطوار... مبينة وجهها وطرطقات نفاخة كبيرة دارتها بمسكتها...
فاليريا: بغيت نحجز بيت...
المستقبل: بيت متوسطة...؟
كملات الاجراءات معاه باش تحجز الغرفة وهي عينيها فلي داير بيها... كانت غرفة الاستقبال خاوية... فيها غا سيكيريتي راجل كبير فالعمر... دارت فاش نطق المستقبل مادلها لا كارط باش تفتح الباب...
المستقبل: الغرفة 20 الطابق الثاني...
طيراتلو لاكارط من يديه ومشات قاصدة الدروج... طلعات تتقلب بعينيها على الغرفة 20 حتى لقاتها... فتحاتها ودخلات لايحة الصاك عند الباب وتلاحت فوق الناموسية على كرشها... بدات تبومبا فوقو حتى عيات ووقفات... حسات بذاتها فاشلة عليها ومحتاجة مساج... ناضت من بلاصتها تتطرطق فعنقها وقررات تمشي لشي مركز ديال الصونة يكون قريب... قصدات صاكها جبدات كاع لي فيه وخلات غير شنو اتلبس فاش تكون راجعة... وخرجات من الاوطيل تتقلب على شي مركز... حتى بانلها واحد تما ودخلاتلو تتشوف بعينيها... وقفات على الاستقبال تتطرطق فمسكتها...
فاليريا: بغيت ندير مساج...
بعد دقائق تمات داخلة للبيت فين ادير مساج ملوية عليها فوطة وجامعة شعرها كعكة مخربقة... ومن الدخلة مشات عينيها لواحد المرأة تما كانت تتشوف فشي وحدة بنظرات فشي شكل... فاليريا طلعات فيها حاجبها ونزلات عينيها ناحية يديها لي كان مزينها خاتم باين غالي... تلفتات فاش نطقات وحدة خدامة تما...
-استلقي هنا ميس...
فاليريا مشات لداك البياص لي شيراتلها وعينيها على خاتم ديك المرأة... حيدات الفوطى وستلقات على البياص... غمضات عينيها مستمتعة بالمساج حتى داتها عينها ونعسات... ماضرباتها الفيقة غير على شي واحد تيتلمس فيها...
فتحات عينيها تدورهم وهي تتأكد واش بالصح شي واحد تيتلمس فيها... ناضت دغيا شادة على صدرها حتى بانتلها نفسها المرأة دقبيلة لي كانت واقفة حداها... طلعات حجبانها وهي تفكر الخاتم الغالي لي فيديها... خدات فوطة لواتها عليها ووقفات تتقرب من ديك المرأة... وديك المرأة غادة وتترجع بلور حتى لصقات على الحيط.. فاليريا حطات يديها على الحيط مقربة وجهها منها ونطقات...
فاليريا: شنو بانلك فشي ليلة بزوج ازوينة... (غمزاتها)
ردات عليها بغمزة حتى هي: وعلاش ماشي هنا...
فاليريا فكرات بين الى عندها خاتم غالي باينة ايكون عندها الذهب فحوايحها... وهنا فالصونة ماعندها كيدير توصل ليهم...
فاليريا: نو ابب هنا مايصلاحش...
-اوكي... شنو بانلك نقصرو فدارك...
فاليريا: فدارك نتي...
- انا بايتة غا فأوطيل...
فاليريا غمزاتها: اشمن اوطيل...
- اوطيل****
شافتو فاليريا ماشي نفسو الاوطيل فاش بايتة وهي تنطق...
فاليريا: عطيني غير رقم بيتك انا نجي عندك... (حطات يديها على كتفها تتحركها) ازوينة...
ديك المرأة ترفعات بلمسات فاليريا وهي تنطق بلا عقل...
-غرفة 15... (شدات يد فاليريا تتلحسها) شنو سميتك...
فاليريا عافت بتصرفها وحبسات راسها باش متردش.. سحبات يديها بلطف ونطقات...
فاليريا: الكساندرا...
- انا امانتا...
فاليريا رجعات لور فاش شافت وحدة دخلات لعندهم دير تاهي مساج... دارت عند امانتا ونطقات...
فاليريا: نتلاقاو فالليل ا (لحناتها مع غمزة) امانتا...
