Longing Stares (On-going)

13.

Random Fact: Kung hindi pa rin halata, this story is inspired by the Folklore love triangle by Taylor Swift and today we're celebrating its two year anniversary! Hurray!

I have songs dedicated sa mga bida ng storyang 'to:

Puri - August & Seven
Battalion - Betty
Cielo - Cardigan
Gonzalo - Illicit Affairs

Happy two years anniversary Folklore! Enjoy this update!

Gonzalo

"Can you explain to me, kung bakit nagdadalawang isip na ang mga Tejano sa kasal na 'to?"

Nakayuko si Sir Battalion kay Sir Dante. Nakakatakot ang tono ng boses ni Sir sa mga salitang binibitawan niya. Nagtatanong pa lang siya pero nagtataasan na ang mga balahibo ko sa takot at kaba.

Hindi na bago sa harapan ko ang ganitong klase ng pagtatagpo. Sa apat na taon kong pagta-trabaho sa ilalim ni Sir Battalion, madalas nangyayari ito kapag may nagawang mali si Sir o hindi kaya wala sa mood si Sir Dante at palaging si Sir Battalion ang napagbubuntungan.

"Dad, it's not my fault. Sa simula pa lang, ayaw niya naman talaga ng kasal. It's no question na mag-back out sila ngayon," paliwanag ni Sir Battalion.

"Fine, but let me read this latest article for you first." Binuksan ni Sir Dante ang dalang laptop at hinarap sa direksyon namin.

Entitled spoiled brat? Fiancé of the rumored political candidate Battalion Arvante found being rude to the CEO of Palmon Hotel.

Mariing napapikit si Sir Battalion samantalang hindi ko naman mapigilang bilugin ang sarili kong kamao. Hindi totoo ang nasa article, ginagawa lang nilang masama sa mata ng tao si Puri.

Hindi pa nagsisimula ang eleksyon pero may ganito na sila agad na paandar. Binuksan ko ang sariling cellphone at hinanap ang article.

Wala na akong gulat na naramdaman nang mahanap ko ang gumawa ng article at malaman na kakilala ni Marchion Tamillo, ang pinakamatinding kalaban ni Sir Battalion sa pagtakbo niya.

Eh, tuta naman ng mga sindikato 'yang tarantadong Marchion na 'yan. Nagkaroon na ng imbestigasyon sa kaniya noon pero "namatay" raw ang lead na imbestigador ng kaso niya kaya hindi na naituloy.

Hinanap ko pa sa ibang social media platform ang gumawa ng article na si Archie Mendez. Kilala siyang journalist na laging nalalapit sa politiko ang mga pinapaskil sa social media pero noong napag-usapan ang isyu ni Marchion sa sindikato ay wala siyang ginawang article o post kahit isa lang.

Napailing ako. Tangina, gumawa pa nga siya ng article tungkol sa pakikipagkita ni Marchion kay Governor Trudy. Nagpatuloy ako sa pagbabasa ng wall niya.

Marami siyang picture na kasama ang iba ring kilala na journalist, celebrities, at mga influencers din. Post tungkol sa pamilya niya at kaibigan hanggang sa... jackpot!

Kita sa likod ng isang litrato nila ang bagong biling bahay. Napangisi ako, mukhang may kailangan akong bisitahin ngayon.

Purificacion

"Why do you feel like you're indebted to your parents that you have to do something you don't want even though they're not forcing you to?"

Ang dati kong mabungangang bibig ay napipilan nang marinig ang tanong sa akin ng therapist kong si Dr. Garcia o Rhyme sa gusto niyang tawag ko sa kaniya. Thirty minutes in on our therapy session at ngayon ko lang natagpuan ang sarili kong hindi makasagot sa tanong niya.

Nag-angat ako ng tingin sa kaniya, ang ekspresyon sa mukha ni Dr. Garcia ay parang in-expect akong alam ko na agad ang sagot. Napalunok ako, bakit nga ba? Ano ba naman 'to, nag-drop out nga ako sa college kasi hindi ko kaya tapos ngayon may pa self-reflection?