《من حمرة شفتيها صنعت القبلة والطلقة...》
《 إحترس... فإنها تأخذ مالك.. وكل ما لك...》
...خرجات من الزنقة تدور فعينيها لقات حتى واحد ماردلها البال... طلعات راسها ودخلات بين الحشد تتمشى بأناقة...
وقفات قدام محل نتاع المجوهرات الغالية... حنحنات تتقاد فحلقها ووقفات مستقيمة عاد تمات داخلة رافعة راسها للفوق ودافعة صدرها للقدام...
قصدات الكونطوار ووقفات وقفة انيقة.. الموظفين غير شافوها عرفوها لباس عليها غير من لباسها... بداو يتخاطفو شكون يقابلها فالمحل حتى سبقهم راجل أربعيني... وقف عليها متبسم بلباقة...
البائع: مرحبا بيك ميس فالمحل.. فاش ممكن ن...
فاليريا قاطعات كلامو: مدام...
البائع: سمحيلي امدام.. مرحبا بيك فالمحل.. فاش...
قاطعات كلامو للمرة الثانية...
فاليريا: مدام ألكسا سويديش..
البائع تيحاول يضبط اعصابو: مرحبا بيك مدام الكسا سويديش... فاش ممكن نعاونك...
فاليريا: جيت نبيع مجوهراتي...
البائع: وي مرحبا... ممكن نشوفهم...
فاليريا هزات الساشي وبدات تجبد بواط ببواط وتحطهم فوق الكونطوار...
البائع حل لي بواط تيشوف فيهم... عقد حجبانو وطلع عينيه ففاليريا لقاها تدور عينيها فالمحل... جبد مكبر وبدا تيقلب كل بواط بوحدها حتى دار عليهم كولهم عاد طلع عينيه فيها...
البائع: أنا راجع مدام...
فاليريا شافت فيه: مدام الكسا سويديش...
البائع: شوية ونرجع امدام الكسا سويديش...
طلع حجبانو بتعجب ودخل للبيت لي فوسط المحل...
دارت فاليريا تتطرطق بصبعانها فوق الكونطوار بملل.. حتى شافت داك البائع راجع هو وشخص اخر معاه... تقادات فالوقفة تتشوف فيهم... حتى نطق الشخص لي جا...
- مدام...
قرب منو داك البائع لوذنو ونكق بهمس...
البائع: ألكسا سويديش...
شاف فيه ورجع شاف ففاليريا وحنحن...
-مدام الكسا سويديش... ممكن نعرف علاش باغا تبيعي مجوهراتك...
فاليريا شافت فيهم وهي تعبس وجهها.. وقربات كلينيكس ناحية نيفها.. بدات تهضر وهي تدير راسها تتبكي وتمحي نيفها بكلينيكس...
فاليريا: راجلي دار افلاس.. (مسحات نيفها) مابقا عندنا والو... وجيت نبيع مجوهراتي باش ندي الغدا ل إروبين بقا بالجوع...
-راجلك؟
فاليريا: لا.. الكلب ديالي...
داك الشخص شاف فالبائع لي شاف فيه حتى هو.. شوية رجع شاف فيها...
- مدام...
البائع قرب من وذنو: مدام ألكسا سويديش...
ضربو بمرفقو لكرشو وشاف ففاليريا...
- أنا مول المحل... وهاد المجوهرات راها السلعة ديالي... وبعتهم بيدي... (شاف فعينين فاليريا) وراني عاقل لمن بعتهم...
فاليريا بدات دور فعينيها وجهشات فالبكا بالصوت...
فاليريا: انا جاوني كادو من عند راجلي حبيبي... (وراتلو الخاتم) وهدا خاتم زواجنا...
مول المحل وسع عينيه فالخاتم... بلع ريقو ورجع خطوة للور جار معاه البائع ونطق فوذنو...
مول المحل: عرفتي شكون شراهم...
البائع: مستر ماكسيميليانو...
مول المحل: اه هو... شراهم لمراتو مدام أمانتا هادي عام... نفس الخاتم ونفس المجوهرات.. كولهم خداهم من هنا...
البائع: يكونو عطاهم لعشيقتو...
مول المحل شاف ففاليريا ورجع شاف فيه: راها مرتو... ولا خطيبتو...
البائع: دابا شنو انديرو...
مول المحل: اكيد ما انديرو والو... انشريو داكشي ونخبعو القضية... ويلا كان المستر مزوج زوج ونفضحوه... اصلا دابا عندو أزمة باينة ايكون محتاج الفلوس...
البائع: اه عندك الحق...
رجعو عند فاليريا وبداو يعرضو عليها ثمن كل قطعة من المجورهات بشحال ايشريوها... الثمن لي عطاوها تتزيد عليهم...
فاليريا: قتلكم راجلي دار افلاس... محتاجة الفلوس اما مانبيعش كاع مجوهراتي... (حيدات الخاتم وحطاتو فوق الكونطوار) وزيدو حتى هدا... كون ما راجلي محتاج فلوس مانبيعوش...
شافو فبعضهم متأثرين وتعاملو معاها حيت عندها مشكل وقبلو بالثمن لي طلبات...
دخل مول المحل للبيت يجيب الفلوس... والبائع طرطق عينيه فالباب فاش لمح أمانتا داخلة هازة الفون فيديها تتهضر وباينة معصبة... شاف فالكونطوار باقيين لي بواط تما... وهو يقصدها للباب فين واقفة تتهضر باش يلهيها ماتشوفش فاليريا...
امانتا فالفون: هاني عاد جيت للمحل ناخد لي غوسي باش ندفع شكاية للبوليس...
مول المحل رجع هاز فيديه جوا عامر فلوس... جبدهم حسبهم قدام فاليريا وردهم للجوا... تبسماتلو بلباقة وشدات من عندو الجوا وتمات دايرة باش تخرج...
مول المحل شاف البائع تيغمزو يشوف فأمانتا... غير شافها وسع عينيه وشاف ففاليريا لي كانت اتخرج من الباب لي حداها... نطق دغيا معيطليها...
مول المحل: مدام الكسا...
فاليريا دارت عندو: مدام الكسا سويديش...
مول المحل خرج من الكونطوار مقرب منها... وعينيه على امانتا لي مزال تتهضر فالفون...
مول المحل: تفضلي من هنا امدام... خرجي من هاد الباب.. حيت الباب لاخر تيكونو فيه كثرت البشر.. لايتسرقلك الجوا...
