وقفنا لحد ما ما ناهد و حياة اتصدموا من جمال رزان و تعامل خالد مع ناهد الحلو و تجاهل خالد ل رزان
_____________٭________________٭____________
سميه ابتسمت و قالت : زي القمر ي حبيبتي مبروك ي عروسه
رزان نزلت وشها بخجل و قالت : الله يبارك فيكي شكرا لحضرتك
سميه قالت بحنان : لا حضرتك ايه انا ماما
رزان بصتلها ببتسامه و اطمنت ليها رغم خوفها من كلام ناهد انها مش كويسه ف التعامل و قالت بخجل : حاضر
سميه ابتسمت و قالت : طب تعالي بقا جنبي هنا
رزان ابتسمت بخجل و راحت اقعدت جمبهاا
و حياة راحت اقعدت جمبها و قالت بمرحها : الف مبروك ي عروسه بس ايه القمر دا لا احنا شكلنا هنبقا اصحاب اوي انا حياة و مدت ايدها ببتسامه
رزان ابتسمت و مدت ايدها هي كمان و قالت بخجل : الله يبارك فيكي اكيد دا يشرفني انا رزان
حياة ابتسمت و قالت : اسمك حلو اوي شبهك ي رزان يا بخت ابيه خالد بيكي
رزان ابتسمت بخجل و بتداري حزنها و قالت : شكرا ي حياة
حياة ابتسمت و قالت : انتي ف سنه كام شكلك صغيره
رزان بصتلها ب احراج و قالت : احم لا ا انا مكملتش انا خلصت ثانوي عام و جبت فيه 98 ٪ بس بابا مخلنيش اكمل
حياة بصتلها و قالت : انا اسفه مكنتش قصدي اضايقك
رزان قالت بسرعه : لا لا متزعليش انا مضايقتش خالص
حياة ابتسمت و لسه هترد ناهد قالت بكلام لازع : و انتي كمان مش متعلمه
رزان سكتت بخجل شديد و استنت خالد حتى يدافع عنها بس متكلمش خالص رزان اتحرجت اكتر و سميه قالت بجديه : نااااهد ف ايييه و بصتلها بتحذير و ناهد بصتلها بضيق و سكتت
و سميه بصت ل خالد بتحذير و ضيق شديد انو يعاملها حلو
خالد فهم و نده الخدامه و قال بجديه : جهزي غدا وشوفيهم يشربوا ايه
سميه قامت و قالت بجديه : لا ي حبيبي مينفعش انتو عرساان احنا هنمشي مش عايزين نضايقكوا
خالد بصلها وقال : لا طبعا اقعدي ي ماما
سميه ابتسمت و قالت : لا ي حبيبي مينفعش اطمنت عليكوا و هنمشي
و قامت هي و حياة و ناهد اللي كانت هتموت من غيرتها من رزان بسبب جمالها و قربت من خالد و حضنته بدلع و جراءه خالد كمان حضنها بشده و كان قدام رزان اللي اتحرجت و عنيها جت ف عين خالد بس نزلت وشها و حست انها خطفته من مراته و سميه اضايقت من اللي عملوه و طلعوا كلهم برا و لما ناهد و حياة ركبوا العربيه
سميه بصت ل خالد و اخدته ع جمب و قالت بصرامه : ايه اللي انت عملته جوا دا ي خالد اول ما شوفت ناهد حضنتها و مراتك نزله و لا كأنها عروسه و المفروض جوزها يقدمها ل اهله لا انت سايبها و هي متعرفناش و ماسك ف مرااتك و هي بقت واقفه محرجه و حتى و احنا ماشين برضو حركاتكوا مش حلوه قدامها دي بني ادمه ي خااالد البنت واقفه و حاسه انها اخدتك من مراتك و بقت واقفه محرجه و عنيها دمعت اهتم بيها زي ناااهد ي بييه
أنت تقرأ
نبضات قلب
Roman d'amourاول نضة قلب كانت لها هي و لكنه يكابر كان يعتقد ان حبه الحقيقي ناحية المرأه الاولى ف حياته و لكنه اكتشف ان نبضات قلبه كانت لها هي فقط فهل يستسلم و يقتنع بذلك ام لا ؟!
