عيونها بلد وانا كل سكانها

8

                         #عيونها_بلد_وانا_كل_سكانها

« بعد مرور اسبوع »
كان هالسبوع ثقيل على الينّا مو مستوعبه فقدان ابوها كانت تتمنى ماترجع وتعيش شعُور الفقد ولكن كلشي مقدر ومكتُوب لازم ترضى بالامر وتتعود على فقدانه كانت حابسه نفسها بالغرفه ولا لها خلق تشوف احد حتى امنعت نفسها من الكل وتمنت هي الي ميته بدل ابوها ناظرت الباب من دق واُردفت بصراخ : اتركوني بحالي يعني مارتاح حتى ، هُذام : فكي الباب يالينّا بكلمك بخصوص ابوي ، فزت من طاريه وهي تفتح الباب بسرعه دخل وبايده صينيه ملئيه بالاكل الي تحبه ، هُذام : تعالي
تربعت على السرير وهي تغطي نفسها بالبطانيه: اخلص تكلم ، هُذام : افا تطرديني ؟ شوفي لوين وصلت حالتك ارحمي روُحك مايصير ترا البنات مشتاقين لك عرسي مابقى عليه شي حتى ماتبين تكونين موجوده فيه ؟
الينّا : هُذام انا بفهم انت عديم مشاعر ؟ ابوك متوفي وانت تبي تعرس على الاقل اجل العرس !
هُذام تنهد وهُو يمسك ايدها : كنت اتمنى اجله بس ابوي طلع كاتب وصيه طلع الورقه وهُو يعطيها : شوفي ، سحبت الورقه وهي تقرأ
" حاب اكتب وصيتي لا ابنائي قبل مايجي اليوم الي بموت فيه هُذام انتبه لا اختك كويس حطها بعيُونك لاتزعلها علمها الصح من الغلط حاول تخفف عن حزنها صير لها الاخ والاب والام وانتبه لا نفسك وعرسك ابيك تسويه بموعده لا تاجله انا ماني مضمن هل بكون متواجد فيه او لا واتمنى تكون قلوبكم على بعض واتمنى رسالتي توصلكم " نزلت دموعها وهي تمسحها بكُم التشيرت ، حضنها هُذام وهُو يمسح على راسها ويقبل عيُونها : مابي اشوف دموعك يالينّا
الينّا ابتسمت بخفه : ابشر ، هُذام : يلا امشي البنات ينتظرونك بنطلع ، الينّا : تمام ببدل ...
-

طلعت بعد حبسانها لنفسها وحضنوها البنات بشُوق ضربتها هتان : وحشتيني يازق وانتي حابسه نفسك ، الينّا : اكثر والله
هُذام : خلاص امشو مو وقتكم ، طلعو وهُم يتمشون اُردف نايف : ياعيال شوفو الحديقه الي هناك حلوه ، هتان غمزت له : حلوه حلوه ولا عشان صاحبة الورد اعترف عادي ترا اساعدك
نايف : هتان اسكتي لا اكفخك ، هُذام : جرب المسّها اكسر يدك ، نايف : يمه خفت امشو بس ، وصلو للحديقه وهُو ناظرهم : بروح اجيب ورده لا هتان احد يجي ، هتان : واضح لي روح روح ، مشى وهُو يتقدم لها : على كم الخمس ؟ ، غسق: خمسه بـ 25 ، نايف : تمام عطيني ياهم ، طلعتهم وهي تمدها له : تفضل
تقدم اكثر وهُو يقبلها دفعته وهي تضرب صدره وبصراخ : سلامات خير خييير !!!!
نايف وهُو يضحك : شفيك اسكتي فضحتنا ذي
غسق : اي اي بفضحك ياناس تعالو شوفو عملته ، جو البنات والعيال ركض واُردفت هتان : سلامات شفيه !!! ، غسق : ذا الوسخ باسّني ، غسان بضحكة : وشو
نايف : والله انا الي بقدم شكوى ذي ضربتني ياعيال ، غسق بانفعال : عشان مره ثانيه يابلاير ماتمشي وتبُوس ناس ماتعرفهم !!!
نايف : كيف ماعرفك !!! ، كمل وبكذب : انا بسّتك لأني شبهتك بوحده
غسق وهي تحاول تفك نفسها من البنات : شبهتني بوحده ؟ اشك انك اعمى روح افحص اجل عشان ماتمشي وتبُوس خلق الله !!
نايف : اقول اسكتي بس مانيب ميت عليك
غسق : ياربي بيجنني توه باقي يتكلم فكونييييي!!!!! خلوني اضربه وجع ان شاء الله
نايف ببتسامة : تمام تمام وعد مابُوسك مره ثانيه ، غسق : توه يقول بابُوسك ناظر لي فكوني انتم !!! ، ريـف : الله الله ناس ماتنعطى وجهه ماعليك منه اعذرينا وامسحيها بوجهي شكله مكثر مسلسلات الاخ ، فارس : انتِ اسكتي لا تتكلمين لانو مالك دخل ، ريـف : انا مالي دخل ؟ ، فارس : نعم مالك دخل اطلعي منها
خلعت شوزها « تكرمون » وهي ترميه عليه وتتقدم له وتمسك شعره وتجره اما البنات كانو يعززون لها وغسق مازالت تتهاوش مع نايف وسرا الليل وهُم ماسرو ...
-