فاليريا: او عندك الحق... شكرا بزاف...
فاليريا جات تقصد الباب باش تخرج.. حتى سمعات امانتا تتهضر بجهد مع البائع...
امانتا: فين سيباستيان بغيتو يعطيني لي غوسي تاع المجوهرات لي شرا راجلي من عندكم... بغيت ندفعهم للبوليس حيت تسرقولي...
البائع ومول المحل شافو ففاليريا لي حتى هي شافت فيهم... كانت حانية هازة طالونها فيديها... شافتهم تيشوفو فيها وهي تنطق...
فاليريا: اوبس...
شداتها بجرية خارجة من المحل مخلياهم تابعينها... دخلات بين الحشد تتلوح فطربوشها ولي لونتي... دخلات لواحد الزنقة وحيدات البيروك لايحاه فبركاصة... وكملات مشيتها عادي بعد ما تأكدات بين مالاحقينش عليها... لبسات صباطها و مشات للزنقة لي خبعات فيها صاكها... لقات الكراطن والميكات الكوحل لي خبعات تحت منهم الصاك مابقاوش... وحتى الصاك مابقاش...
مشات لبلاصتهم تتقلب وهي موسعة عينيها وحالة فمها بالصدمة... شافت ناحية زنقة اخرى تتخرج للشاريع.. كان تيبانلها عامل النظافة واقف تما هاز فيديه دوك الميكات... بلا عقل مشات تتجري بخطوات صغار وهي تتغوت...
حتى قربات توصل ليه وهي تعكلها رجليها وطاحت للأرض... بلا ماتخلي وقت فين تقصح فيه جمعات دغيا النوضة ووقفات عليه...
فاليريا: فين الصاك القهوي لي كان هنا...
عامل النظافة: اشمن صاك...
فاليريا بدات تقلب فالميكات لي حداه مالقات والو.. بدات تغوت وهي تتهضر..
فاليريا: الصاك القهوي لي كان مع هادو...
شافت البركاسة وحلاتها تتقلب فيها مالقاتوش... ضربات رجليها مع الارض وهي معصبة... حتى لمحات داك الراجل غادي ناحية الكاميون فين تيلوحو الزبل... هز الصاك من وسط الزبل ورجع عندها...
عامل النظافة: هدا...
فاليريا بلا عقل طارت عليه شداتو من عندو معنقاه واخا موسخ... غير طلعات معاها ريحتو الخانزة وهي تخسر سيفتها... بعداتو عليها شاداه بصبعان يديها عايفة...
فاليريا: اععع...
هزاتو داخلة لديك الزنقة... حلاتو بصبعانها وهي رادة وجهها للجنب... جبدات منو حوايجها... لبساتهم تما حيت الزنقة خاوية... مسحات الميكاب لي دايرة.. جبدات من الصاك الفلوس لي دايرة فيه زادهم مع الجوا لي عندها.. وخشات فيه الحوايج لي حيدات.. لاحت ففمها مسكة ووقفات هازاه فيديها ولاحتو فالبركاصة لي عاد خوا العامل ومشا فحالو.. وكملات طريقة حاضنة على الجوا حتى وصلات للشاريع فين تاخد طاكسي... شيرات لوحدة ومن زهرها وقفاتلها.. ركبات دايرة رجل على رجل وهي تتشوف فالشيفور من المرايا...
فاليريا: اوطيل **** ب 15 دولار...
الشيفور: 20 دولار...
فاليريا: 14...
الشيفور: 19...
فاليريا: 13...
الشيفور: صافي 15...
فاليريا: 13...
الشيفور خرج من طاكسي وحل عليها الباب جابدها من حوايجها... لاحها فالارض وركب مكسيري مخليها تتعاير فيه...
فاليريا: ومال 13 دولار.. راه حتى هي فلوس... فاك يووو...
بدات تنفط فحوايجها وهي تتقلب بعينيها على شي طاكسي... بانتلها وحدة يالله نزل منها واحد الراجل... مشات تتجري وركبات...
فاليريا: اوطيل ****
الشيفور: ب 16 دولار...
فاليريا طلعات حاجبها فالشيفور ونطقات تطرطق فمسكتها...
فاليريا: 15 دولار...
الشيفور: اوكي...
حرك الفيتيس باش يكسيري وفاليريا لمحات ساعة غالية طايحة حدا رجليها... شافت فجنابها وحنات غير بالشوية هزاتها ودارتها فلي سوتيان تاعها...
كسيرا الشيفور حتى حس بالدقان فالشرجم وهو يوقف... نزل الزاج ولقا الراجل لي عاد نزل من عندو هو لي تيدق عليه...
الرجل: مالقيتوش واحد الساعة طاحتلي هنا...
الشيفور دار عند فاليريا: لقيتي شي حاجة...؟
فاليريا دارت راسها تتقلب: لا.. مكاين والو هنا...
الرجل: ممكن نقلب انا...
فاليريا نزلات وخلاتو قلب حتى عيا... فالتالي استسلم وخرج من طاكسي ..
الرجل: مالقيتهاش... واقلا طيحتها فشي بلاصة اخرى غير هنا... سمحولي...
فاليريا ركبات: نتمنى تلقاها...
كسيرا الشيفور وهي تدور فعينيها وحاضنة على الجوا بحال ولدها... وصلها حدا الاوطيل ونزلات بعد ماخلصاتو... كملات على رجليها الطريق حتى وصلات للاوطيل ودخلات لبيتها...
...عند محل المجوهرات فين كانو واقفين البوليس مع امانتا ومول المحل...
امانتا: هي زعرة وعينيها زورق...
مول المحل: لا لا... كان شعرها كحل وعينيها كوحل...
البائع: اه بالصح... كان شعرها كحل وعينيها كوحل...
البوليسي: كاين اختلاف فالاقوال نتاعكم... اما ماشي نفس الشخص لي تتقلبو عليه... ولا تتبدل لوك تاعها... على حسب شنو عندي.. ان كاين مشتكي اخر على بنت سرقاتلو بزطامو... شعرها كخل وهي سمرة وعينيها قهويين...
امانتا: وشنو المشترك بيناتنا انا وداك السيد...
البوليسي تيشوف فعنقها: نفس الطابع عندكم فالعنق...
...عند فاليريا لي دوشات وخرجات ملوية عليها فوطة تتمسح فشعرها... دازت قدام التلفازة شعلاتها وبدات تقلب على ماتلبس... وهي تتسمع شنو تيقولو فالاخبار...
