Revenge(Completed)

Ep(21)Final

Unicode

အရေးပေါ်ခွဲစိတ်ခန်းထဲ ဝင်ခါနီးအချိန်ထိ ရှောင်းကျန့်လက်တစ်ဖက်ကို ဆုပ်ကိုင်ထားဆဲဖြစ်သော ရိပေါ်ကြောင့် သူနာပြုများမှာ
ရိပေါ်လက်ကို အတင်းပင်ဆွဲဖြုတ်ခဲ့လိုက်ရသည်။

အရေးပေါ်အခန်းတံခါးကိုမှီကာ ခွေထိုင်နေသော ရိပေါ်ဆိုသည့်ကောင်လေးအခြေအနေက အသိစိတ်လွတ်ချင်ချင်မို့ ရှောင်းကျစ်ရုံလည်း နောက်ကနေ ရောက်လာသော
သူ့လူများကို ဆရာဝန်သွားခေါ်ခိုင်းလိုက်ရသည်။
.
.
ဘယ်လိုစိတ်ကူးနဲ့များ ကျွန်တော်ခင်ဗျားကို သတ်နိုင်မယ်လို့ တွေးခဲ့ရတာလဲ ရှောင်းရယ်။
အခုလိုမျိုး ခင်ဗျားလုပ်လိုက်တော့ရော ကျွန်တော်က ပျော်ပြီး ကျေနပ်သွားရောတဲ့လား....။
ဘာလို့ အမြဲတမ်း ခင်ဗျားလုပ်ချင်တာ
လုပ်ပစ်ရတာလဲ.....။

သေချာပေါက်အသက်ရှင်ပေးပါ....
ခင်ဗျားသာမရှိရင် ကျွန်တော်လည်း ခင်ဗျားနောက်လိုက်လာမှာ...ရှောင်း...။

.
.
သွေးတွေနဲ့ပေကျံနေကာ ဆေးရုံကြမ်းပြင်ပေါ်မှာ ဒူးနှစ်ဖက်တုပ်ကာ ငြိမ်ငြိမ်လေးထိုင်နေရင်း မျက်ရည်တွေသာ တွေတွေစီးကျနေသော ရိပေါ်ကို ရောက်လာသောဆရာဝန်က တစ်ချက်လှမ်းကြည့်လိုက်ရင်း...
ရှောင်းကျစ်ရုံပြောသောစကားကို ခေါင်းညိတ်ပြလိုက်သည်။
.
.
ရုတ်တရက် လည်ပင်းဆီက စစ်ကနဲနာကျင်မှုကို ခံစားလိုက်ရပြီးနောက်မှာတော့ ရိပေါ်၏ အသိစိတ်လွတ်ခါနီးစိတ်တို့က လုံးဝ
အမှောင်ကျကာ သတိလစ်သွားတော့သည်။
.
.
.

ပတ်ပတ်လည် မြင်ကွင်းအားလုံးက
နှင်းဆီခင်းချည်းပဲမို့ ရှောင်းကျန့်
သူရောက်နေသောနေရာကို သဘောကျသွားသည်။

နီရဲနေသော နှင်းဆီပန်းခင်းကြီးထဲမှာ
တစ်ကိုယ်လုံး အဖြူရောင်ကိုသာ
ဝတ်ဆင်ထားသော ရှောင်းကျန့်က
ပုံပြင်ထဲက နတ်သားလေးတစ်ပါးလိုပင်
ကြည့်ကောင်းလှပေသည်။

"ရှောင်း..."

လှပစွာပွင့်နေသော နှင်းဆီနီတစ်ပွင့်ကို
နမ်းနေသည့်ရှောင်းကျန့်က အဝေးမှာ
ကြားရသော ဝမ့်အသံကြောင့်....

"ဝမ်.."

နှင်းဆီပင်တွေက ခါးလောက်ပဲအမြင့်ရှိပေမဲ့ ရှောင်းကျန့်ဝမ့်ကို မမြင်ရသေးပေ။