عيونها بلد وانا كل سكانها

13

#عيونها_بلد_وانا_كل_سكانها

« بعد مرور اسبوع بدون احداث مهُمه »
دخل سعُود للقصر وهُو منبهر منه كان القصر بقمة الجمّال ! ابتسم بخفه : جعله خير لي هالزواج طلع من القصر وشاف اهل الينّا وصلو وهُو طلع عشان ياخذون راحتهم دخلت ريـف وشهقت من جمال القاعه : مالومك يوم وافقتي
جمال وذوق واحترام حتى لما جينا طلع علطول
الينّا : وش الي مالومك لاتنسين اتفاق بينا
ناديـن ابتسمت : اتفاق وبعدين ينقلب زواج صدق نفس ماصار لي انا وغسان ، الينّا ابتسمت : اذا هو رجال وغير عن اخوه ليش اقول شي ، ريـف : مفضوحه مفضوحه ترا
الينّا : ريـف والله كف امشو فوق
-بالليل بدأت القاعه تمتلي من الضيوف وام هتان وام هُذام هُم اللي كانو يرحبون بالضيوف نزلو البنات وكل وحده طلتها مُختلفه وحلوه
ناديـن كانت لابسه فستان ازرق ومسويه ويڤي وحاطه ميكب خفيف جداً ، ريـف كانت لابسه فستان احمر من فوق ماسك على الجسم ومن تحت فيه نفشه خفيفه ، ألين كانت لابسه فستان اصفر قصير وفيه نفشه ، غسق كانت لابسه فستان فوشي وفيه نفشه ومطلع طلتها حلوه خصوصًا انها قصيره بداو يسلمون على اللي يعرفونهم وجلسو ريـف : بنات شكلي زين؟
ألين : ماشاء الله اول مره اجي عرس كل ناسه حلوين ، ريـف : اي حنا مانتشرف الا بالحلوين
نادين ضربتها بخفه : اقول اهجدي
-بوقت زفة الينّا عدلت شكلها ورشت من عطرها اخذت المسكه الي كانت فيها الوقو صورة ابوها ساعدتها وحده من المُشرفات بأنها تمشي وقفت عند الباب واشتغلت الزفه وبدا الباب ينفتح بهدوء والناس كانو منبهرين من طلتها اللي تفتح النفس بدأت تدخل بخطواتها اليمين وتمشي بهدوء لحتى وصلت على الكوشه استقبلوها هُذام وعمها وسعود
وقفت بينهم وبدات المصوره تلتقط لهم صور
فجاء اشتغل صوت وكانو منصدمين كانت تقول " اول شي حابه ابارك لا روحُي وحبيبة قلبي الينّا عسى ايامك هنيه والله يبارك لك ويسعدك بهالعرس حبيت اسوي لك مفاجاء بسيطه واتمنى تعجبك وتعجب جميع الحضور التفتو للباب " التفت الكل ودخلت بطلتها الي الكل جالس يتكلم فيها وانها غطت على الينّا ! حركت شعرها القصير بغرور وهي تتقدم لهم ! ...
-

التفت الكل ودخلت بطلتها الي الكل جالس يتكلم فيها وانها غطت على الينّا ! حركت شعرها القصير بغرور وهي تتقدم لهم ! حضنت الينّا الي كانت مصدومه اُردفت ببتسامة : وحشتيني قبلت راس ابوها رُغم انها شايله بخاطرها عليه وصدت عن هُذام جاء بيمسكها بس اوقفته ايد ابوها الي انمدت لا ايده وهو يناظر له بحده ، مسحت دموعها ريـف وهي تركض وتحضنها بقوة : اشتقت لك !
ابعدت هتان وهي تمسح دموعها بانمالها: شوفيني جيت راح اخليك تنامين عندي لأجل تروين شوقك شتبين بعد ، ريـف ابتسمت وهي تمسح دموعها : ابيك ، تقدمت امها وهي تحضنها بادلتها الحضن وهي تقبل راسها
علياء : عانينا بفراقك يابنتي لعد تتركينا
هتان تلاشت ابتسامتها: انتو اللي خليتوني اتركم
علياء : ماعليه الحين عرس اختك لاتخربين فرحتنا فيها ، هتان : تمام بطلع اجيب الهدايا واجي ، علياء : تمام ، مشت وانظارها على الضيوف وتتبسم طلعت ولحقها هُذام وهُو يمسك ذراعها ويسحبها لورا القصر : هتان
هتان عضت شفتها بقهر : هُذام ابعد عني !
هُذام بندم: هتان خليني ابرر لك !
هتان : مافي شي ينقال كل شي انتهى ! استوعب الي سويته قبل تجي تكلمني استح على وجهك هُذام لك وجهه جاي تكلمني بعد كل اللي سويته ! هُذام : هتان صدقيني اني ندمان ماكنت ادري انها كذابه ! ، هتان بكُره : ليتني مت ولا شفت وجهك تركته وهي تاخذ الاغراض وتدخل شد على معصم ايده بقهر وهُو وده يصرخ من القهر دخلت وشافت نايف بوجهها نزلت الاغراض وهي تحضنه ؛ اشتقت لك نوفي
نايف : الله يسامحك بس نوفي ! صديقتك انا؟
هتان ضحكت بخفه : شدعوه نوفي ترا الدلع حلو ، نايف : اقول بطلي بس ويلا ادخلي ترا وحشتينا ، هتان : مو كثري والله يلا امش
ركبت على الكوشه وهي تحط الهدايا على الطاوله مسكت ايد الينّا وهي ترقص معاها
والبنات كانو فرحانين واهل هتان وكان الحياة رجعت لهم ، بعد ماخلص العرس والكل رجع مابقى الا هُذام وهتان الي ورطتهم ريـف وقفلت عليهم باب القاعة !
-