عيونها بلد وانا كل سكانها

9

                          #عيونها_بلد_وانا_كل_سكانها

سحبت جوالها وهي تطلع للحُوش والتفتت من مُنادات غسان لها : نادين ، نادين : نعم ؟
غسان : حددت موعد زواجنا وبيكون مع هُذام وهتان ، نادين : وطيب؟ وش المطلوب؟
غسان : قلت اخبرك يمكن ناقصك شي؟
نادين : اف تعكر مزاجي بثواني ياشين طاري هالعرس تكفى غسان مابي عرس حفله هنا وانتهى فاهمني؟ عرس مابي ، غسان : نادين !
نادين وهي تناظر الجوال : همم ، غسان : انتي جالسه تحاولين تكرهيني فيك بس احلمي!
نادين رفعت نظرها له واُردفت : اوكي بحلم مشت بغرور وبعدم اهتمام له وهي تدخل
-عند الينّا فتحت جوالها وهي تشوف عُدت رسائل واعتذارات من سطام عطته بلوك وهي ترمي الجوال على السرير وتنزل: بنات ماودكم نطلع ؟ ، هتان : اذا غسق ودها تم ها شقلتي ؟
غسق ناظرت نايف ثُم البنات : مادري ماني متعوده اطلع مولات او كوفي ف مرتاحه هنا
العهد : تبين اصطرك ؟ والله لاتفوتك بتعجبك
غسق : بس ماحب ، نايف : خلاص اتركوها قالت ماتحب ، هتان : اجل حتنا مراح اروح
نايف مسك جواله وهُو يرسل لها تلحقه فوق
-فوق دخلت الغرفه ودخل وراها وهو يسكر الباب : مراح تروحين لانك خايفه من الناس؟
غسق : مو سالفة خوف بس ماحب احد يشوفني ، نايف تنهد : ياغسق ياروحي انتي صدقيني هنا مو زي القريه هنا الناس فاهمه ويعني مايمشون ويقطون الكلام زي القريه وبعدين البسي لبس طويل وعبايه وخلاص
غسق : ماعندي ملابس طويله ، تقدم من الكبت وهُو يفتحه ويطلع بنطلون اسود وتيشيرت ازرق طويل الاكمام وشرابات وبُوت
« تكرمون » اعطاها واُردف : روحي البسيهم يلا ، دخلت دورة المياه وهي تلبس وطلعت وهي تاخذ العبايه والطرحه وتحطها على راسها حطت شوي مسكرا وتنت ، نايف بغيره : لازم ميكب؟ ، غسق ؛ اء عادي بس مسكرا وتنت
نايف : تمام
-

بعد ماطلعو من البيت متوجهين للمول نزلو وكانو العيال معاهم دخلو للكوفي وجلسو على طاولة كبيرة جاهلين ان فيه احد يراقبهم جلسو نايف سحب المنيو وهُو يسأل غسق وش تشرب : غسق وش تحبين تشربين تبين V60 ؟ ، غسق : اء اي شي عادي على ذوقك ، نايف : تمام طلب وكانو البنات يتبادلون الحديث وغسق تناظرهم والعيال نفس الشي
الينّا : انا بروح دورة المياه شوي واجي استوقفت وهي تمشي وجت بتدخل بس بحركه سريعه انسحبت وهي تدخل دورة مياه العيال ناظرت له بصدمه : شجابك!!
سطام : الينّا اعطيني مجال اتكلم معك !
الينّا : سطام معد بينا شي معد يجمعنا شي !
وش باقي تبي فيني ، سطام : ابيك اي ابيك لاتناظريني كذا يالينّا انا حبيتك وخالقي حبيتك افهمي كنت غبي لمًا سويت هالحركه معك بس صدقيني ندمااااان قد شعر راسي !
الينّا دفعته ودموعها تنزل : وش بيفيد الندم والاسف وكل هالخرابيط ؟ ماتتكلم !!!! انت زرعت فيني الخوف من العيال صرت اخاف احد يلمسني او يقرب مني حتى لو اعرفه كله بسببك انت !!! انت دمرتني ياسطام ومستحيل نرجع لبعض مره ثانيه سحبت شنطتها وهي تطلع ضرب بايده على الباب بقهر وهُو يسند راسه
-