امانتا لصقات فالحيط ونطقات بغنج: باااي...
خرجات فاليريا وهي تتمسح فيديها فالفوطة عايفة... لبسات حوايجها وخرجات من المركز راجعة للاوطيل... هزات فلوس ورجعات خرجات تشري ماتلبس...
ظلام الحال وهي برا... تمات راجعة للاوطيل هازة فيديها داكشي لي شرات... طلعات لبيتها لايحاهوم فوق السرير وتنشرات حداهم... بقات هكك لدقائق حتى رتاحت وناضت قاصدة الدوش دوشات وخرجات تتقلب شنو تلبس... لبسات كسوة حمرة حد الفخاض مع صباط طالون عالي فالكحل... نشفات شعرها وخلاتو مطلوق... قادات وجهها بميكاب لي عاد شرات وهزات عكر مايبيلين تتشوف فيه بإبتسامة... باستو بجهد ونطقات...
فاليريا: نتا الحب...
دوزاتو على شفايفها ضاغطة عليه حتى رسمات شفايفها بيه... مصاتهوم وهي تدير الصوت وشافت اللوك تاعها فالمرايا... رشات بارفان تحت وذنيها ومور ركبتها وتمات خارجة هازة بوشيط كحلة...
وقفات فاليريا قدام الاوطيل لي قاتلها امانتا تتطرطق فمسكتها... نفخات نفاخة كبيرة وهي تتقاد صدرها مزيان... طرطقات ديك النفاخة وحيدات المسكة من فمها... لاحتها ورا ظهرها وتمات داخلة تتعوج فمشيتها... وقفات فالقاعة تاع الاستقبال مبانلها حد وهي طلع فالدروج بخطوات سراع.. حتى وصلات للطابق لي اتكون فيه بيت امانتا عاد بدات تمشا مشية مغرية... وقفات قدام الباب دقات زوج دقات بالخف.. وتكات بيديها على الحيط وحاطة اليد الثانية فوق فخضها مطلعة الكسوة بصبعانها...
تفتح الباب وبانت امانتا لابسة شوميز دونوي فالكحل كولو مشبك... ودارة ميكاب صارخ مع عكر حمر فوشيا... (عاطي للعين) صفرات فاليريا تتعبر على اعجابها بإطلالة امانتا وغمزاتها... اما امانتا فقربات منها وشداتها من سميطات الكسوة لي لابسة وجراتها عندها مدخلاها للبيت...
تمات غادا امانتا فالكولوار تتلوز بمؤخرتها.. ونطقات بلا مادور...
امانتا: تبعيني...
فاليريا طلعات حجبانها وتمات تابعاها حتى وصلو لوسط البيت... وبدات دور فعينيها ياكما تبانلها شي حاجة... كانت فالوسط طبلة عامرة قراعي دالبيرة والباكيات تاع الكارو... وبوينتات الكارو غا مزلعين... وفالقنت التلفازة معلقة مشعولة على فيديوهات نتاع البورنو... نزلات عينيها ناحية السرير لي كان مجموع... شافت ناحية الكوافوزات وطلعات حاجبها... تما اتكون شي حاجة لي تقدر تسرقها...
دارت عند امانتا لي جلسات فوق الفوطوي تتكمي وتشرب فواحد الكاس نتاع البيرة...
امانتا: جلسي ترتاحي... (غمزاتها) مزال السهرة طويلة ا الكساندرا...
فاليريا جلسات بغنج وحطات رجلها العريانة فوق الطبلة... بدات طلع فصبعانها ناحة فخصها بطريقة سيكسي وتصدر اصوات وتأوهات... وصلات للكسوة وبدات طلعها غير بالشوية.. وهي متأكدة بين عينين امانتا تيتبعو حركاتها... طلعات صبعانها مع كرشها من فوق الكسوة حتى وصلات لصدرها وعنقها وهي مزال تتصدر دوك الاصوات... وحتى اصوات التلفازة كملات الجو...
