أجساد بلا روح (➕18) كرونيك باللهجة الجزائرية

الفصل الأول :نهايات العشق 38

الحلقة  38
#أجساد_بلا_روح

حطيت راما عند لخدامة وجزت علي بيتهم صوتهم طالع
مضاربين
خرجت مايا بقات تشوف معايا و عينيها يقدحو نار
دخلت ليها كانت فاعدة و مبين عليها توتر و انا راسمة تبسيمة
ليار : طحتي فالحفرة لي حفرتيهالي
سلمي : روحي من هنا
وقفت من مكانها قربت ليها تقابلنا عينيا مع عينيها
ليار : في بالك كي صورتيني راح تقيسيني ولا توجعيني مكاش فهاد الدنيا حاجة توجعني حطيها مليح فبالك متقدريش توجعي واحد معندوش روح غير حسد ديالو هايم
سلمي : شيطان ‏في هيئة ملاك
ليار : نتي لقمة صغيرة فثانية نهظمك
سلمي : تهددي فيا ... رفعت يدهااا باه تضربهااااا
حكمتهالها عوجتهاااا ليار :مفكرة راح نزيد نخليكم تتعاداو عليا
بلاما نتردد ثانية رفعت يدي ضربتها بكل قوتي خلاتها تفقد توازنهاااا ... ويدي بقيت معوجتهالها مفلتتهاش حتي سمعت صوت طرطيق تاع لعضام دفعتها وقعت نزلت لمسواها
ليار : جربي تحاولي تقربي مني مرة ثانية وقتهاااا تشوفي وش نعمل فيك و ألعابك صغار مثل عقلك هادا متجربيهمش معايا
خرجت من عندهاااا رجعت راما لعندي و هبطت بيها لتحت قاعدة فالصالة بيها
زمرد : قربي لعندي
ليار : وش تحبي مني
زمرد : قوتلك قربي
قربت منهااا قعدت جنبهاااا و راما حطيتها علي الأرض تحبي
زمرد : حامل فأي شهر
ليار : لازم نقولك
زمرد : نحب نعرف صحة حفيدي
ليار :شهر و أسبوعين
قربت تحط يدها علي بطنهاااا حطت يدها نحاتهالها
زمرد : مش مبينة بالحمل
ليار : وش فهمك فهادو الأمور راني اونسانت
زمرد : ‏خبرت سنين و سنين تعلمي تكسبي راجلك ليك متبعديهش عليك بتصرفاتك
ليار : منحوسش يقرب مني منحوسش منو يعشقني منوحسش منو يشوف معايا منحوسش عليه نكرهوووو عنفني بما فيه كفاية ... حتي بني راح نخليه يكرهو
زمرد :نتي وصلتي روحك كان خليتي روحك بقيمتك و ثقلك عمرو ماواحد يتجرأ يلمسك
ليار : حبستوني غصبتوني عليكم
زمرد : صاي دوك مش ناقش فيك حاجة وحدة تقدري ديريها و هي تنفدي أوامر و بس
ليار : أوامركم ميمشوش معايا
______
فتح لباب دخل عندو للبيروووو هايج
اسمر :لي عملتوووو بنتك راح تتحاسب عليه و انا اول واحد واقف فوجهاااً
حديد :هدي أعصابك
قاسم : خليه يعمل لي يحب عليه مستحيل تفوت بلاما تتحاسب كل واحد ياخد جزاء ديالو
اسمر :تعدااااو حدودهم
قاسم : قررت نبعدها من هنا
اسمر :  مكاشطريقة وحدوخرة غيرها باه يترباو  ثلاثتهم لي يغلط يخلص
قاسم : دير لي تشوفو مناسب
_______

عند ميسااا
قاعدة فالبيت وحدهاااا غالقين عليها كي العادة غير كي يلحق وقت لأكل ولا لحمام يفتحو عليها ولا كي يجيها فهد ... مدة وهي محبوسة عندهم ضو شمس تشوفو غير من التاقة رجال في كل بلاصة يعسوووو فيهااا
حتي هروب محرم عليها اي غلطة يقتلوها حتي فهد ميقدرش يحميهاااا حتي هو معاهم ضدهاااا
ميسا : قدما حاولت نخرج من هنا مقدرتش لازم نخرج ولا نمووووت محملتش نزيد نريح كثر عندهم محملتش كلما يجي يلمسني نحب نمووووت عفت جسمي نفسي حياااااتي ااااه اااااااااه
علاه خرجت كان خليت فريد يعاقبني احسن من هاد العقاب لي مسجونة فيه هو جدي مستحيل يفرط فيا ماشي كيف هادو كلما يلمسني نحس نفس داق عليا حاولت نمثل عليه انو عاجبني و حبيتوووو باه نوقعووو و نخرج من هنا اما منقدرتش أساليبي كلها فشلوووو مخليني هنا عندهم و زيد يدي من عندي وش يحب (تهدر و دموعها عاملين طريق علي خدها : ماما جوااااد عاونوني علااااه خليتوني هناااا عندهم وجعوني بزاف ااا سلكوني منهم لحمي نهشووووه
كل بلاصة قاسها بشفافو  حابة نحرقهاااا منخليش أثر ديالو فيااا  علاش انا ضعيفة ماشي قوية

#نهايات-العشق-/أجساد-بلا-روح