التلفاز: و وردنا خبر ان هناك فتاة مجهولة الهوية تنتحل شخصيات متعددة للنصب على أشخاص بشكل عشوائي... (دارت فاليريا تتشوف فالشاشة) تسرق مالهم وتهرب تاركة أثر أحمر شفاهها على جسد الضحية... حتى الان لا توجد صورة للنصابة او أي معلومة تدل على هويتها... إحترسوا يا سكان كولومبيا... فأحمر شفاهها هلاك... لننتقل الى الاخبار الرياضية....
فاليريا طفات التلفازة ودارت قدامها وهي ساكتة وساكنة عاضة على لسانها... حتى ضحكات فجأة ضحكة عالية ونطقات...
فاليريا: انخويلكم انا كاع هاد كولومبيا... العالم دابا كولو رجع ليا... خليني نصحح ليكم المقولة... "إحترسو يا سكان العالم... فأحمر شفاهي هلاك.."
كملات ضحكتها العالية ولاحت الفوطة فالارض باش تلبس... على ماكملات للباس شدات الفون ديالها تتقلب على رحلات الطيران لأمريكا... لقات طيارة اتقلع مع الثلاثة دالليل اتمشي لنيويورك... تنهدات بضجر ونطقات...
فاليريا: فففف... لاكارط باش انشري بيها البيي من هنا خاوية...خصني نمشي ضروري للمطار... (تنشرات فوق السرير) وانا فيا النعاا (تتفوه) اااس...
داتها عينيها حتى فاقت مفزوعة... لقات راسها غمضات غير دقائق قليلة ومزال مامشا عليها الحال... جمعات النوضة قاصدة الحمام... قطعات شعرها كاري وخرجات تتجمع فحوايجها فصاك حتى كملاتهم...
خرجات من البيت ونزلات للاستقبالات... عطاتلهم لاكارط دالباب وخلصات الليالي لي باتت وخرجات فحالها... خدات طاكسي للمحطة دالكيران.. غير وصلات خدات الكار لي ايديها لمدينة لا سيجا... فيها كاين اقرب مطار...
...بعد مدة كانت فاليريا جالسة فكرسي تتسنى يعيطولها تركب فطيارتها... دازت من منطقة التفتيش بلا حتى مشاكل... دقائق قليلة وعيطو للمسافرين لي ايركبو فالطائرة لي اتدي لنيويورك... ناضت هازة صاكها وهي تتشوف خوليها وتتودع البلاد لي كبرات فيها وعاشت فيها مدة طويلة... ركبات الطيارة تتداحس مع المسافرين حيت قطعات الدرجة الاقتصادية... بدات تقلب على بلاصتها حتى لقاتها حدا امرة مع ولدها... وبلاصتها هي حدا الشرجم... دخلات تتدحس فيهم وجلسات تتنش على راسها...
فاليريا: اوف الصهد...
وصلات فاليريا لمدينة نيويورك لي كملات فيها عمليات النصب والاحتيال... وكملاتهم فباقي المدن الامريكية... لوس انجيلوس.. واشنطن.. شيكاغو... سان فرانسيسكو... سان انطونيو... هوستن... ومدن اخرى...
نصبات على مختلف الاعمار والطبقات الاجتماعية...واخا اغلب عملياتها استهدفات الطبقة المخملية...
اوليفيا... إيما... شارلوط... صوفيا... اميليا... إيزابيلا... ميا... هادو كانو بعض من اسماء الاستعارة لي استعملات فعملياتها...
تشهرات فمواقع التواصل الاجتماعي والجرائد والنشرات الاخبارية... ديما جابدين سيرتها تحت عنوان.. "أحمر شفاهها هلاك"...
بعد فترة قررات تخؤج من القارة الامريكية وقصدات أوروبا... نصبات عشرة دالمرات على فرنسيين ففرانسا.. ستة دالمرات فإسبانيا.. ربعة فالسويد...
》... ◇ بعد خمس أشهر- ميلانو الإيطالية•
...خارجة فاليريا من المطار لابسة سروال دجين فالكحل مع تيشورت تتبين الصرة تاهي فالكحل.. ولابسة طالون فالكحل وجارة فاليز وفوقها صاكها من ماركة شانيل... طالقة شعرها الذهبي ودايرة نظاظرها الكوحل... وأكيد عكارها الاحمر مزين شفايفها...
لقات طاكسي واقفة تما... ركباتها والشيفور دارلها الفاليز فالكوفر وركب...
الشيفور: فين اميس...
فاليريا: اوطيل شانطو مونفور...
كسيرا الشيقور داخل لمدينة ميلانو.. عاصمة الموضة... بقات فاليريا تدور فعينيها وتشوف من الشرجم... ما اطولش هنا.. جات قاصدة فيكتيم اتنصب عليه اتخوي البلاد...
حطها طاكسي قدام الاوطيل خمس النجوم... حلها المستقبل الباب ونزلات بعد ماخلصات الشيفور...
نزل الشيفور جابدلها الفاليز تاعها لي تكلف بيها المستقبل مدخلهالها... دخلات فيريفيات الحجز نتاعها حيد ديجا حجزات.. وطلعات فالسانسوغ ناحية للغرقة الفاخرة لي ختارت..
دخلات للبيت وتلاقات عند العتبة بلي ستقبلها حطلها الفاليز تاعها تما... عطاتو البروفوار وخرج... دخلات تتحيد فالطالون لايحاه حدا العتبة وبدات تحيد فحوايجها من تما... دخلات للحمام عمرات الجاكوزي بماء سخون وتخشات فيه تترخى... غمضات عينيها تتفكر فالمشوار لي دازت منو... والفلوس لي حصلات عليهم بعد هاد الخدمة لي حتارفات... رجعو الفلوس تتلعب بيهم دابا... دارت اكثر من حساب فمختلف لي ابناك العالم.. زوج منهم كاينين فسويسرا... كولهم عمراتهم بفلوس... مزال مابغاتش تدير شي خطوة تشري فيلا ولا طوموبيل غالية وهي ماعندهاش خدمة رسمية تغكي بيها ثروتها... داكشي باش خلاتهم مخزونين تحت اشماء مزورة حتى تعرف شنو دير بيهم من بعد...