شافت امانتا نايضة ناحيتها حتى قربات ليها... تبسماتلها فاليريا بغنج فاش جلسات حداها... وناضت فاليريا جالسالها فوق فخاضها تتطلع بصبعانها مع يدين امانتا حتى وصلات لعنقها... حنات لعندها ببطئ حتى وصلا لحدا عنقها وبدات طلع معاها بقبلات خفاف وببطئ... وصبعانها تيرسمو دوائر على لحم امانتا باش تحرك شعوتها... شافت عضلاتها بداو يتصلبو وهي تبعد عليها بغنج.. وناضت ناحية الطبلة ... هزات قرعة تاع البيرة كباتها فالكاس وهي تتحرك مؤخرتها مع ركبة امانتا.. ودارت جلسات ثاني على رجليها مادالها الكاس...
فاليريا: كيف قلتي السهرة باقا طويلة... (بغنج) اامانتا...
امانتا شدات الكاس من عندها وقربات من عنق فاليريا تتشم فيه وتلحسو غير بالشوية.. ويدين فاليريا تيطلعو مع درعانها تيخليوها تزيد ذوب... رجعات تكات امانتا على الفوطوي وشربات داك الكاس فدقة...
شدات فاليريا الكاس ثاني ودارت ناحية الطبلة عمراتو وحبدات ساشي من وسط لي سوتيان ديالها... وهي مدقة داكشي لي تدير بظهرها... خوات الساشي فالكاس وردات الخاوي للسوتيان ثاني... دارت عند امانتا مدالها الكاس ناحية فمها وتكاتولها حتى شرباتو كامل... حطات الكاس فوق الطبلة ودارت عند امانتا خاشية وجهها فعنقها تتبوسطا تحت وذنها وتعضها عضيات خفاف.... حتى طبعات تما قبلة عكارها... بدات تحس بيدين امانتا لي كانو شادين فظهرها بداو تيترخاو.. شوية مابقاتش شياداها كاع.. عرفات بين نعسات... ناضت دغيا مبعدة عليها يدين امانتا وهي تتخرج فلسانها...
فاليريا: اعع...
طلعلها قلبها شوية ترد... بدات تنش عليها بيديها وقربات من لي كوافوز بالزربة... بدات تفتح فالمجورة دغيا حتى لقات فالمجر تحتاني بواط نتاع المجوهرات... فرحات وجبداتو فاتحاه وهوما يوساعو عينيها من داك الطقم الغالي لي بالذهب والالماس... طقم متكون من سنسلة وحلقات وكورميط... ستغربات من امانتا الى كانت لباس عليها شنو جاية دير فهاد الاوطيل الصغير... طلعات كتافها مامهتماش وبدات تقلب على شي حاجة فاش تهز داكشي... لقات تما ساشي نتاع البقالة... دارت فيه داك الطقم وكملات تقلاب... فتحات مجر اخر ولقات تما دي بواط اخرين كل واحد شنو فيه.. سناسل لي كورميط حلقات... هزاتهم كولهم.. ولقات فلوس مستفين فمجر اخر... شهقات بالفرحة وبدات تهز وتحط فالساشي حتى كملاتهم... قلبات فالباقي مالقات والو وهي تم خارجة دايزة قدام امانتا لي مزال ناعسة... بانلها الخاتم فيديها وقربات منها حيداتولها... لاحتو فالساشي وهي تتشوف فامانتا... دارتلها اشارة باي باي ونطقات...
فاليريا: باااي بيتش...
خرجات من البيت وهي فرحانة بشنو لقات... مكانتش متوقعة اتلقا هادشي كولو... نزلات فالدروج وهي رادة الباب ومكمشة عندها داك الساشي بحال ولدها... غير خرجات لقاعة الاستقبال وهو يبانلها المستقبل تما شاف فيها...
المستقبل: هيه.. ميس شنو كنتي تديري الفوق...
تمات خارجة ممسوقاش ليه... حتى خرج من الكونطوار تابعها ووصل عليها كانت اتخرج مع الباب... شدها من كتفها مدورها عندو... وهي هزات فردة نتاع الطالون عطاتهالو للراس حتى طاح للارض... عطاتلو اشارة فاك...
فاليريا: فاك يو...
عطاتلو اللسان وخرجات بعد مالبسات صباطها تتزرب فخطواتها حتى بعدات من الاوطيل...
