و بعد ما خلص الماتش و فارس و عيلته روحو بيتهم و الباقي نام
علي الساعه ٣ الفجر
ميرا كانت رايحه اوضه أسر تتطمن عليه بس سمعته بيكلم واحده
ميرا و هي بتفتح الباب زي المخبرين : انت يااااااض ياللي ماتربتش بتكلم مين
أسر و قفل الفون بسرعه : مالك ي بت داخله زي المخبرين كدا ليه
ميرا : بتكلم مين ي أسر
أسر و هو بيقعد و بيحط رجل علي رجل : بكلم الكتكوته بتاعتي
ميرا : كتكوته اه .. والله و كبرت ي أسر و بقيت تعرف تظبط بنات
أسر بغرور : ايوا طبعا ي بنتي .. كنتي جايه ليه بقا
ميرا : بقا انا الحق عليا اللي كنت جايه اطمن عليك
أسر : انا زي الفل اهو ي ميرتي
ميرا مسكته و حدفته علي السرير : نام .. نام ي شيخ نوم الظالم عباده
و خرجت ميرا من اوضه أسر و راحت تنام و أسر نام هو كمان
الصبح كلهم صحو و فطروا و نزلو
يحيي : اومال فين ياسر ي بدر
بدر : هرن عليه يجي اهو
بدر رن علي ياسر و بعد شويه جه ياسر و فارس و قعدو كلهم
فيروز : اي الملل دا ي جماعه .. محدش عنده حاجه نعملها
فارس : نلعب لعبه الازازه
ميرا : ايوا ايوا .. اللي هي بتلف الازازه و اللي تيجي عليهم يسألو بعض
فارس : ايوا
فيروز : طيب ماشي .. روح ي أسر هات لنا ازازه
أسر : هو انا مش ابنكم ي جماعه
راح أسر جاب الازازه و قعد و زين اول واحد لف الازازه و جت عليه هو ميرا
زين : لقحي علي حد من اللي قاعدين بأغنيه
ميرا فكرت شويه و بعدين بدأت تغني : كتكووووت ضعيف الجناح و الدنيا و الدنيااا غدرت بيييه
أسر بضحك : مخلاص ي ميرا
نور : اي دا في اي
ميرا : لا لا ولا حاجه
مسك ياسر الازازه و لفها و جت علي فارس و جويريه و فارس سأل
فارس : وجهي رساله للكراش بأغنيه
جويريه بصت علي فهد و بدأت تغني : اشوف فيك يوم .. علي اللي انت عملته فيا .. لما انت غدرت بيا .. و اللي بترضاه عليا بكرا انا هرضاه عليك .. و شكرا
فهد بضحك : يااااااه ي بنتي .. مين اللي مخزوقك جامد كدا
جويريه : واحد كدا انت متعرفهوش
و لفت بيان الازازه و جت علي كارما و ريان
كارما : ريان .. عامل اي
ريان : الحمد لله
كارما : كويس يعني
ريان : اه كويس
كارما : يعني كله تمام
ريان : ايوا ي بنتي .. اسألي يلا
و خلص كلامه و لقي مياه ساقعه نازله عليه و بص وراه لقي زين واقف بيضحك
ريان : اه ي بن ال...
بدر بضحك : ريااان .. عيب .. هتشتم الواد و انا موجود
ريان : ابنك مترباش ي بدر و انا هربيه
و قام يجري ورا الزين اللي كان بيضحك و هو بيجري
زين كان بيجري و راح يستخبي ورا فيروز
زين : الحقيني ي زوجتي المستقبليه
فيروز بضحك : خلاص ي ريان بقا مكنوش شويه مياه دول
ريان قرب من كارما : يعني انتي ي بت كنتي عارفه و اتفقتي مع زين
كارما : محصلش ي سيد المعلمين
زين : لا حصل
ريان ضرب كارما علي قفاها بخفه
كارما : يخربيتك ي ريان ايدك مرزبه
ريان : تعالي ي كارما عايزك
كارما : لا انت هتضربني صح
ريان : عن ابو شكلك ي شيخه .. هضربك اي بس
كارما : طب عايز اي
ريان مسك ايد كارما و شدها : لامؤخذه ي جماعه عايز البت في كلمتين
ريان اخد كارما و وقفو بعيد عنهم شويه
ريان : بصي ي كارما انا اتصرفت مع عميد الجامعه و لما نرجع تقدري تروحي الكليه عادي
كارما : و عملت اي مع عدي
ريان : اتصرفت بقا .. يلا احنا نروح لهم
كارما و ريان راحو للباقي و كملو لعب و هزار لحد اخر النهار و فارس و ياسر روحو و الباقي طلعو اوضهم
عند امير ف البيت
امير كان بيكلم نفسه بعصبيه : ماشي ي نور .. عملتي برضو اللي ف دماغك و ماجتيش الشغل .. صبرك عليا بس لما تيجي
و طلع فونه و رن عليها
نور : الو السلام عليكم
امير : و عليكم السلام يختي و عليكم السلام
نور : خير ي استاذ امير في حاجه
امير : انتي بتستهبلي ي نور .. الهانم مجتش الشغل بقالها يومين ليه
نور : اولا احترم نفسك و انت بتتكلم معايا .. ثانيا انا قولت لحضرتك اني مسافره
امير : وانا قولت مش مواقف
نور : مين انت اصلا عشان توافق ولا ترفض
امير بعصبيه : انا مديرك ف الشغل ي نور
نور : مدير علي نفسك ي حبيبي
امير : ماشي ي نور لما تجيلي بس
و قفل السكه ف وشها
نور ف نفسها : متهيألي انا بوظت الدنيا .. يلا انا انام دلوقتي