سالات فترة استرخاءها وناضت تحت الدوش دوشات وخرجات ملوية عليها فوطة.. وقفات قدام المرايا تتقاد فوجهها وحاولات تبدل شوية من ملامحها... خدمات بالكونتور وقدرات تبدل من ملامحها بشكل كبير مع لي لونتي فالاخضر... دارت بيروك قصر فالقهوي وختاتمات ميكابها بعكارها مايبيلين بعد ماباستو...
قصدات فاليزتها فتحاتها تتقلب على الكسوة لي وجدات تلبس كانت فالاحمر غامق... لبساتها فوق كولون كحل لي طلعاتو حد الفخاض والكسوة غطاتو... لبسات بوط طالع حد الركبة فالكحل... جمعات شعرها كعكة وهزات صاك كحل فيه فلوس وخرجات من البيت راكبة فالسانسوغ...
غير تفتح بيها خرجات من الاوطيل وختالطات بين الحشد... حتى بعدات على الاوطيل عاد خدات طاكسي والوجهة أوطيل shilla... دخلات ليه بخطوات انيقة تتموج بخصرها النحيف... دخلات للكازينو الخاص بالاوطيل... قصدات طبلة تتحول الفلوس من العملة للي جوطون باش يمكن ليها تشارك بيهم فالقمار... عاد قصدات طبلة نتاع القمار وجلسات على الكرسي... كانت المجموعة مخلطة من شباب وشابات ورجال كبار... دخلات معاهم فواحد القمار وخسرات فيه... وعاودات شاركات مرة اخرى فطرح اخر بمبلغ اكبر من لي قبل منو... وقبل مايتعلن شكون ربح كانت تترمق شخص خمسيني قدامها بشوفات مغرية وتتعمد تبين صدرها ليه وتغمزو...
بعد ثواني تعلن شكون الرابح وكانت هي... تبسمات بغنج تتحرك بطريقة سيكسي وجمعات لي جوطون لي ربحات... نساحبات بهدوء بغد ماغمزات داك الخمسيني ومشات بدلات دوك لي جوطون بفلوس...
دارت الفلوس فصاكها وتمات تتمشى وسط الكازينو بخطواتها المثيرين وعينيها تيدورو فالارجاء... كانو عيون كافة الرجال عليها... ولكن هي غايتها الخمسيني لي كان معاها فنفس الطبلة... خرجات من الكازينو ناحية البار نتاع الاوطيل وجلسات فالكونطوار... ونطقات مخاطبة البارميطة... (الساقية)
فاليريا: فودكا سميرنوف سيك...
بدات البارميطة تتقادليها غكاسها وحطاتولها قدامها... هزاتو فاليريا وعينيها تيدورو فالارجاء.. رشفات منو وتتشوف واش صنارتها شدات الضحية ولا مزال... ماحسات غير بشخص وقف من وراها لابس الكحل من راسو لساسو... كان طويل معضل... حنى حدا وذنيها ونطق...
-ممكن تفضلي معانا ميس...
فاليريا دارت عندو ولمحات شخص اخر لابس بحالو واقف بعيد عليهم شوية... شافت فالشخص لي كلمها وسولاتو...
فاليريا: فين انمشي...؟
-زيدي معانا واتعرفي...
دارت تخلص البارميطة وهو ينطق..
-بلاش اميس... هداك كادو من مستر فرانك...
فاليريا طلعات حاجبها بتعجب: مستر فرانك...؟
-هو لي انمشيو عندو اميس... تفضلي معايا من هنا...
فاليريا وقفات هازة صاكها عندها وتبعات داك الشخص وتبعهم الثاني من وراها... غادا وهي تتشوف فجنب عينها الشخص لي وراها شوية تشوف لي قدامها... باينين دي كارد نتاع مستر فرانك.. بلا ماتعيق تبسمات جنب... اذن مصيدتها صيدات الشخص المطلوب...
مشات معاهم حتى لبلاصة الاشخاص المهمة فالبار... حلها واحد منهم الباب خلاها دخل وهو دخل من وراها... بقا غادي بيها وهي تتشوف فشخص قدامها جالس فجليسة تاع لي فوطوي ورادلها بالظهر...
وقف الكارد حاني راسو ونطق...
الكارد: هاهي مستر فرانك...
شافو عطاه اشارة باش يغادر... حنى براسو عاطيه التحية وخرج..محلي فاليريا متبعاليه عينيها وهو خارج... حتى سمعات فرانك نطق ودارت عندو...
فرانك: تفضلي جلسي...
تبسمات وجلسات حداه بغنج... حط دراعو على كتفها تحركو بشكل دائري وهو تيشوف فيها...
فرانك: شنو سميتك ازوينة...
حطات يديها على صدرو عاضة على شفتها ونطقات بغنج...
فاليريا: كارلين...
خشا راسو فعنقها تيشم ريحة عطرها ونطق...
فرانك: منين نتي اكارلين...
طلعات راسها للفوق وتتنفس ببطئ مخلياليه المساحة باش يخشي راسو أكثر...
فاليريا: من فينيزيا...
شد فكها ودورها عندو مقرب وجهو من وجهها... ونطق بحنان...
فرانك: نمشيو نتعشاو واخا...
فاليريا كتافات طلع راسها بالإيجاب... وقف تيقاد فسروالو.. ووقفات هي حداه... حط يدو على خصرها وتمو خارجين من تما دايرين بيه لي كارد... ركبو فالسانسوغ بزوج مع زوج من لي كارد... كان السكات وسط السانسوغ ومرة مرة يشوف فيها ويتبسم ليها.. وهي تتعض على شفتها بطريقة سيكسي وتغمزو...
تفتح بيهم السانسوغ وتمو غاديين حتى وصلو قدام باب السويت نتاع فرانك... حلوليه لي كارد الباب ودخلو غير هوما بزوج...
وفاليريا من الدخلة لاحت صاكها فالارض و لصقات مع الحيط تتطلع فيديها مع رجليها... ثنات واحد الرجل مع الحيط وطلعات دراعها للفوق دافعة بصدرها للقدام...
فرانك قرب منها تيحيد فالفيزت نتاعو لايحها فالارض... بدا تيطلع فيديه مع جسمها مرورا بيديها حتى شدهم مشابكين صبعانهم... خشا وجهو فعنقها تيلحس فيها ويبوس وهو طالع حتى قرب لفمها... فكات يديها من يديه وشداتو من خصرو مدوراه حتى لصقاتو هو مع الحيط...
