فاجأه جرس الباب رن و دخل ميرا و يحيي و شافو البيت بالمنظر دا و بدر متعصب
يحيي : في اي ي جماعه .. اي دا
بدر بعصبيه : الزفته بيان
يحيي باستغراب : بيان !!! مالها .. مش هي ف المستشفي
بدر : ايوا ي خويا بس روحها طلعت لنا
بدر كلم نبض : نبض .. هو اخوكي اتجنن
نبض : لا ماتجننش .. دي حقيقه
يحيي : ازاي
بيان ضربت يحيي علي قفاه و قالت لبدر أن هي اللي ضربته
يحيي : ااااااه .. هو مين اللي ضربني
بدر بضحك : بيان .. صدقت دلوقتي
يحيي : سلام قول من رب رحيم .. احيه دا الموضوع طلع بجد
نبض : طب يلا ي جماعه نروح المستشفي لايكون جري لها حاجه
بيان : يعني هو انا ممكن اموت
بدر : ي بت اسكتي بقا جتك نيله .. و انتو يلا عشان نروح
راحو كلهم المستشفي و سألو الدكتور عن حاله بيان و الدكتور قالهم أنها حالتها مش مستقره و لسه مفاقتش من الغيبوبه
خرجوا من المستشفي و بدر اتكلم : انا مش فاهم حاجه .. هو دا اي .. و ازاي بيان حالتها مش مستقره و ف غيبوبه و ازاي بيان قدامي اهي و شايفها و سامعها
نبض : انا هتجنن .. طب مش يمكن ي بدر احنا بيتهيألنا
بدر بغضب : نبض انا مش ناقصك .. بيتهيألنا ازاي يعني .. طب الحاجات اللي اتكسرت دي اي
يحيي : طب روحو لدكتور علم نفس و يشرحلكم حاله بيان و ايه اللي بيحصل دا
بدر : اومال انا اي ي يحيي .. كيس جوافه .. مانا دكتور نفسي و معايا دكتوراه في علم النفس و المشكله مش عارف ايه اللي بيحصل دا
نبض : طب ما نقول للدكتور اللي متابع حالتها
بدر : هيقول علينا مجانين ي نبض .. اصل الموضوع دا مش طبيعي ابدا
نبض : طب نعمل اي
بدر : نروح عشان انا منمتش و مش شايف قدامي
بيان ( اللي هي روح بيان ) : طب خدوني معاكو
بدر : تعالي تعالي وانتي تعباني كدا
ركبو كلهم العربيه و روح بيان كانت بتفكر في الكلام اللي بيان الحقيقيه قالته
فلاش باك
روح بيان و هي ف الاوضه اللي بيان الحقيقيه فيها : يعني انتي انا .. ازاي .. انا مش فاهمه حاجه .. و مين اللي انا قاعده معاهم دول .. وليه ظهرتلهم
بيان الحقيقيه فتحت عينيها و اتكلمت : في مهمه انا مش هقدر انفذها وانا عايشه فكان لازم انفذها و انا شبه ميته .. و ليه انتي ظاهره للناس دي عشان هم اللي هيقدروا يساعدوكي
و رجعت غمضت عنيها تاني
روح بيان : مهمه اي اللي انفذها .. انا لازم اقول للي اسمه بدر دا
نرجع من الفلاش باك
وصلو بيت بدر و بيان طارت و طلعت فوق
بدر من جوا العربيه : احييييه .. دي بتطير
نبض : ماهي شبح يبني عايزها تعمل اي
بدر : انا مش هقدر اعيش ف الرعب دا
يحيي : انا همشي بقا انا ي جماعه
بدر : طب والله لا انت طالع عايش معانا ف الرعب دا
يحيي : لا يعم هتلبس
ميرا : انا عايزه اقعد معاهم ي يحيي
بدر : شوفت حتي البت عايزه تقعد
يحيي : ماشي و امري لله
بدر و نبض و يحيي و ميرا طلعو و بدر شاف روح بيان وقفاله علي الباب
بدر بخصه : ي بنتي حرام عليكي .. انا قطعت الخلف بسببك
روح بيان : بدر انا عايزاك
بدر : اتكلمي كدا كدا محدش سامعك
نبض : لا انا سامعه
يحيي بضحك : شكلكو مسخره و انتو بتكلمو نفسكو
بدر : طب تعالي ي بيان اشوف انتي عايزه اي
بدر اخد بيان و بيان حكتله علي اللي بيان الحقيقيه قالته
بدر : انا مش فاهم حاجه بجد
روح بيان : ولا انا .. انا مش عارفه انا اي اصلا
بدر : بصي انا مش قادر افكر و تعبت و لو سمحتي سبيني و روحي شوفي انتي رايحه فين
روح بيان خرجت من الاوضه و هي بتفكر اي اللي بيحصل دا
