《من حمرة شفتيها صنعت القبلة والطلقة...》
《 إحترس... فإنها تأخذ مالك.. وكل ما لك...》
...قاطع هضرتهم الدقان فالباب.. ونطقات فاليريا رادة بالظهر للباب..
فاليريا: خدمة الغرف واقلا..
ناض آللان حل الباب حتى لقاه فولكان.. بلع عصيرو بالزربة حتى تقج بدا تيكح.. ورجع بلور خلاه ادخل..
تم داخل فولكان داير يديه فجيابو وهو معقد حجبانو.. وصل لوسط الغرفة فين بانتلو فاليريا راداليه بالظهر.. فيكسا عينيه فظهرها العاري كامل ومزين بخيوط لاغوب.. وبعض من الخالات الخفاف والمتفرقين..
وقف تيشوف فيها ودراري غير تيشوفو فيه.. حتى فهمو راسهوم وتمو خارجين بالشوية جارين معاهم آللان لي كان باغي يجلس.. وخرجو سادين الباب..
مخليين فاليريا تتقاد زغبات شعرها وتتهضر معاهم..
فاليريا: شكون جا ء آللان..
مالقات حتى رد وهي تكمش حجبانها.. حتى وسعات عينيها فاش بانلها فالمرايا فولكان واقف من وراها.. دارت بالزربة لعندو حتى تعكلات فلاغوب شوية طيح.. ولحق عليها فولكان دغيا شادها من خصرها.. وزدحها مع صدرو تيشوف فعينيها ساهي فيهوم.. ونطق بصوت هامس محافظ على بحتو...
فولكان: شكون نتي..
طرطقات فاليريا فيه عينيها مدهوشة... وحطات يديها على صدرو تتبعدو عليها.. ولكن هو مزير عليها حتى تطراسات يدو فظهرها..
رجعات شافت فيه ونطقات..
فاليريا: كيفاش شكون انا.. فاليريا...
...فولكان بقا غير ساكت.. حتى قرب وجهو من عنقها تيشم عطرها.. وهي تتحاول تبعد وجهها عليه.. حتى مالت بزاف للور وهو مايل عليها.. ثواني ورجع بعد وجهو عليها ونطق مركز مع عينيها..
فولكان: نتي ماشي فاليريا...
فاليريا تبلونطات: ها..؟ انا فالير.. (سكتات فاش تفكرات شي حاجة.. ورجعات شافت فيه) انا فالي...
فولكان بهمس: لا..
فاليريا سكتات تتفكر ونطقات بتردد: مايب.. لين..
فولكان قرب حدا وذنها وهمس: نتي شفارة..
غير نطق تقاد فوقفتو راد يديه لجيبو.. خلاها غير تتشوف فيه.. حتى ميلات فيه راسها.. ونطقات بغرور..
أنت تقرأ
أحمر شفاهها هلاك 💄
Action💋قـصـة أحــمــر شــفــاهــها هــلاك 💋 💋للكاتبة : Nina Rim 💋نوع القصة : أكشن و رومانسية 💋الصنف : الـمافـيا تتحدث القصة عن الشابة " ڤاليريا " التي ستجد وسيلة حقيرة لجمع المال.. و عن "ڤولكان" صاحب عصابة " The Fucking Dreams" التي تتكون من...