خشات وجهها فعنقو تتبوس وتعض عضيضات خفاف وخلات كيف العادة طابع الروج نتاعها تحت وذنو...
حتى بدا يسخن الطرح وهو يبعد منها فاش سمع الفون ديال السويت تيصوني... قصدو وهو تيغمزها.. هز السماعة تيدوي وهي مقربة منو تتسمعلو وتدور فعينيها على الارجاء...
فرانك: قولو يتسناني فالبار مع طناش دالليل...
حط السماعة بلاصتو وهي قربات منو حاطة يديها على صؤدو... وطلعات برجليها حد السمطة دسروالو حتى شد ففخضها...
فرانك: نتعشاو هو الاول... وعلى مايجي العشاء اجي نوريك مجموعتي القيمة لي عندي هنا...
تبسماتلو بلباقة وغمزاتو عاد نطقات بغنج...
فاليريا: اوكي...
شدها من خصرها ومشا بيها حتى قدام واحد الفاز كبير ونطق...
فرانك: هادي فاز استثنائية تصنعات من الفخار فالصين.. تهدات للإمبراطور الصيني تشيان لونغ لي حكم فالفترة 1735- 1796... شريتها فمزاد علني فباريس بقيمة 16 مليون يورو..
فاليريا بدهشة: وواااو...
زاد بيها قدام واحد الطابلو مرسوم فيها امرأة عارية وهي متكية...
فرانك: هادا طابلو سميتو نو كوشيه.. شريتو ب 170 مليون يورو... وقدرت نغلب واحد المنافس كان باغي يشريها حتى هو... (زاد بيها ثاني حتى لقدام واحد التمثال نتاع راجل) هادا تمثال L'homme qui marche I للنحات البيرتو جياكوميتي عام 1960... شريتها ب 104,3 مليون دولار....
فاليريا: غاليين...
فرانك: حتى حاجة مغالية قدام هوسي بتجميع هاد القطع الناذرة...
وقفها قدام لوحة باين فيها قديمة... كانت من القماش الاصفر ومرسوم فوقها خط أحمر فقط... استغربات ودارت شافت فيه...
فاليريا: وهادي...؟
فرانك: هادي لوحة نتاع الرسام الايطالي دومينيك... وتسمات بإسمو... كانين زوج نسخ منها فقط فالعالم... وحدة اصلية كاينة فالقصر البريطاني... وهادي غير اصلية شريتها ب 190 مليون دولار...
فاليريا بدهشة اكبر: واو... 190 مليون دولار على خبشة بالحمر...؟؟؟؟
فرانك: وي غالية... لاحقاش الرسام نتاعها فاش كان تيرسمها تقتل .. وكان رسم غير داك الخط لي تتشوفي
فاليريا: اووو...
سمعو دقان عند الباب ونطق فرانك وهو قاصد الفوطوي يجلس عليه...
فرانك: دخل...
عطا اشارة لفاليريا تجلس فوق فخضو... تبسماتلو بغنج ومشات جلسات فين قال وهي تتشوف فأوطيل سيرفيز داخل تيجر طبالي فيهم العشاء... حطوهم تما وحناو عاطيين التحية وخرجو...
فرانك تيلعب بشعر فاليريا: نتمنى يعجبك الذوق نتاعي فالعشاء...
فاليريا قربات منو وجهها حتى قريب تحط شفايفها على شفايفو... ونطقات وهي تتحرك صبعها على صدرو بشكل دائري...
فاليريا: اكيد ايعجبني...
فرانك: اذن نوضو نتعشاو...
ناضت هي الاولى وتبعها هو... جبدليها الكرسي حتى جلسات.. كب الروج فزوج كيسان وحط كل واحد قدام كرسي... وجلس هو اونفاس معاها... بداو تيتعشاو فصمت وهي مخافظة على بروتوكول العشاء...
حتى قاطع عشاهم صوت الفون نتاع فرانك... استأذن منها وناض يهضر فالفون فالبالكون لي كان كولو زاج... هي ستاغلات فترة غيابو ودورات عينيها على السويت... جبدات ساشي من صدرها بلا متعيق وفتحاتو تحت الطبلة و ناضت دايرة راسها اتهز شي حاجة من فوق الطبلة وبعيدة عليها... خوات الساشي فكاسو نتاع الروج.. هزات طبسيل حطاتو قدامها ورجعات جلسات تتقاد فشعرها وردات الساشي لصدرها بلا ماتعيق...
دقائق عاد رجع جلس قدامها تيعتاذر.. وكملو عشاهم وهو تيشرب فكاسو... ثواني قليلة كان داخ صافي وطاح فوق الطبلة ناعس...
ناضت فاش شفتو نعس وبدات تقلب فالبيت على شنو ممكن تسرق... كاع لي لقاتو هزاتو فصاكها... فتحات واحد البلاكار لقات فيه خزنة تتحل بالبصمة... شافت ففرانك ورجعات شافت فالخزنة... حطات الصاك فالارض ومشات لعندو فين ناعي طيحاتو فالارض... وبقات تجر فيه حتى وصلاتو للخزنة... حطات صبعو الابهام فبلاصة البصمة وعطات اشارة حمرة وكلمة غلط... وبدات تحرب كاع صبعانو حتى تفتح بالبصمة نتاع الوسطى...
فاليريا: كاين شي واحد تيدير البصمة نتاع الصبع الوسطاني...
فتحات البلاكار وهي توسع عينيها بدوك الفلوس لي كانو تما.. شافت ففرانك ونطقات...
فاليريا واهو لي جلستي عليه دابا نيت...
جمعات الفلوس كولهم فالصاك وهزاتو.. تخطات فرانك فين مجبد على كرشو وتمات خارجة بثقة... صافي سالات من مهمتها لي جات على قبلها حتى للهاد الجناح الفخم فأرقى اوطيل فالمدينة... الاوطيل لي كان واحد الوقت من امنياتها تدخل ليه...
لمحات الرسمة لي معلقة فالحيط... تبسمات بسخرية... الناس الاثرياء ديما تيضيعو فلوسهم فالحاجات التافهة...
خرجات من الجناح وهي واثقة من نفسها باش ما تتيرش الشكوك تاع الموظفين لي تما ولي كارد لي كانو واقفين... كانت رافعة راسها وتتمشى كا ليدي (كسيدة) موالفة بهاد الاماكن الفخمة والراقية واخا هي بعيدة على هاد العالم الثري بعد السماء مع الارض...
