《من حمرة شفتيها صنعت القبلة والطلقة...》
《 إحترس... فإنها تأخذ مالك.. وكل ما لك...》
......《☆بعد ثلاث أيام..》
...قرب القصر البريطاني على بُعد ثلاثة ديال الشوارع .. كانت شاحنة فولاذية كبيرة فاللون الاسود مسطاصيونا فاليمن ديال الشارع .. وفالداخل ديالها كان آللان و فولكان جالسين قدام الشاشات ديال لي بيسي.. و آللان داير الكاسك فودنيه وتيطابي فلي كلافيي وراد البال مع كاع التفاصيل ..
كان الصمت سيد المكان حتى شير آللان بصبعو لواحد الشاشة.. ونطق بهدوء..
آللان: مدخل القصر الخلفي مأمن حاليا.. الوقت المناسب باش يدخلو..
فولكان هز اللاسلكي دغيا ونطق بصرامة..
فولكان: فالي.. ريكو.. واجدين..
فالي/ ريكو: سي..
فولكان: تحركو..
ريكو بحماس: هيييير وي ݣووو..
ورك على الكسيراتور وتحرك بطوموبيل كحلة ناحية البوابة الخلفية ديال القصر.. وقفوه لي كارد فالدخلة.. وهو يفراني تيعدل فالهندام ديالو..
الكارد: الهوية مستر..
ريكو مد ليه بطاقة الهوية ديالو ديال فاليريا لي مداتهاليه.. وحتى بطاقات العمل.. شدهم من عندو تيقرا فالاسماء وتيشوف فيهم وفالصورة تيتأكد من الملامح..
الكارد: شاف كويزينيي مانويلا أندرسون.. والمساعد ديالها أليكس سواري.. (شاف فيهم ماد ليهم لي كارط) لي تنعرف ان الشاف كوزينيي لي غادي يجي راجل..!!
فاليريا تبسمات: سي.. هو الشاف مارك اندرسون.. الاب ديالي.. تعرض لوعكة صحية واضطريت نجي بلاصتو..
الكارد دار يديه فلي كيط تيتأكد من إسم الشاف.. حتى ردو عليه بين هو نفسو.. وهو يحني ليهم براسو مشير ليهم جهة الباب..
الكارد: يمكن ليكم تفضلو..
شير بيديه لحارس البوابة فتحها اوطوماتيك.. وهو يديماري ريكو بعد ماعطاه التحية براسو..
ريكو: تنتمنى ليك يوم مزيان..
كسيرا داخل للقصر وهوما تيوجدو راسهم للمرحلة الثانية من الخطة..في حين آللان نطق وهو تيشوف فيهم من الشاشة..
أنت تقرأ
أحمر شفاهها هلاك 💄
Action💋قـصـة أحــمــر شــفــاهــها هــلاك 💋 💋للكاتبة : Nina Rim 💋نوع القصة : أكشن و رومانسية 💋الصنف : الـمافـيا تتحدث القصة عن الشابة " ڤاليريا " التي ستجد وسيلة حقيرة لجمع المال.. و عن "ڤولكان" صاحب عصابة " The Fucking Dreams" التي تتكون من...