عنقات عندها الساشي وكملات مشيتها حتى لمحات محل تاع لي ساندويتش... تتحماق على شي حاجة سميتها لي ساندويش.. هي اكلتها المفضلة.. وقفات شادة الصف تتشوف فجنابها... شافت فكرشها لي بدات تغوت بالجوع.. زيرات عليها وشافت قدامها... كان واحد الشاب وقدامو بنت لابسة ميني شورط ومؤخرتها تتبان شادين الصف قبل منها... دورات فاليريا عينيها وشافت بين حتى واحد مامنتابه.. وقربات ضربات مؤخرة ديك البنت ورجعات بلاصتها دغيا... ديك البنت دارت وراها ولقات داك الشاب على بالها هو لي ضربها... ضرباتو بتصرفيقة تتعاير فيه... وحتى هو صدق ماشي جانتلمان ماعطلعاش عطاها حتى هو تصرفيقة.. ناضت الحرب بيناتهم مبعدين على الصف وفاليريا غا متفرجة فيهم وهي تتنقز.. بدات تشجع فيهم ودير حركات بهلوانية بيديها بحال لكمات...
فاليريا: عطيه... (شافت ديك البنت ضرباتو بركلة) اوووه هكك عطيه...
شافت المرأة لي عندها النوبة... خدات الطلبية تاعها وغادرات.. ووصلات النوبة لبنت قدامها كانت تتفرج فديك للمدابزة... تخطاتها تدور فعينيها ووقفات عند مول لي ساندويش واخذة النوبة نتاعها...
فاليريا حطات مرفقها على الكونطوار: بغيت ساندويش تاع صوصيص..
بدا البائع تيقادلها وهي تتبع تحركاتو بعينيها بحال القطة...
فاليريا: ديرلي من هداك...
البائع: هدا...
فاليريا: لا ماشي هداك... (شيرات بصبعها) هداك صوص الحمرة... وديرلي من ديك الصفرة... كثرلي من ديك الصوص ماتكونش بخيل... اه وديرلي الحار...
ماكمل البائع فتوجاد ساندويش تاعها حتى طيباتلو مخو بتشراط... مدلولها وهي جبدات الفلوس من لي سوتيان تاعها خلات عينين البائع يخرجو فصدرها... لاحتلو الفلوس فوق الكونطوار ومشات تتعثر فرجليها حيت ضروها بالوقاف بالطالون...
كملات مشيتها حتى وصلات للاوطيل لي حاجزة فيه وطلعات لبيتها... تلاحت فوق السرير تتنهد... بقات مدة هكاك حتى رتاحت عاد ناضت تتحيد فالطالون ولاحت كل فردة فقنت... حيدات الكسوة وبقات غير بدوبياس... حيدات الساشي لي كانت مخبية تما لاحتو فبوبيل وجلسات فوق السرير شادة الساندويش بيديها وريوكها سايلين... بدات تعض فيه وهي تتبنن وتصدر تأوهات... حتى لمحات الساشي لي خبات فيه شنو سرقات... خواتو فوق السرير وعينيها تيبريو بداكشي لي قدامها.. بدات تحسب فالفلوس هوما لوالا وهي تتكمل ماكلتها...
غير سالات من الحساب خبعاتهم فساشي ودارتو تحت خديتها... تنشرات فوق السرير حاضة على دوك المجوهرات ونعسات هكك...
》...☆ اليوم الموالي- 11:55•
...فاقت فاليريا تتشوف فالسقف وتفوه... جلسات فوق السرير تتجبد حتى حسات بشي حاجة قاصحة حدا فخاضها وهي تنزل عينيها فيهم... لقاتهم المجوهرات تشابكو مع بعضهم هوما لي ضبروها... هزاتهم بيديها وبدات تفكر فيهم غيؤ بالشوية وهي تتفوه..حتى سالات ولاحت كل وحدة وفقنت من فنوت السرير وناضت للدوش...
دوشات بالخف وخرجات تتنشف فشعرها.. لبسات سروال دجين مع تيشورت و سبادرين من لي شرات البارح... هزات فون كان شراتو تاهو ركبات فيه لاكارط وشعلاتو... دارتو فصاك مع الفلوس والمجوهرات وخرجات بخطوات واسعين...
قصدات مطعم قريب من الاوطيل ووقفات على الكونطوار...
فاليريا بضجر: بغيت فطور كومبلي...
