Books Review by Aung Phyo

AVA1740s- Power of Women

ကျွန်​​​တော်တို့ ဇာတ်​ကောင် ''လွီဇာဒီမဲလိုး'' ကို အနီးကပ် ​လေ့လာကြည့်ရ​အောင်။ သမိုင်း​ကြောင်းအချက်အလက်​တွေကို ​ဘေးဖယ်ထားပြီး ဇာတ်လမ်း၊ စာ​ရေးသူ ​ရေးတဲ့ ဇာတ်လမ်းထဲက ဇာတ်​ကောင် ကိုပဲ ကြည့်ရ​အောင်။ သမိုင်းထဲက အ​ကြောင်းအရာ​တွေက အမှန် ဟုတ်ချင်မှလဲ ဟုတ်မယ်။ ဝတ္ထု အ​နေနဲ့ ခံစားပြီး ဖတ်ကြည့်ရ​အောင်။

ဒီစာအုပ်ထဲမှာ အဓိက ဇာတ်​ကောင် ''လွီ'' နဲ့ ချိတ်ဆက်ပြီး အ​ကြောင်းအရာအဖြစ်အပျက် အားလုံးကို ဆွဲ​ခေါ်သွားတာကို ​တွေ့ရတယ်။ ဖာသာ နာ​ရေနီ နဲ့ လက်ျာဗိုလ် တို့ အတွဲ ချစ်ကြိုက်တာကို ​ဖော်ပြတာမျိုး၊ ဂမုန်းက ​မောင်သာလှ ကို သ​ဘောကျ​နေတာမျိုး ​သေး​သေး​လေး​တွေကို ​တောင် 'လွီ' ကို ချိတ်ပြီး စာ​ရေးသူ ​ပြောပြသွားတဲ့ Storyက သိပ် သ​​​ဘောကျစရာ​ကောင်းတယ်။

စာအုပ်ထဲမှာပါတဲ့ ဇာတ်​ကောင်​တွေ အကုန်နီးပါးကို တစ်နည်းမဟုတ် တစ်နည်းချိတ်ဆက်​ပေးထားတယ်။ ချိတ် အကုန်နီးပါးကလဲ 'လွီ' ဆီကို  ဒါမှ မဟုတ် 'လွီ' က​နေတဆင့် ဆက်သွယ်​ထားတယ်။ အင်းဝ၊ ဟံသာဝတီ မှာဖြစ်ပျက်သမျှက 'လွီ' နဲ့ ကင်းလွတ်ခြင်းမရှိ​အောင်ကို စာ​ရေးသူက ဖန်တီးပြီး တည်​ဆောက်ထားတယ်။ ထိပ်ဆုံး အဆင့် ဘုရင်က ​နေ ​အောက်ဆုံး က ​​ထောင်ဝန်ထမ်းအထိ၊ မဟာဆီမဟာ​သွေးပါတဲ့ မင်းသမီးကြီး ကနေ ပြည့်တန်ဆာ မိန်းက​လေး အထိ သူမ နဲ့ ဆက်စပ်​ပေးထားတယ်။

Character Developmentကို ​လေ့လာမယ်ဆို နမူနာစာအုပ် ​ကောင်းတစ်အုပ်ပါ။ ​​ရှေ့မှာ ထွက်ပြီးတဲ့ TGOY နဲ့ TGFMထက် ပိုပြီး ကြိုက်နှစ်သက်တဲ့ စာအုပ်ဆို မမှားပါဘူး။ ကိုယ်တိုင်ကလဲ သမိုင်း​ကြောင်းကို နှစ်သက် သ​ဘောကျတဲ့ သူမို့လဲ ဖြစ်တာ​မို့ပါ။ ဓါး​တွေ၊ လှံ​တွေ၊ မြင်း​တွေ၊  ဆင် ​တွေ နဲ့ တိုက်ကြတာကို သ​ဘော​တွေ့တယ်။ စိတ်ကူးယဥ်လို့ ​ကောင်းတဲ့ အ​ကြောင်းအရာ​တွေ​ပေါ့။ ဆင် ​တွေ သုံးပြီး စစ်တိုက်တာ အာရှ မှာပဲရှိတယ်။ စစ်ပွဲ ​တွေ အကြီးကြီးတွေ မျှော်လင့်ထား​ပေမယ့် ဒီစာအုပ်က မိန်းက​လေး တစ်​ယောက် အ​ကြောင်း​လေ။

အင်းဝ သူ ​​ပေါ်တူဂီမ​လေး ''လွီဇာဒီမဲလိုး'' မှာပေါ်တူဂီ​ ​မြေကို ပြန်ရဖို့ အတွက် အိမ်မက်တစ်ခုရှိတယ်။ ​သို့​သော် သူ​ခေါ်သွားမယ့် သူ​တွေကို ပြန်ကြည့်ရင် အင်းဝ ​မြေမှာ ​မွေးလာတဲ့ ​ပေါ်တူဂီ​တွေချည်းပဲ။ သူကိုယ်တိုင်သည်ပင် မျိုးဆက် ၃ ခု​မြောက်ရှိ​နေပြီ။ ဇာတ်လမ်းတစ်​လျှောက် သူ့မှာ စိတ်ပျက်စရာ​တွေ အများကြီး၊ ​လောကဒဏ် ​တွေ အများကြီး ဖြတ်​ကျော်ခဲ့ရတယ်။ သူ့အိမ်မက် တစ်ခုတည်းကသာ သူ့ကို ရှင်သန် ​စေဖို့၊ သန်မာ​စေဖို့ ခွန်အား​တွေ ဖြစ်​စေခဲ့တယ်။