وصلات لبرا تاع الاوطيل وخدات اول طاكسي لقاتها قدامها... وصلها لشاريع بعيد شوية على الاوطيل... خلصاتو ونزلات تتشوف جنابها تاوصلات للدروج تاع محطة الميترو... بدات تهبط فالدروج وهي تتحيد البيروك من على شعرها لايحاه فالبوبيل لي دازت من حداه... وبدات تنزل الشورط لي تحت غوب سواغي تاوصل لركبتها.. وطلعات الكسوة للفوق حد كرشها رداتها تيشورت... طلقات شعرها خلاتو مغطي ظهرها العريان.. وجبدات كلينيكس من صاكها تتمحي ميكاب السهرات واول حاجة مسحات هو العكر الحمر لي دايرة...
كانت سريعة فحركاتها لدرجة تاواحد مارد معاها البال... حيت غادا بين الزحام لي كولشي دايها فراسو ممسوقش للي حداه... ماوصلات للميترو لي اتاخد تاكانت بدلات لوك تاعها... وركبات عادي قاصدة وجهتها وهي متبسمة....
وصل بيها الميترو فين باغا تنزل... نزلات تدور فعينيها حتى لمحات انعكاس وجهها فواحد الاشهار معلق تما... وسعات عينيها حيت نسات لي لونتي... حيداتهم دغيا ولاحتهم فالارض زاطمة عليهم... وخرجات من محطة الميترو تطلع فالدروج... دخلات بين الحشد وكملات الطريق على رجليها...
لمحات محل تيبيع الحوايج صغير.. باينة مافيهمش الكاميرات... دخلاتلو وشرات كسوة بيضة صيفية مع طربوش وصنيديلة فالكحل... لبساتهم تما نيت وخرجات حاضنة على صاكها... لاحت الحوايج لي كانت لابسة فبركاصة دازت منها... عاد خرجات للشاريع الكبير فين خدات طاكسي يوصلها للاوطيل... طلعات للبيت ودخلات نيشان للدوش...
دوشات عليها وخرجات تتنشف فشعرها ولابسة بينوار دالحمام... طلبات العشاء يوصلها للبيت وجلسات ففوطوي قدام التلفازة تتبرد ظفارها و تفرج فالاخبار...
لقات لحد الساعة ما نتاشر الخبر دالسرقة نتاعها فإيطاليا... تيعجبها تشوف الاخبار لي تيتقالو عليها... وضحك على تخميناتهم وتوقعاتهم... شي نعتها بالذكية.. شي نعتها بالساقطة... ولكن هي مامهتمة بحتى حاجة... دايرة هضرتهم مصدر الضحك بالنسبة ليها...
سمعات اوطيل سيرفيس تيدق عليها عرفاتهم جابو العشاء... فتحات ليهم الباب حتى دخلوه وخرجو... طاحة على الطبلة تتاكل بحاليلا عمرها كلات فحياتها... فرانك جابلها الحوع بداكشي لي طلبلها قبيلا... وحتى هي كلات غثر شوية باش تحافظ على بروطوكولها... دابا مكاين لا بروطوكول لا والو... كلات حتى شبعات... وتلاحت فوق السرير تتكرع...
غمضات عينيها مسترخية حتى فتحاتهم فجأة موسعاهم... ناضت جالسة فبلاصتها تتفكر... هزات الفون ديالها قطعات البيي نتاع كولومبيا وطيارتها مع الزوج دالليل... ووقفات تتجمع فحوايجها.. ولبسات كسوة كحلة كلاسيك فالكحل حد الركبة مع صباط طالون فالكحل خاصين بالحداد... وقفات قدام المرايا قادات ميكاب خفيف... قطرات الماء على عينيها.. متعمدة ضيع ماسكارا وتنزل على شكل دمعات كولحل...
هزات الفيكس وتاصلات بالاستقبال وهي تتمثل البكاء...
فاليريا: غادي نلغي الحجز لهاد الليلة... حيت انغادر...
الاستقبال: ياكما شي تقصير منا اميس...
فاليريا قاطعاتو: نووو.. نووو... (تتبكي) بابا مات وخصني نمشي ضروري...
الاستقبال بأسف: تنتأسفو على هاد الخبر المفجع ميس فاليريا... غادي نلغي الحجز اميس... هاهو واحد من الموظفين ايجي ينزليك الامتعة ديالك...
فاليريا: شكرا...
الاستقبال: العفو اميس...
حطات السماعة وهي تضحك...
فاليريا: علاش نتوما ظريفين بزاف...
بقات واقفة حتى سمعات دقات خفاف عند الباب... عبسات وجهها ومشات فتحات... حنالها براسو وتأسفلها على موت الاب ديالها...
رجعات بلور خلاتو يدخل... حتى تم خارج جار الفاليز ديالها وتبعاتو هازة صاكها... ركبات فسانسوغ الخاص بالنزلاء حتى وصلات للاستقبال... وقفات فالكونطوار رادالهم لاكارط وتتخلصهم وهوما مشفقين عليها وعلى حالها... كانت تتبكي وتمسح نيفها بكلينيكس وعينيها كولو مجخلط بالميكاب...
الاستقبال: وجدناليك طاكسي اميس...
فاليريا: شكرا
وقف حداها لي دا معاه الفاليز ديالها وخرج سابقها.. حط الفاليز فالكوفر حتى لحقات عليه.. حلها الباب ودخلات تتبسملو بذبول...
فاليريا: شكرا...
سد عليها الباب وكسيرا الشيفور... رجع وجهها جامد وتمحاو تعابير الحزن لي كانو فيه... بدات تمسح فوجهها من داك الميكاب لي تجخلط...
وصل بيها الشيفور للمطار ونزلات بعد ما خلصاتو... خدات من عندو الفاليز فاش جبدها من الكوفر وتمات داخلة...
دازت من الاجراءات وجلسات تتسنى الرحلة ديالها توصل... ختارت كولومبيا ترجع ليها حيت بلا فيزا ويمكن ليها تمشي دغيا بلا حتى مشاكل...
وصلات الطيارة للاراضي الكولومبية وخرجات مهدودة بالنعاس... خدات طاكسي للاوطيل عادي ماشي فاخر وحجزات بيت... غير دخلات طاحت نعسات فالسرير بحوايجها...
