《من حمرة شفتيها صنعت القبلة والطلقة...》
《 إحترس... فإنها تأخذ مالك.. وكل ما لك...》
...فاليريا طلعات فيه حاجبها ورجعات تتشوف فجنالها بضحكة جانبية... حتى رجعات شافت فيه وبدات تتقرب منو وهي تتمايل بخصرها... حطات لبواطة فوق البوطاجي لي كان واقف حداه فولكان... وقربات لفولكان حاطة يديها على صدرو العريان ... وبدات تدوز طراف صباعها على صدرو وتهبط لعضلات كرشو تتحسسها بإغراء...
في حين فولكان غير مطلع فيها حاجبو تيتسناها شنو باغا تصنع... تعلات على صبعان رجليها باش توصل لوجهو... وقابلات وجهها مع وجهو... شفايفها كانو قراب من شفايفو ونيفها فوق نيفو... كانو قراب بزاف لبعضياتهوم و أنفاسها السخان نيضربو فوجهو... وبدات تهضر بغنج وهي تتشوف فعينيهوتتغرس صبعات يديها فلحيتو الكثيفة...
فاليريا: تيعجبني النعاس...
فولكان لي كان تيشوف فعينيها ومتبع حركاتها بهدوء... حتى مد يدو لخصرها وجرها ملصقها معاه بعنف... حتى شهقات بالخلعة حيت فاجئها... زاد قرب ليها كتر وهضر بهمس خلاها تعض على شفايفها...
فولكان: شنو بان لك فشي نعاس اخر همم...؟
فاليريا بقات غير تتشوف فعينيه الخوضر الحادة... كانت باينة فيهوم لمعة خاصة لي اول مرة تشوفها... ولعات عينيها لحاجبو لي مضروب... في حين فولكان ساهي فيها وفحركاتها.. وفشفايفها الحومر لي مرة مرة تتعض عليهوم...
فجأة جرها لعندو بعنف حاط شفايفو على شفايفها تيقبلها بعنف.. كل شفة تيعطيها حقها... تيمص فشفتها تحتانية ويجرها بسنانو ويرجع لفوقانية... وفاليريا بغات تجاريه فقبلاتو الحارقة ولكن مقدراتش... كان عنيف بزاف معاها جرح شفايفها بجوج محنش فيها.. ويديه تيزيد اغرسهو فخصرها مقربها ليه اكثر...
...بقا فولكان تيزيد يجرها ملصقها اكثر مع صدرو... وهي مدات يد غرساتها فشعرو مزيرة... واليد الثانية حطاتها على صدرو... واخا كانت قبلة عنيفة الا وانها كانت مستمتعة بيها.. ثواني وهوما هكك حتى بعد فولكان شفايفو... عاطيها فرصة فين تنفس...
اما هي بدورها حطات جبهتها على جبهتو تترد النفس لي تقطع فيها... حتى شاف فعينيها وشافت فيه بدورها... ورجع خطوة للور مخليها مستغربة..
فاليريا: مالك...؟
فولكان شاف فالفراغ ورجع شاف فيها: لبسي حوايجك نخرجو...
فاليريا طلعات حجبانها بزوج: نخرجو..؟ انتمشاو فهاد الخلا فالليل...؟
أنت تقرأ
أحمر شفاهها هلاك 💄
Action💋قـصـة أحــمــر شــفــاهــها هــلاك 💋 💋للكاتبة : Nina Rim 💋نوع القصة : أكشن و رومانسية 💋الصنف : الـمافـيا تتحدث القصة عن الشابة " ڤاليريا " التي ستجد وسيلة حقيرة لجمع المال.. و عن "ڤولكان" صاحب عصابة " The Fucking Dreams" التي تتكون من...
