كان خالد هو من يمسك تليفونه منتظر النتيجة فمروة تعتبر اول من دخل ثانوية عامة في عائلتهم الصغيرة و إذ به رأى ما صعقة واعطاها التليفون حتي تشاهد نتيجتها فقالت : ٩٦% ..... ٩٦% وأخذت تبكي وتقول مش هدخل طب مش هدخل طب و انهارت علي الارض وأخذت تصرخ بصوت عالي فاخذتها امها في حضنها وقالت حلوين يا حبيبتي يدخلوكي صيدلة ولا علاج و تبقي داكتورة برضوة .
فردت مروة بصوت متقطع من البكاء وقالت : انا عايزة اخش طب مش هيدخلوني و احنا معندناش فلوس فمش علشان ادخل خاص وأخذت تزرف الدموع بصوت اشبه بالنحيب .
فردت امها وقالت : يا حبيبتي مش نصيبك ان شاء الله التنسيق يقل ويدخلوكي وحتي لو مدخلوكيش هتبقي داكتورة برضوة وانت مجموعك عالي يعني شرفتيني و رفعت راسي وبعدين ما تشوفي بت عمك جابت كام قدة مش يمكن أقل منك ومش هتدخل برضوة وبرضوة مش احسن منك .
فردت مروة : يا اما وانا مالي ومالها انا حلمي اخش طب وهي اصلا عايزة تخش صيدلة غير دا كله ابوها معاة فلوس يدخلها فمش هتقلق هي .
وأثناء ذلك كان خالد يحاول ان يدخل رقم جلوس هبة حتي يطمئن أنها لم تزيد اخته في الدرجات لان حرفيا كانت حالتها هستيرية ولا تبشر بخير وإذ به يفاجئ فقال : اطمني يا مروة هبة مش هتلحق تربية حتي دي جايبة ٦٥% دي لو كانت بتلعب مس بتذاكر مش هتجيب الدرجة .
فردت مروة في هياج : يا ناس انتوا لية مش حاسين بيا انا خلاص حلمي راح انا هموت نفسي .
فاحتوتها امها وخالد وقال خالد : مروة حبيبتي انت حلمك مراحش (وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ...)مش يمكن لو دخلت طب تعملي عملية لواحد ويموت ، ربنا مش شايفك في طب شايفك في حاجة تاني هتعرفي تكوني فيها هتعرف تنجحي فيها وانت برضوا ماشاء الله هتتقبلي فاي كلية طبية وبرضوا هتكوني قريبة من حلمك ، لا دا انت هتكوني في اختيار ربنا ليك ، ثانيا يا ستي انت عايزة تدخلي طب لية علشان تتفشخري في رايحة والجاية وتقولي انا دكتورة .
فردت مروة وقالت : لا والله انا نفسي اخفف عن المرضي .
فرد خالد : وانت لما هتدخلي اي كلية منهم سمعاني اي كلية منهم برضوا هتخففي عن المرض يا لا اغسلي وشك وصلي لربنا ركعتين شكر و انا عارف انك زعلانه بس هتعرف علي ارداة ربنا ولا اية هنكفر علي اخر الزمن وبعدين يا مفترية انت جايبة ٩٦ يعني مجهود يحترم .
فاحتضنته مروة و قالت من بين دموعها : ربنا يباركلي فيك بس اي العقل ده كله دا انا كنت فاقدة الأمل فيك .
فرد خالد وقال : محدش بيفضل علي حاله .
فردت بدرية واحتضنتهم : ربنا يباركلي فيكم يا نور عيوني .
و بتدور ساعات اتي جدهم وقال : ها يا خالد اختك عملت اية طمني الدنيا مقلوبة برة وعمك قالي مروة جابت ٨٠ وانا ممصدقوش اصل اختك كانت تاكل الكتب وكل مش معقول هتجيب ٨٠ .
فرد خالد : لا يا جدي ده كداب مش ٨٠ دي جابت ٩٦ دي بته هو اللي جابت ٦٥ .
فرد الجد : اتلم يا اض اي اللي كداب دي بس صح جابت ٩٦ الحمد الله هتخش طب اقده.
فرد خالد : لا يا جد هتدخل كلية طبية برضوة بس مش طب طب عايز من ٩٨ و لفوق و بعدين لسة التنسيق منزلش .
فرد الجد : مايدخلوها يعني الدرجتين دول هيفرقوا معاهم البت هتموت وتخش طب .
فرد خالد :دي قوانين يا جدي يعني نعمل اية .
فرد الجد في ضيق : خلاص يا ولدي هي قده قدة هتبقي داكتورة الحمد الله .
علي الجنب الآخر كان حسان يضرب في ابنته و يقول : ٦٥ با بت الكلب ٦٥ دا انت كنتي بتاخدي بدل الدرس ٣ احسن منك في اية مروة جايب ٩٦ طب حتي كنت جبتي ٩٠ لا كتيرة عليك دي متقدريش عليها كنت جبتي٨٠ اودي وشي فين من الناس بس اقولهم اية بتي عطلانة خايبة متعرفش تذاكر.
أنت تقرأ
لا أبالي
Romansو بعد ما انهت مروه غنائها حيث كانت مندمجة بطريقة سحرية مع الكلمات إذ بها تفتح عينيها وتجد عمر أمامها و عيونه تطلق شرارا و كان لونهم احمر و وجهه كان مليئا بالغضب و اقترب نحوها وهي في اتم استغرابها و إذ به يضع يديه حول عنقها و يخنقها وكانت نظرته سودا...
