وقفنا البارت اللي فات لما خالد راح اخد رزان من بيت اهلها و حاول يكلمها بس هي تجاهلته
_____________٭______________٭____________
« بعد مرور اسبوع »
ادم وحياة خلصوا حاجات الخطوبه و كانوا مبسوطين جدا
خالد بيتجاهل ناهد خالص وهي فرحانه لان مخليها تخرج براحتها مع عمار مستغله انشغالهم ف خطوبه ادم و حياة
رزان لسه مش بتكلم خالد وزعلانه بسبب الكلام اللي قاله وجرحها بيه و كانت بترد عليه ف اضيق الحدود خالد كل يوم يروح يبات عند رزان وبيحاول يصالحها بس برضو مش بتكلمه
_____________٭______________٭______________
« يوم الخطوبه »
خالد واقف مع ادم قدام البيوتي سنتر
خالد ابتسم و قال : مبروك ي عريس خليك كدا بقا هدخل اجيب حياة
ادم ابتسم و قال : الله يبارك فيك ي صاحبي عقبال لما المدام تحن عليك و غمزله
خالد ابتسم و قال : ياريت هدخل انا بقا و دخل ل حياة و قال : مبروك ي حبيبتي
حياة ابتسمت و قالت بخجل : الله يبارك فيك ي ابيه
خالد ابتسم وبص علي رزان اللي واقفه جنبها و منعت نفسها بصعوبه انها تبص ليه و قال ل حياة بضحك : يلا عشان ادم لو مطلعتش هيدخلنا هو
حياة ضحكت بخجل و قالت : يلا
خالد مسكها و طلع ل ادم و قال : خلي بالك منها ها
ادم ابتسم و بص ل حياة بحب و قال : دي ف عنيا ي خالد هتوصيني ع روحي و مسك ايد حياة و ساعدها ف ركوب العربيه الخاصه بيهم و بصلها و قال : ايه القمر دا بس
حياة ابتسمت بخجل و قالت : بس ي ادم
ادم ضحك و قال : ع فكره هبقا جوزك كمان نص ساعه
حياة ابتسمت و قالت : لما بقاا
ادم ضحك و قال : ماشي ماشي ي سيتي اتقلي براحتك
____________٭______________٭_____________
« ف البيوتي سنتر »
خالد داخل يجيب رزان لقاها بتجيب حاجتها هي و حياة و راحلها و مسك أيدها و باسها و قال : زي القمر
رزان بصتله و قالت بهدوء : شكرا و شدت ايدها من غير ما حد يلاحظ و طلعت برا و خالد اتنهد و طلع وراها
و اول ناهد شافتهم راحت اقعدت ع الكرسي اللي جمب خالد لان هو اللي هيزف ادم و حياة
رزان بصتله و قالت بهدوء : انا رايحه اركب مع ماما سميه عن ازنك و راحت ركبت جمبها من غير ما تسمع رده و كانت مضايقه
خالد اضايق و ركب وبص ل ادم و قال : مبسوط انت صح
ادم ضحك و عرف انو متنرفز و قال : طبعا ي باشا مبسوط حبيبتي جمبي هعوز ايه تاني و غمزله عشان يغيظه ان رزان مش معاه
خالد اتغاظ وفهم هو قصده ايه و قال : طب اسكت بدل ما اخدها منك
ادم ضحك و قال : متقدرش ي صاحبي دي هتبقا مراتي خلاص ان شاء الله و يلا بقا خلص عايز اكتب الكتاب
أنت تقرأ
نبضات قلب
Romanceاول نضة قلب كانت لها هي و لكنه يكابر كان يعتقد ان حبه الحقيقي ناحية المرأه الاولى ف حياته و لكنه اكتشف ان نبضات قلبه كانت لها هي فقط فهل يستسلم و يقتنع بذلك ام لا ؟!