بقات فاليريا فكولومبيا لمدة اسبوع تقريبا بلا اي عملية نصب... خدات فترة راحة رتاحت فيها.. الى جانب مابغاتش تبين فإنا بلاصة هي حاليا... مستر فرانك لي نصبات عليه اخر مرة عندو نفوذ داكشي باش خوات إيطاليا... والسبة لي دارت باش تغطي علاش جات لإيطاليا بالنهار وخرجات منها بالليل هي موت الاب ديالها...
》...☆ بعد أسبوع- المكسيك، كوادالاخارا- 14:58•
...واقفة فاليريا قدام المرايا تادير اخر لمساتها على الميكاب لي دارت... كانت اطلالتها بسيطة وهادية... خرجات من البيت دايرة كاسكيط وكمامة كوحل... وهازة ساكادو فظهرها دايرة فيه مستلزماتها...
خرجات من الاوطيل دايرة يديها فالجيب وشدات الطريق غير على رجليها وهي هادية... فاش تتكون ف المكسيك بلدها الاصلي كاع شخصيتها المرحة تتبخر... هنا وبالخصوص فهاد المدينة لي تزادت وكبرات فيها... شهدات على حياتها كولها قبل ما تنتاقل لكولومبيا...
بقات غادا وهي تتشوف فالمباني والطرقان وتسترجع بعض الذكريات... السعيدة منها والحزينة... ماحسات براسها حتى وقفات فالدخلة نتاع كاريان...
طلعات راسها تتشوف فالناس لي تيتحركو تما كل واحد تيقضي شغالو... ناس بساط ولباس بسيط باين عليهم الفقر... قهاوي خارجة منهم ريحة الشيشة والمخدرات... دراري صغار تيلعبو ويجريو حدا رجليها... الديور من القصدير ومهترئة... دخلات تدور فعينيها وهي تتفكر فاش كانت صغيرة وتتجري فنفس البلاصة لي واقفة فيها دابا...
كملات مشيتها ببطئ حتى وصلات قدام واحد البيت بابها من قصدير... بقات دور فعينيها ورجعات شافت فالباب مترددة تفتحو... مدات يديها ببطئ ودفعاتو حتى طاح فالارض عند رجليها... رجعات بلور هاربة منو وتتحيد الغبرة من قدامها حيت الجهد دالطيحة نوض الغبرة من الارض... شافت جنابها لقات الناس تيشوفو فيها... رجعات شافت قدامها مامسوقاش ليهم... خطات الخطوة الاولى باش دخل.. وحنات براسها حيت هي طويلة والباب قصير...
عوجات سيفتها عايفة من الريحة لي شمات... وبدات دور عينيها تتشوف.. كانت البيت كولها مخربة... كرسي مهرس كولو وكرسي اخر مشقوق طايح فالارض.. الما دايز من تما وباين عليه الماء د الطواليط ريحتو خانزة... طبلة مقلوبة فالقنت دالبيت وحداها قراعي دالشراب مليوحين شي مهرس شي لا... شافت فرجليها فين تتخطي وزادت دخلات تتستكشف... لقات كراطن محطوطين فالارض بحاليلا تينعس عليهم شي واحد... بلعات ريقها ورجعات بيها ذاكرتها للور...
》》... فلاش باك•
...واقفة مراهقة زعرة وعينيها الزورق مدمعين... كانت واقفة تتشوف فشخص قدامها تيجمع فحوايجو وهي ساكنة بلاصتها تتبكي... قربات منو وتلاحت عند رجليه شداه منها...
- بابا عفاك ماتمشيش معاها... (تتبكي) خليك معايا ابابا...
داك الشخص دفعها بركلة حتى طاحت فالارض شادة فكرشها حيت تزوات... وعينيها تيشوفو فالاب ديالها بترجي...
ماداهاش فيها وسد الصاك فاش جمع حوايجو وتم خارج... وقف عند الباب ودار شاف فيها...
- سيري عند ماماك افاليريا...
حدو قال هادشي وخرج مخليها مادة يديها عندو تتبكي...
فاليريا: بابااااا...
ناضت بجرا تبعاتو وهي تتبكي ولحقات عليه ركب طوموبيل مع مرا وهي لي تتسوق... مداوهاش فيها هي لي بدات تبكي وتعيطلو وكسيرات مغادرة...
》》... نهاية فلاش باك•
قفزات فاش سمعات شي صوت وراها مخرجها من سهوتها... دارت مفزوعة وهو يبانلها راجل داخل... كولو موسخ وحوايجو مقطعين... تيترنح فمشيتو باين عليه سكران... رجعات خطوة للوراء مبعدة منو... أما هو طلع فيها راسو وبقا تيشوف فيها لثواني حتى طايح حدا رجليها تيشخر...
عوجات سيفتها عايفة منو ومن ريحتو... وتخطاتو خارجة من البيت... قفات قدام الباب وطلعات النفس بعمق... ودارت يديها فجيابها وتمات غادة حانية راسها...
الندم بمشيتها للمكسيك ولهنا بالظبط بدا تيتسلل ليها... غير جات لهنا كاع مواجيع الماضي رجعو حياو من جديد...
مشات لريسطو تغذات وهي غير ساهية تتشوف بعيد... ورجعات للاوطيل ومورالها نازل كثر من قياسو...
دخلات تحت الدوش ودموعها بداو فصمت... ألم تخلي واليديها عليها مزال تينهش فيها... بداو تيتعلى صوت شهقاتها حتى رجعات تتبكي بالصوت... بدات طرب براحة يديها فالحيط بعصبية...
فاليريا: علاش... علاش علاااش... (حطات جبهتها على الحيط والماء نازل عليها) علاش مشيتو وخليتوني...
بقات تتبكي حتى فشات قلبها... فتحات عينيها ووقفات معتادلة تتشوف قدامها لثواني... ورجعات تتكمل تدواشها... غير كملات خرجات بالبينوار دالحمام... و فتحات الفاليز جبدات منها غوب سواغي فالكحل... ورجعات قدام المرايا نشفات شعرها ودارتو كعكة... قادات ميكاب السهرات صارخ مركزة على عينيها الزورق... شدات العكر بين يديها تتشوف فيه لثواني... فتحاتو وشافت فالمرايا تتقادو ببطئ وإتقان بحاليلا خايفة عليه اتهرس...
غير كملات ناضت لبسات الغوب مع صندالة حمرة بحال الغوج... هزات معاها بوشيط فالفضي وخرجات تتعوج فمشيتها خارجة من الاوطيل...