အင်းဝ မှာ အရက်ဆိုင်​သေး​​သေးက​​လေးဖွင့်ထားရာက​နေ ဟံသာဝတီ နိုင်ငံ တည်​ထောင်သူထဲတွင် ပါဝင်သူအဖြစ် တိုးတက်လာ​သော  လွီ ရဲ့ ဇာတ်​ကောင်စရိုက်က အထင်ကြီးစရာပါ။ သူဒီလို ဖြစ်လာဖို့ သူ​ကျော်ဖြတ်ခဲ့ရတာ​တွေ၊ စွန့်လွှတ်​ခဲ့ရတာ​တွေ အများကြီးမှ အများကြီးပါပဲ။ အထူးသဖြင့် အင်းဝ သူ မဟုတ် ဗမာ မဟုတ်တဲ့ ပတ်ဝန်းကျင်မှာ ရုန်းကန်ရတာ သူ့အတွက် မလွယ်ကူခဲ့ပါဘူး။

ဖတ်​နေရင်း နဲ့ လွီ ​နေရာကို ဝင်ကြည့်မိတယ်။ အရမ်းကို ပင်ပန်းလွန်းလှတယ်။ နိုင်ငံ​ရေးစနစ်​တွေ၊ အကျင့်ပျက်ခြစားမှု​တွေ၊ လူမှု​ရေးပျက်ပြားမှု​တွေ ကြားထဲက မိန်းက​လေးတစ်​ယောက် ကို မြင်​ယောင်ကြည့်လိုက်တယ်။ စာ​ရေးသူ ​ပြောချင်တဲ့ မိန်းက​လေးတစ်​ယောက်က ဒီလို အခက်အခဲ​တွေကြားထဲက​နေ ရုန်းထွက်ပြီး ရှင်သန်​နေရတယ်။ ​ခေတ်စနစ်ကြားထဲမှာ​ ​မြောပြီးလိုက်ပါ​နေရတယ်။ သူ့အတွက် အနိမ့်ဆုံး အ​ခြေ​နေမှာ​​တောင်တခြားသူကိုကူညီ ​ပေးနိုင်တယ်။

အချစ်​ရေးမှာဆို သူချစ်ရတဲ့သူ၊ သူ့ကို ချစ်တဲ့ သူ၊ သူ့ကို လိုချင်တဲ့ သူ​​တွေထဲမှာ  သူချစ်ရတဲ့သူကို ​ရွေးချယ်ဖို့​တောင် ကံက အခွင့်အ​ရေး မ​ပေးလိုက်ဘူး။ Season 2 မဖတ်ရ​သေးလို့လဲပါမှာပါ။ ထိပ်ဆုံးက​နေစပြီး အကျင့်ပျက်​​နေတဲ့ တိုင်းပြည်က သူ့ကို နာကျင်စရာ အမှတ်တရ​တွေချည်း ​ပေး ​နေတာမို့ ဒီမှာ သူဘယ်လိုများဆက်​နေနိုင်မလဲ။ ​နောက်ဆုံး အင်းဝ မြို့ကြီး ပျက်စီးတဲ့အချိိန် လွီ သည်လဲ သူချစ်ရတဲ့ သူရင်ခွင်မှာ ​နေနိုင်​စေချင်တယ်။

ဒီထဲမှာ သ​ဘောကျတဲ့ စာစုတစ်ခုရှိတယ်။ ''သန်မာပြီးသားသူ​တွေက ဝင်ရုန်းကန် မ​ပေးရင် ရုန်းကန်​​နေရတဲ့ သူ​​တွေသန်မာလာတဲ့ တစ်​နေ့ကို ​ရောက်လာလိမ့်မယ်။ အဲ့ဒီကျ နင့်ရဲ့ တာဝန်မဲ့မှု အတွက် နင်အရှက်ရလိမ့်မယ်။'' စာအုပ်​တွေက ​ခေတ်စနစ်ကို ပုံ​ဖော်တဲ့ ​နေရာမှာ အလှပဆုံး​သော အရာကို ဖန်တီး​ပေးနိုင်တယ်။  ဒီစာအုပ်က ဖတ်တိုင်းရိုးသွားမှာ မဟုတ်တဲ့ စာအုပ်တစ်အုပ်ပါ။ စာ​ထဲမှာ လူ​တွေရဲ့ Ego​ တွေ အများကြီး ​တွေ့​နေရတယ်။ ဖတ်​နေရင်းက မှန်တစ်ချပ် ကြည့်​နေရသလိုပဲ။ တက်နိုင်သ​လောက် ရုန်း​ပေးကြရ​အောင်။

#BbH
#AVA1740s
#aungphyo
#review
#books