نبضات قلب

بارت 22 ♥️

وقفنا البارت اللي فات لما خالد و قمر اتكلموا مع بعض
____________٭_____________٭______________
« تاني يوم الصبح ف فيلا ادم و حياة »

ادم واقف قدام المرايا بيسرح شعره و بيجهز نفسه للشغل لقى حياة داخله الاوضه و واقفه وراه

ادم ابتسم و قال بحب : صباح الخير ي حبيبتي ايه اللي صحاكي بدري

حياة ابتسمت و راحت لفت ايدها حولين رقبته و قالت بدلال : دومي حبيبي

ادم بصلها و رفع حاجبه و قال ب استنكار : ربنا يستر دومي و حبيبي و ع الصبح يبقا ف حاجه

حياة بصتله بحده و قالت بعتاب : انا كدا برضو ي ادم

ادم ضحك و قال : لا ي حبيبتي اطلبي اللي انتي عايزاه

حياة ابتسمت برضا و قالت بخفوت : كنت عايزاك تجيبلي حاجه و انت جاي

ادم ابتسم و حاوط خصرها و ضمها ليه و قال بحب : حاجة ايه ي روحي

حياة بصتله و قالت ببراءه : عايزه رنجه و فسيخ

ادم بصلها بصدمه و قال : نعم ياختي و من امتى انتي بتحبي الحاجات دي

حياة بصتله و قالت بضيق : ف ايه ي ادم عايزه رنجه و فسيخ بقالي كام يوم شماهم

ادم بصلها بشك و قال بفرحه : انتي بتتوحمي ي يويو و لا ايه

حياة بصتله و قالت : بتوحم ايه ي ادم حاجه و نفسي اجربها عادي يعني اجرمت مثلا

ادم قال ب اصرار : لا بتتوحمى يلا عشان نروح للدكتور و نطمن دا انتي بقالك فتره مش طيقاني و لا طايقه حد خالص

حياة بصتله و قالت بغباء : انا بقيت كدا بجد

ادم بصلها و قال بسرعه و هو يدفعها بخفه نحو غرفة الملابس : ااه ااه يلا اللبسي عشان نروح للدكتور

حياة بصتله و قالت بضحك : ي مجنون اهدى طب و شغلك

ادم ضحك و قال : مش مهم يلا بس خالد هنااك

حياة ضحكت و راحت لبست بنطال جينز و بلوزه بيضاء طويله و طرحه سوداء و طلعت و قالت : يلا

ادم ابتسم و حاوط كتفها و قال : يلا

و نزلوا ركبوا العربيه و راحوا للدكتوره اللي رزان كانت متابعه عندها و ادم حجز كشف و كان متحمس و اقعد جمبها مستني دورهم و بعد شويه دخلوا للدكتوره

الدكتوره قالت ببتسامه : خير ي جماعه

و ادم قال ببتسامه : كل خير ي دكتوره احنا شاكين ان حياة حامل و عايزين نتأكد

الدكتوره ابتسمت و قالت : طب تعالي ع السرير ي حياة

حياة قامت بتوتر و بتتمنى انها تطلع حامل و نامت ع السرير و الدكتوره بدأت تكشف عليها و قالت ببتسامه : واضح ان شككوا صح المدام حامل ف الشهر الاول