《من حمرة شفتيها صنعت القبلة والطلقة...》
《 إحترس... فإنها تأخذ مالك.. وكل ما لك...》
...بقاو ساكتين شي يشوف فشي واخا الظلام.. حتى نطقات فاليريا وهي تتنهد..
فاليريا: زعما يقدر يقنعو..؟
ريكو: عطاه راسو كامل ومايقنعوش..
آللان: بقا فيا..
فاليريا تبسمات باغا ضحك شوية جمعاتها دغيا: بصح.. فيسينتي ماعاجبوش الحال..
فولكان بهدوء: حتى واحد معاجبو الحال..
كوسطو: فيسينتي عارف مزيان شنو تيدير.. سبق مصلحة العصابة على مصلحتو..
ريكو: المهم حنا نحاولو مانزيدوش نحرجوه اكثر..
فاليريا ضربات فيديه: مشات.. (تكات على صدر فولكان) فيا النعاس..
فولكان: نعسي..
ريكو: كون بقيتي فالدار مرتاحة..
فاليريا تفوهات: فولكان لي ماخلانيش نبقا بوحدي.. (تتحك خدها مع صدرو) فاش يجي فيسينتي فيقوني..
آللان: ما تنظنش واش يجي..
ريكو: من نيتك.. غير ايسالي ايجمع خر*اه ويجي.. راه عارف فين حنا..
آللان تكا على الكرسي: اوا نتسناو..
فولكان كان متبع مع هضرتهم فصمت وهو تيلعب بصبعان فاليريا وسط يديه.. دغيا نعسات مرتاحة وهو تيحاول مايتحركش باش مايزعزعهاش..
وهادشي لي لاحظو ريكو وتبسم متفكر مرتو بيلا.. مدة طويلة ماهضر معاها.. توحشها بلا قياس.. ماباغيش يصوني عليها ويصدق مدخلها فهادشي.. حيت ممكن يكونو مراقبينها.. وماريسا تدير اي حاجة باش توصل ليهم.. واخا تعرف تهددها الى حسات بيها عارفة شي حاجة..
...عند هاري لي وقف تيطلع الشورط ديالو راد بالظهر لفيسينتي.. ودار لعندو تيعقد السيور.. وصدرو العاري الاملس تيبري..
في حين فيسينتي متكي فوق السرير مغطي بإيزار بيض حاط يديه على جبهتو ومغمض عينيه.. تيحس بصحتو كولها مدكدكة.. بقاتلو خطوة وحدة ويخرج من هنا..
بدا تيتمشا هاري فبيتو ناحية باب اخر وسط بيت النعاس.. فتحو ودخل غابر للحظات.. ورجع خرج هاز فيديه قرعة الويسكي وزوج كيسان..
أنت تقرأ
أحمر شفاهها هلاك 💄
Action💋قـصـة أحــمــر شــفــاهــها هــلاك 💋 💋للكاتبة : Nina Rim 💋نوع القصة : أكشن و رومانسية 💋الصنف : الـمافـيا تتحدث القصة عن الشابة " ڤاليريا " التي ستجد وسيلة حقيرة لجمع المال.. و عن "ڤولكان" صاحب عصابة " The Fucking Dreams" التي تتكون من...
