'တောက်'၊
တစ်ချက်ပြင်းထန်စွာ သူခေါက်လိုက်ချိန်တွင် ကားတစ်စီးလုံးရှိ
သူငယ်ချင်းများ တိတ်ခနဲ ဖြစ်သွားရသည်။
အဲဒီ မိန်းကလေးက..ဘယ်သူလဲ..'၊
'လေပြည်တဲ့'၊
'ဘာ..'၊
'ဟာကွာ..မင်းကလည်း..သူ့နာမည်က..လေပြည်လို့ပြောတာကွာ'
လမင်းက၀င်ထောက်လိုက်သည်။
'လေပြည်..ဟုတ်လား...နာမည်လေးကနူးညံ့သိမ်မွေ့ပြီးလှသလောက်
လူကကြမ်းတမ်းလှချည်လား...'၊
'လူကလည်းလှပါတယ်ကွာ ..'
နေမင်းက ပျောင်ချော်ချော်၀င်ပြောသည်ကို မုန်တိုင်းက ဖျတ်ခနဲ လှည့်ကြည့်လိုက်ပြီး
'သူဘာသူ..လေပြည်မကလို့ လေပြတ်ဖြစ်ဖြစ်..ငါဂရုမစိုက်ဘူး..သူ့စကားလုံးတွေက သိပ်ကိုရင့်သီးလွန်းတယ်..ငါ့တစ်သက်တာမှာ..ငါ့ကိုဒီလောက်ထိ စွပ်စွဲပြောဆိုဖူးတာ သူတစ်ယောက်တည်းပဲရှိတယ်'
သူက လက်ညိုးတစ်ချောင်းထောင်ပြီးပြောလိုက်သည်။
'မင်းကလည်းကွာ..ဗွေမယူပါနဲ့..'၊
'ဘာ..ဗွေမယူနဲ့ဟုတ်လား..၊ သူက ကန်တင်းမှာ ငါ့မာနကို ရိုက်ချိုးသွားတာ မင်းအမြင်ဘဲလေ..ငါကဒီတိုင်းကြည့်နေရမှာလား..
ဒီလိုဆိုရင်..မုန်တိုင်းဆိုတာ ဘယ်ရှိတော့မလဲ..'
သူကပြောလိုက်တော့မှ လမင်းက သက်ပြင်းချကာ
'လေပြည်နဲ့ မုန်တိုင်း ထိပ်တိုက်တွေ့ရတယ် လို့ကွာ..'၊
'မင်းနဲ့ သိလို့လား..'၊ '
သိတယ်..သိတာမှ..သိပ်သိတာပေါ့..'
လမင်းက သက်ပြင်းချကာ ပြောသည်။
သူက ငါတို့နဲ့ စတိတ်ကျောင်းအတူတူတက်လာတာလေ..သူငယ်တန်းတည်းကနေ ဆယ်တန်းအထိ ငါနဲ့တစ်ခန်းတည်း..ဒါပေမဲ့ ငါနဲ့မခင်ပါဘူး..သူ့အကြောင်းတွေတော့သိတယ်..'
'ပြောကြည့်ပါဦး..'
မုန်းတိုင်းက ခပ်အေးအေးပင် ၀င်ပြောလိုက်တော့ အကုန်လုံး အတော် အံဩသွားရသည်။
YOU ARE READING
အမုန်း၌ မွေ့ပျော်ခြင်း (unicode, zawgyi)
Romanceအမုန်းချင်း ပြိုင်နေရာက ဘယ်သူက အရင် စပြီးချစ်မလဲ...ဘယ်သူက အရင် အရူံးပေးမလဲ.. စချစ်မိတဲ့ သူက ရူံးမှာလား..