خدات فطورها ومشات للطبلة تتفطر وهي شادة الفون بيديها تتقلب فيه... كانت تتقلب على شي محل فبيلو يكون تيبيع الحوايج نتاع لي مارك ويكونو ميطاسيون... لقات واحد خدات لادريس نتاعو وحطات الفون تتكمل فطورها...
غير كملات خرجات تتقلب على طاكسي حيت المحل بعيد شوية... شافت وحدة وبدات تشير ليها... دازتها بلا ماتوقف... غوتات تتعايرو والناس غير تيشوفو فيها...
فاليريا: فاك يووو... (شافت فالناس تيشوفو فيها) حتى نتوما فاك يو بيتشز...
خرجاتلهم لسانها ورجعات تتسنا طاكسي ثاني... غير لمحات وحدة جاية خلاتها حتى قربات منها وهي توقف قدامها... ضرب الشيفور الفران عند رجليها وخرج راسو من الشرجم تيغوت...
بلا ماتسوق ليه فاليريا ركبات لور دايرة رجل على رجل... ونطقات تتجبد مسكة من صاكها ودارتها ففمها...
فاليريا: ديني ل ***** ب 20 دولار...
الشيفور طلع عينيه فالمرايا تيشوف فيها... شافها تتمضغ فمسكتها مامسوقاش... تنهد ودار مكسيري ناحية العنوان لي عطاتو... بعد دقائق وصلو... قربات منو ماداليه الفلوس ونزلات... على ماخطات الخطوى الاولى حتى سمعاتو تيغوت من الشرجم....
الشيفور هاز الفلوس تيوريهم ليها: هادو غير 14 دولار...
فاليريا قربات منو طرطقات فوجهو المسكة وطيراتلو ديك 14 دولار وشداتها جرية على رجليها مخلياه تيغوت...
وقفات من الجرا فاش بعدات على طاكسي.. وبدات تمشا عادي تتقلب بعينيها على المحل حتى لقاتو... دخلات تتشوف بعينيها ياكما تلقى على شنو بغات... خدات كسوة كلاسيكية حد الركبة فالكحل مع طربوش نازل بالشبكة وليكات حد المرفق فالكحل... شرات معاهم صباط مناسب لديك الكسوة...
كانو كولهم نسخ مقلدة للي مارك نتاعهم... ولي شافهم يقول غير حقيقيين وغاليين... دازت ناحية الصيكان... خدات بوشيط نتاع ڭوتشي فالكحل... خلصاتهم وتمات خارجة... بقات تمشى تما حتى لقات بلاصة نتاع لي زاكسيسوار... دخلات شرات اكسسوارات مزورين بلي بواط تاعهم...
خرجات من المحل وهي تتقلب على طواليط عمومية حتى شافتها ودخلات ليها... لبسات داكشي لي شرات وخبعات حوايجها فساشي... قادات وجهها بميكاب مناسب لديك اللبسة... زادت خالة فوق فمها وجبدات عينيها باش يبانو كبار... دارت لي لونتي فالكحل.. دارت البيروك الكحل وجمعاتو كعكة انيقة.. وزادت فوقهم الطربوش... خدات لي بواط لي شرات فيهم لي زاكسيسوار المزورين ستفات فيهم المجوهرات لي سرقات...
لبسات فيديها لليكات ودارت فوق صبعها دالزواج خاتم امانتا.. عاد تمات خارجة بمشية أنيقة ومرزنة... دخلات لواحد الزنقة خاوية.. خبعات فيها صاكها لي فيه الحوايج تحت كراطن وميكات كوحل محطوطين تما... كتافات تهز غا صاك ڭوتشي المقلد.. وساشي دايرة فيهم لي بواط تاع المجوهرات...
أنت تقرأ
أحمر شفاهها هلاك 💄
Action💋قـصـة أحــمــر شــفــاهــها هــلاك 💋 💋للكاتبة : Nina Rim 💋نوع القصة : أكشن و رومانسية 💋الصنف : الـمافـيا تتحدث القصة عن الشابة " ڤاليريا " التي ستجد وسيلة حقيرة لجمع المال.. و عن "ڤولكان" صاحب عصابة " The Fucking Dreams" التي تتكون من...
