فطروا العيله مع بعض و بدر و نبض راحو شغلهم
عند بدر ف العياده
لبني الممرضه دخلت عليه : ي بشمهندس بدر .. في حاله برا ادخلها
بدر : دكتور .. و المصحف دكتور .. و ربنا دكتور .. بشمهندس اي بس ي لبني
لبني : مخلاص ي مستر بقا
بدر بعصبيه : اطلعي برا ي لبني و دخلي الزفت الحاله
لبني خرجت و المريض دخل
بدر بجديه : اسمك اي
: ياسر
بدر : احكيلي مشكلتك يا ياسر
ياسر بحزن : انا مخنوق .. مخنوق جدا .. محدش حاسس بيا .. مش عارف اتكلم مع حد عشان محدش هيفهمني
بدر و هو بيرفع حاجبه : و اي تاني ي عنيا .. كمل ي قلب امك كمل
ياسر : بس كدا ي دكتور .. عايز حل
بدر بعصبيه و مسكه من لياقه قميصه : اطلع برا ياااااض .. براااا .. هي نقصاكو .. انت هتيجي تشكيلي بروح امك
ياسر : اي ي دكتور في اي
بدر : بلا دكتور بلا زفت علي رأي امي انا دكتور مجنانين .. اطلع برا يالا
طلع ياسر برا
بدر ف نفسه بعد ما ياسر خرج : هو كل واحد يكون مخنوق و مش بيركعها حتي يجلي .. يروح يصلي طيب .. يقرب من ربنا .. ربنا هو اللي هيقدر يساعده مش انا .. يلا ربنا يهديهم
عند نبض ف العياده بتاعتها
فرح صاحبتها دخلت عليها الكتب و اتكلمت بعصبيه : انتي ي زفته .. خدي القرد بتاعك دا
نبض : لو سمحتي ي فرح ما تقوليش عليه قرد عشان بيزعل .. اسمه مدحت
فرح : طب خدي الزفت مدحت بتاعك دا
فرح : امي يستي لما شافت القرد فضلت تهزقني و راسها و الف سيف يا القرد يا هي
نبض : طب اوديه فين
فرح : اتصرفي ي نبض انا ماليش فيه
نبض : طب والله لنزل استوريهات بلقح فيها عليكي و هسجلك بأسمك و من غير قلب كمان
فرح بضحك : لا دا انا اخاف منك .. زعلك وحش اوي
نبض : سبيني دلوقتي عشان مش عارفه هعمل اي مع مدحت
و كملت كلامها لمدحت : متخافش ي مدحت ي حبيبي .. هنعدي الصعاب سوا و هنتجوز ي حبيب قلبي
فرح بصدمه : هتتجوزي القرد ي نبض .. دا انتي عقلك خف خالص .. روحي لدكتور المجانين اخوكي
نبض : اولا قولتلك ماسموش قرد اسمه مدحت .. ثانيا سيبي دكتور المجانين ف حاله
فرح : طب فيري هتعمل لكن غدا اي
نبض : طب عقاب ليكي مش هتتغدي معانا النهارده
فرح : طب عندكو غدا اي طب
نبض : محشي يختي و مش هتتغدي معانا برضو
فرح : ي ستي مالكيش دعوه .. انا هقول لفيري تشيلي طبق علي جنب و هاجي اخده
و قاطع كلامهم دخول سكرتيره نبض اللي اسمها دعاء
دعاء : دكتوره نبض .. في حاله برا .. ادخلها
نبض : دخليها ي دعاء
و كملت كلامها لفرح : اطلعي برا ي فرح دلوقتي
فرح خرجت و دخلت بنوته صغيره و معاها قطتها و معاها شاب
البنت الصغيره اللي اسمها ميرا ببرأه : ي دكتوره .. شوفي القطه بتاعتي
نبض بلطف : مالها ي روحي القطه بتاعتك
ميرا بغضب الاطفال : في عمو وحش كان راكب عربيه و خبط القطه بتاعتي و هي رجلها بتوجعها و تعبانه خالص
نبض : عمو دا وحش اوي .. هاتي القطه
نبض اخدت القطه و كلمت ميرا و هي بتكشف علي القطه
نبض بلطف : انتي بقا ي قمر اسمك اي
ميرا : اسمي ميرا .. وانتي
نبض : انا اسمي نبض
ميرا : اسمك حلو ي دكتوره
نبض : لا بلاش تقوليلي ي دكتوره قوليلي ي نبض بس
ميرا بابتسامه : اوكيه ي نبض
نبض كشفت علي القطه و جبست لها رجلها
نبض : خدي القطه بتاعتك اهي و ان شاء الله نفك الجبس كمان اسبوع
ميرا : شكرا ي نبض
الشاب اللي كان جاي مع ميرا و بيراقب الموقف كله : تمام ي دكتوره شكرا
نبض : عفوا ي فندم .. استني ي ميرا
ميرا : نعم ي نبض
نبض طلعت شوكولاته من الدرج بتاعها و قالت : بما اننا بقينا أصحاب خلاص خدي مني الشوكولاته دي
ميرا بصت للشاب و قالت : أخدها ي يحيي
يحيي بصلها و هز راسه بمعني ايوا
ميرا اخدت الشوكولاته و باست نبض من خدها و يحيي أخدها و مشي
تعالو اعرفكم بالأشخاص اللي ظهرت
نبدأ ب لبني ، لبني تكون سكرتيره بدر و عندها ٣٩ سنه و مطلقه و عندها طفلين ف ابتدائي و بدر متكفل بكل مصاريفهم
و فرح تكون صاحبه نبض الوحيده و في سنها تقريبا و بتشتغل مدرسه انجلش و بتحب أهل نبض جدا و بتعتبرهم اهلها و مخطوبه و فرحها كمان ثلاث شهور
و يحيي يكون شاب ف اوائل الثلاثينات عنده شركه برمجه كبيره جدا و والده و والدته متوفين و ميرا تكون بنت اخته و اخته توفت مع والده و والدته ف حادثه و قبل ما تموت جوزها طلقها و ساب بنته و من بعد موت اخته هو اللي بقي مسؤول عن ميرا