شدات طاكسي حتى وصلها لواحد الشاريع وحبساتو باش تنزل... خلصاتو ونزلات قاصدة باب بار صغير... باغا اليوم تسكر حتى تنسى سميتها ماشي غير تنسى ألمها... ومكاين ماحسن من بار صغير تاخد فيه راحتها... باغا تبقا بوحدها وتستمتع بوقتها وتنسا حزنها... دخلات ديريكت قصدات الكونطوار وجلسات فيه حاطة البوشيط فحجرها... ونطقات مخاطبة البارمان...
فاليريا: فودكا...
بقات دور فعينيها تتشوف فالناس لي كل واحد جالس تيشرب فقنت... شي بوحدو... شي مع اصدقاءهم... لي كوبل...
رجعات دورات عينيها ناحية كاسها لي تحط قدامها... والبارمان حداها تيمسح فالكونطوار.... شدات الكاس بين يديها تتشوف فيه ونزلات عليه فدقة مغمضة عينيها... رجعات حطات الكاس فوق الكونطوار ونطقات...
فاليريا: فودكا...
البارمان دغيا ستاجب لطلباها وعمرلها الكاس من جديد... وهتى هو هزاتو وشرباتو كامل فدقة... ورجعات حطات الكاس..
فاليريا: مرر (تكرعات) رة اخرى...
شاف فيها البارمان وطلع حجبانو بتعجب... رجع عمرلها الكاس ومشا عند زبون اخر جلس حتى هو فالكونطوار...
فاليريا هاد المرة بقات تشرب الكاس جغمة جغمة وعينيها ساهيين قدامها... فيقها من سهوتها غير صوت شاب جلس حداها ونطق مخاطب البارمان...
-ويسكي...
شافت فيه فاليريا نص شوفة ورجعات شافت قدامها... جغمات من كاسها مكملاه ورجعات حطاتو فوق الكونطوار...
فاليريا: مرة اخرى...
البارمان: ميس راك كثرتي...
فاليريا بالغوات: مررررة اخرى...
تنهد البارمان وعمرليها الكاس... شداتو بين يديها ووقفات ضاربة بيديها فوق الكونطوار... رفعات كاسها فالسما ودارت عند زبناء البار...
فاليريا بسكرة: نخب الحياة اللعينة...
الناس رفعو حتى هوما كاسهوم: نخبكم...
شربو كيسانهم وهي قربات الكاس من فمها ونطقات...
فاليريا: فاك د لايف...
نزلات على كاسها شرباتو كولو... بغات دور عند الكونكوار وهي تشدها الدوخة بالسكرة ومالت للور... لحق عليها داك الشاب لي وراها دغيا شدها ضامها لصدرو...
فاليريا طلعات فيه عينيها وتبسمات: هاااااي...
الشاب تبسمليها حتى هو وعاونها تجلس فالكرسي...
فاليريا شدات فيها السكرة بالمزيان وبدات تهضر بغنج وبدون قيود...
فاليريا: تتبان سيكسي بزاف...
عضات على شفتها وغمزاتو وجاتها تكريعة على غفلة... شدات ففمها بزوج صبعانها...
فاليريا: اوبس...
الشاب لي قدامها جابتلو الضحكة.. ولكن جمالها طغى على تصرفاتها... عرفها سكرانة وباينة بحاليلا مهمومة... والاهم من هادشي انها ستحسنات مظهرو وتغزلات بيه...
فاليريا تتشوف قدامها غا شاب وسيم وانيق... بعيدا على السرقة او الطمع.. شافت فيه بنظرة اخرى... باغا تجرب الحب.. وباغا تجربو معاه...
شافت فيه بشوفات مغريين عاضة على شفتها... وحطات يديها على فخضو تطلعها ببطئ حتى قربات توصل لحجرو...
الشاب عض على شفتو هو الاخر وشد يدها جارها عندو حتى قرب وجهها... وشدها من فكها...
- شنو بانلك فشي ليلة ازوينة...
فاليريا ضحكات بغنج وطلعات صبعها مع صدرو بطريقة بطيئة.. قربات من حدا وجهو وفتحات فمو بحاليلا اتعضو ورجعات بلور بإبتسامة واسعة...
فاليريا: شنو سميتك...؟
جبدها اكثر حتى قرب فمها من فمو.. ونطق ونفسو تيضرب فيها... ويديه تيطلعو مع درعانها...
- فيسينتي ازوينة... ونتي...؟
سكتات لثواني وناضت جلسات على فخاضو...
فاليريا: خلينا من السميات بايبيي...
بدات دور صبعها بشكل دائري على صدرو وقربات من وذنو ونطقات بهمس قايسة شحمة وذنو....
فاليريا: فين ندوزو الليلة ابب...
فيسينتي زر على فخضها: فينما بغيتي...
خشا راسو فعنقها ومصولها ورجع لور مخليها ليها حمرة...
فاليريا: اممم... (شداتها النشوة) ماكرهتش هنا نيت... بلا مانبعدو...
فيسينتي ضحك: داري غير هنا... شنو بانلك (رد شعرها لي طاح مابقاش مجموع ورا ظهرها كاشف على عنقها) ازوينة...
وقفات بزربة حتى كانت اطيح وشدها من دراعها...
فاليريا: دابا نيت...
ضحك فيسينتي على تصرفاتها الطائشة... خلص البارمان وتم خارج جارها من خصها... وهي كل مرة تتلصق عليه وتغوت بوحدها...
فاليريا: ووووووه... ام فرييييي... (انا حرة) فاك دلااااااايف...
فيسينتي بقا غير تيشوف فيها وهو تيضحك... شافها اجيح للقدام على وجهها وهو يدها دغيا...
فيسينتي: عنداك...
فاليريا: انا بيخير.. انا بيخير.. (ردات شعرها لور وغوتات) وا فاك للماضي... فاك لأي واحد آذاني...
أنت تقرأ
أحمر شفاهها هلاك 💄
Action💋قـصـة أحــمــر شــفــاهــها هــلاك 💋 💋للكاتبة : Nina Rim 💋نوع القصة : أكشن و رومانسية 💋الصنف : الـمافـيا تتحدث القصة عن الشابة " ڤاليريا " التي ستجد وسيلة حقيرة لجمع المال.. و عن "ڤولكان" صاحب عصابة " The Fucking Dreams" التي تتكون من...
