Sa mundo ng kathang isip,
Nabuo ang samahang Diwata sa daigdig,
Mga Diwatang nagbigay ng Kalayaan sa paligid,
Naghahasik ng kanilang kamandag sa pakikipag laban na kay bagsik..
🍃🍃🍃
♣URDUJA♣
Ang Diwatang pasaway sa kanila,
Di nawawalan ng kalokoh...
Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
'FAIRYLAND'
Napahinto si Ayana, pagkapasok nyang lagusan ng Fairyland.
"Anong nangyayari dito?"
Unang bumungad sa kanya, sila Mayumi at Daenyr, naglalaban na tila di kilala ang isa't isa, Eh! sa pagkakatanda nya magka sintahan ang dalawang ito, nagkahiwalay lang nung mangyari ang matinding digmaan sa Umbra, na naging dahilan ng pagkakahati sa dalawa ng Engkantadya.
"Ahhhh..."
Napatutop sa kanyang bibig si Ayana ng makitang tumalsik si Urduja, malapit sa kanyang kinatatayuan. Sugatan itong dumadaing pagapang sa lupa. Pinipilit nitong makatayo, pero sa tingin ni Ayana, sa natamo nitong mga sugat, hindi na nito makakaya pang tumayo ng mag isa.
"A-Anong...?"
Lalapitan nya sana ito para tulungang makatayo, ng biglang lumitaw si Amihan. At kagaya ni Urduja, sugatan din ito, at tila nanghihina na rin.
"Urduja..! Amihan..! Anong nangyari sa inyo? May sumug- "
Nabitin sa hangin ang katanungan ni Ayana sa kanyang mga kaibigan, ng makita nyang dalawa na patuloy ng naglalaban.. Halos mag patayan ng mga ito sa isa't isa. Ni hindi man lang napansin ang pagtawag at presensya nya, na tila ba hindi sya nakikita ng mga ito.. Na solo nila ang mundo.
Palapit na sya sa dalawa para umawat, ng may marinig syang malamyos na boses na nagpatigil sa kanya.
"Manatili ka lang sa'yong kinatatayuan, Ayana!"
"Huh! Sino yun...?" Napalingap ang tingin ni Ayana sa paligid. Kumunot ang kanyang nuo ng makita ang dalawang Diwata na hindi nya kilala. Kakaiba ang mga kasuotan ng mga ito, ramdam nyang hindi basta bastang mga Diwata lang, parang mas nakahihigit ang mga ito sa kanilang magkakaibigan.
'Sino ang dalawang Diwata na ito? Kalaban bang mga ito o kakampi?'
Napatutok ang kanyang mga mata sa Diwatang nakasuot ng puting mahabang damit, na halos dina nya masilip kahit ang dulo ng mga kuku nito sa paa. May desenyong mga sanga at dahon ang suot nitong damit. Sumasabay sa ihip ng hangin ang mahabang itim na itim nitong buhok.
Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
