نبضات قلب

بارت 21 ♥️

وقفنا البارت اللي فات لما رزان ولدت و جابت بنوته و كلهم فرحوا و ادم راح يجيب مامتها
_____________٭_____________٭______________
« في اوضة رزان »

رزان كانت نايمه تحت تأثير المخدر و خالد قاعد جمبها و ماسك ايدها بحب و باسها بحنان و كل تصرفاته معها جديده تماما عليه يعيشها للمره الاولى ف حياته رغم انو كان مقتنع و بشده حبه ل ناهد و لكن مع رزان كل شئ يختلف حتى شعوره نحوها فهي الحب الاول الذي يغزوا قلبه ليستعمره و لا يطالب بحريته ابداا و هي نبض قلبه

بعد شويه رزان بدأت تفوق و قالت بتعب : خ خالد

خالد بصلها و قال بلهفه و حب : انا هنا ي حبيبتي انتي كويسه

رزان فتحت عنيها و هزت رسها و قالت بهمس و صوت مبحوح : الحمدلله

خالد ابتسم و قال : خليكي زي ما انتي ي حبيبتي هنادي الدكتوره

و راح نده الدكتوره و لما دخلت و كشفت عليها و قالت ببتسامه : حمدالله ع سلامتك ي رزان انتي بقيتي كويسه هتقعدي بس و هتروحي بكرا عشان متتعبيش و شويه كدا و تبدأي تقومي تتمشي شويه

خالد ابتسم وملس علي شعر رزان و قال : مفيش حاجه تقلق عليها ي دكتورة

الدكتوره ابتسمت و قالت : لا هي كويسه جداا و الجرح كويس بس شويه كدا و ترضع البنوته و تقوم تتمشى شويه

خالد ابتسم وقال : تمام ي دكتورة
الدكتوره ابتسمت و استأذنت و مشيت

حياة و سميه اللي كانت شايله البنت و قربوا و قالت الاخيره بحنان : حمدالله ع سلامتك ي بنتي

رزان ابتسمت بخفه و قالت بتعب و خفوت : الله يسلمك ي ماما عقبالك ي حياة

حياة ابتسمت و قالت بمرح : ان شاء الله ي احلى مامي هتسموها ايه اكيد حياة ع اسمي

خالد ابتسم و قال : مامتها اللي تسميها هي اكتر حد ليها حق في كدا ..... و بص ل رزان و اكمل حديثه : ها هتسميها ايه

رزان ابتسمت بتعب و بصتله بحب و حياة قالت بمرح : ي سيدي ي سيدي ع الحب ... الحب ولع ف الدره ي جماعه هنا فينك ي زوجي العزيز اقعد احب فيه شويه كدا هيجيلي جفاف عاطفي منكوا

كلهم ضحكوا و رزان وشها احمر بخجل و سميه ضربتها ع كتفها بخفه و قالت بضحك : ي بت اتلمي و اسكتي شويه

خالد ابتسم و قال بهمس و حب : حبيبتي اتكسفت ولا ايه

رزان ابتسمت بخجل و قالت بتعب : بس ي خالد و كملت : طب هاتوها عايزه اشوفها

سميه قربت منها وقالت : اهي ي حبيبتي خديها و بصت ل خالد و قالت اعدله‍ا ي خالد

خالد ابتسم و قرب منها و عدلها بحنان و كانت تتألم بسبب الجرح و سميه قربت و حطتها بين ايديها