《من حمرة شفتيها صنعت القبلة والطلقة...》
《 إحترس... فإنها تأخذ مالك.. وكل ما لك...》
...بقات فاليريا وسط الطواليط مرخية... وهي تتشوف فالارض لثواني... حتى كملات حاجتها وبقات دور فعينيها على القنوت... لقات شرجم عالي شوية فوق راسها... وهي طلع حاجبها... شمعات شعرها كعكة مهملة.. عاد وقفات تاطلع فسروالها... نزلات الغطا نتاع طواليط... وطلعات فوقها وهي حفيانة تاوصلات للشرجم حيت هي طويلة..
دورات عينيها على البلاصة واخا الظلام... قدرات تشوف شوية بسباب عمود الضو لي بعيد عليها... واخا هكك وصل شوية من الضو نتاعو ليها.. الشرجم مكانش عالي بزاف... وهاد البلاصة جات مضرقة ومساحة كبيرة خاوية... باينة مزال ماتبنات...
سمعات الدقان فالباب وصوت آللان برا تيعيط ليها...
آللان: مزال مساليتي..؟ فالييي...
جاوباتو بالغوات وهي تتحاول طلع فالشرجم...
فاليريا: فيك الجوع حتى واك ليا حروف سميتي...
آللان: الى ساليتي خرجي...
فاليريا: باقي ما ساليت... رشقاتلي نخوي كرشي.. فيها شي مشكيل...
آللان مسح وجهو ونطق: مشكيييلة هادي...
فاليريا: ضرب راسك مع الحيط...
قدرات طلع فالشرجم وخرجات راسها وكرشها.. حتى تدلالها راسها كانت على شوية اطيح... رجعات دخلات وهي شادة على قلبها وتتنهج... حتى ضربات جبهتها ونطقات...
فاليريا: سبقي رجليك ماشي راسك... واش براسك تتمشاي...؟
رجعات تتشوف فالشرجم وهاد المرة سبقات رجليها اليسرى حيت عسرية.. وتبعاتلها اليمنى... عاد خرجات باقي جسمها من الشرجم...
بقات معلقة بيديها فالحاشية لثواني... ونزلات عينيها تتشوف فالارض لي جاتها بعيدة... بلعات ريقها وعاد ردات البال بين راها حفيانة... زيرات على يديها باش ترجع طلع ولكن ماقدراتش...
ذاتها بدات ترجف عليها وهي عاضة على شفتها السفلية بألم.. تتحس بصبعانها ايتقطعو حيت مزيرة عليهم... ويديها بداو تيزلقو فأي لحظة اطيح...
سمعات صوت آللان تيعيط ليها وبلا ماتفكر بدات تهضر بالجهد باش يسمعها...
فاليريا: هيييلب... (عاوني) هييييلب...
آللان لي كان قدام باب الطواليط تيعاينها تخرج... وكل مرة تيدق ويعيط وهي متتجاوبش... حتى بدا تيسمع صوتها بعيد... بصق وذنو مع الباب تيتأكد... حتى فرز صوتها...
عند فاليريا لي سكتات تتفكر سميتو...
فاليريا: لالان... نو ماشي هكا... آنال.. نو نو.. (سكتات تتفكر) آللان...!! اه آللان... (علات صوتها) آللااااااان....
آللان لي سمعها وجاوب: مالك...
فاليريا: انطيح من الشرجم... عاونييييييي...
آللان: اشمن شرجم... خرجي ما ادريهاش بيا...
فاليريا: فاك يو... راه انطييييح...
آللان لي سمعها تتغوت: فينك...؟
فاليريا: معلقة فالشرجم برا...
آللان بقا تيتفكر فين كاين هاد الشرجم حتى وسع عينيه... ونطق مجاوبها...
آللان: كاين ورا الديبو...
فاليريا: ضفاك وانا سوقي... اجي عاوني انطيح...
آللان بقا تيحاول مع الباب حتى مابغاش اتفتح ليه وتم خارج تيجري برا الديبو..
أنت تقرأ
أحمر شفاهها هلاك 💄
Action💋قـصـة أحــمــر شــفــاهــها هــلاك 💋 💋للكاتبة : Nina Rim 💋نوع القصة : أكشن و رومانسية 💋الصنف : الـمافـيا تتحدث القصة عن الشابة " ڤاليريا " التي ستجد وسيلة حقيرة لجمع المال.. و عن "ڤولكان" صاحب عصابة " The Fucking Dreams" التي تتكون من...
