أجساد بلا روح (➕18) كرونيك باللهجة الجزائرية

الفصل الثاني : سفاحة العشق 56

الحلقة 56
#أجساد_بلا_روح
#سفاحة_العشق

صابو قاعد فالبيرو ديالو رفع يدوو يهدر معاه بصبعوو
جواد : راح تبعد عليها مراحش تدخل
فريد : خليك فلهو ديالك و متدخلش فخدمتي
شوف روحك فالمراية مراة قدرت دير فيك هكا
تبسم علي جنب جواد : عمايلها حتي نتا خلاوك تخمم كيفاه تبعدها من طريقك
فتح لباب و عاود خرج هبط خرج
_________
اول ماحركت رجلهااا حست بحاجة محاوطتها فتحت عينيها تشوف معاه لاف يديه عليها مدخلهااا داخل صدرووو و رجليه لافهم علي رجليهااا باش متتحركش
حطت يدها علي يدو بعدتها من عليها فتح عينيه يشوف فيها تسحب فروحهااا منوووو بعد عليها خلاها ناضت خرجت بلاما تشوف معاه
اول مافتحت لباب تقابلت معاها عضت علي شفتهااا و مشات جيهت درووج
لحقتهااا شدتهااا من يدها حبستها
سلمي : وش كونتي ديري فبيتو
ليار : حبيتي نحكيلك وش بتنا نديرووو فاليل
زيرت علي يدها بضفارتيهاااا
سلمي :ياك متحبيهش تكرهيه علاه رحتي ليه
قربت لوذنها كثر و تهدر : تحبي نحكيلك علي ليلة كيفاه جازت
كلامها و صوتها الهادي ستفزهاااا عينيها تقلبوووو بقات مزيرة علي يدهاااا
طبعتهااااا بعيد شوية عليها
تشوف فيها و تتبسم فثواني خلاتها تشعل خلات غيرتها تسيطر عليهااا و تحرقلها فقلبها عليه بدات تعييييط خلات كل يفيق علي صوتهااا شافت فيها و عاودت تبسمت رمات روحها فالدروج تتكركب
متكذبش كان تقول عضامها موحعهاش و رحليها ويديها تعوجوو اول ماوصلت لأخر درجة تخبط راسها حطت يدها علي راسها و ثانية علي كرشهاااا
ليااااار :اااااااااه
خرج يجري من بيتو يشوف ف سلمي لفوق و ليار طايحة علي راسها هبط يجري ليها حط يدو علي وجها
أسمر : صراتلك حاجة
ليار : نكون مليحة نهار هادي و ختها يبعدو مني
سلمي :وش درتلك علاش راكي تمثلي رميتي روحك وحدك
ليار : مرانيش مهبولة نقتل روحي
أسمر : اهبطي أجري (يهدر و يعيط)
هبطت عندوووو تجري وقف من عندها و راح جيهتها بخطوتين وصل ليها
كانت تستني غير فالكف تجيها
كلما يقرب ترجع للور