فارس باستغراب : باباكي!!! ازاي .. هو مش عمو يحيي بباكي
ميرا : هو خالي و ف مقام ابويا هو اللي رباني من و انا أربع سنين
فارس : انا مش فاهم حاجه .. يعني مش بدر هو اللي خالك .. دا انا لو ماكنتش اعرف عياله كنت فكرتك بنته
ميرا : لا ي فارس .. بدر ولا بابا و لا خالي بس هو مكانته عندي اكبر من كدا بكتير .. كان طول عمره حنين عليا و ياخدني و يخرجني .. حتي لو يحيي كان مزعلني هو كان بيقف ف صفي دايما و يقولي معلش و يصالحني .. هو اصلا حته سكره كدا و بيعامل بنات العيله كلها زي جويريه و كارما
فارس : ربنا يخليه
ميرا : يارب يا فارس
فارس : انا بقا عايزك تفهميني كل حاجه عشان انا مش فاهم
ميرا اتنهدت تنهيده طويله و قعدت علي اقرب كرسي و بدأت تتكلم : اللي يحيي و نبض كانو بيقولهولي أن مامتي اتوفت ف حادثه مع جدو و تيتا و أن بابا كان مطلق ماما و ميعرفوش عنه حاجه و خالو يحيي هو اللي رباني .. بس انا عايزه ابويا .. نفسي اشوفه بس .. انا اخر مره شوفته فيها و انا عندي ٣ سنين او اكبر شويه .. من ساعتها وانا معرفش عنه حاجه .. بس قبل ما انت تجيلي المستشفي باسبوع لقيته جايلي عشان يعمل عمليه القلب و طبعا انا مكنتش اعرف انه بابا غير لما شوفت الاسم .. و عملت العمليه و نجحت الحمد لله و خرج من المستشفي و معرفتش عنه حاجه بعد كدا .. يعني انا شوفته بعد السنين دي كلها و حتي مقدرتش أقوله انه ابويا اللي سابني من و انا أربع سنين
فارس بحزن و قعد جنبها و مسك أيدها : طب مش يمكن ي ميرا حاجه اجبرته أنه يعمل كدا
ميرا : حاجه اي ي فارس اللي هتخليه يسيب بنته و هي لسه عيله .. دا حتي ما حاولش يدور عليا
فارس : طب ي ميرا اهدي .. ممكن تسيبي الموضوع دا عليا .. انا هعرف الاقي باباكي .. بس المهم دلوقتي انك توافقي علي اللي انا قولته
ميرا بتنهيده : موافقه ي فارس
فارس بفرحه و قام نط من مكانه
فارس و هو بيخرج من باب المكتب : سلام ي ميرتي .. اراكي قريبا
و مشي فارس و هو فرحان
ميرا بضحك بعد ما فارس خرج : هم يضحك و هم يبكي فعلا .. اما اشوف شغلي عشان ماترفدش
نرجع تاني لنور و بدر
بدر و نور دخلو البيت
بدر بفرحه : ي جماعه .. تعالو كلكو
نزلو كلهم بسرعه
بيان : خير ي بدر في اي
بدر : كل خير .. فين بس سليم و فرح و ميرا
ميرا جت من وراه : انا جيت اهو ي بدر
بدر : تعالي ي ميرا .. طب فين سليم و فرح دول هم اساس الموضوع
ريان : ف البيت مش هنا
بدر : طب رن عليهم ي ريان خليهم يجو بسرعه
ريان رن علي سليم و فرح و قال لهم يجو و هو مش فاهم حاجه
ميرا : خالو يحيي .. بدر .. كنت عوزاكم ف موضوع لوحدنا
أسر : انا عايز اعرف اي الموضوع
ميرا : نبقا اقولك ي أسر .. تعالو انتو بس
و شاورت علي بدر و يحيي
و فعلا بدر و يحيي راحو مع ميرا الأوضه بتاعتها
عندهم برا
ريان : انا هروح اجيب كارما بسرعه من الجامعه و اجي لحد ما ماما و بابا يجو و نشوف بدر عايز اي
بيان : تمام ي ريان روح
عند ميرا ف الاوضه
ميرا بتوتر : بصو ي جماعه .. عارفين فارس
بدر : ايوا ماله
ميرا : هو جالي النهارده المستشفي يعني و قالي .. قالي
يحيي بضحك و فهم : قالك اي
ميرا بسرعه : قالي أنه بيحبني و عايز يتجوزني
بدر وقف مصدوم شويه يحيي حضن ميرا بفرحه
ميرا : مالك ي بدر أنت مش فرحان ولا اي
بدر : مش فرحان !!! دا انا هطير من الفرحه .. بس انتو هتتجوزو كلكم مره واحده كدا
ميرا بضحك : معلش بقا ي بدر .. مسيرنا نتجوز برضو
بدر مسكها من أيدها : طب تعالي يلا نطلع لهم و نقول لهم
بدر و يحيي و ميرا طلعو للباقي
بدر باستغراب : اومال ريان فين .. مش كان قاعد هنا
ريان : انا أهو ي بدر .. كنت بجيب كارما من الجامعه .. و بمناسبه التجمع دا ف انا كنت عايز اقول حاجه
بدر بتريقه : ناوي تتجوز انت كمان ولا اي
ريان : ايوا
بدر : احيه
يحيي بضحك : و مين سعيده الحظ
ريان مسك ايد كارما و قال : كارما .. عايز اتجوز كارما
بدر : احيه
يحيي : و ميرا ي جماعه فارس اتقدم لها
بدر : احيه
يحيي : مخلاص ي بدر .. مانت عارف موضوع فارس
بدر : معلش ي جماعه .. دول كلهم اتجوزو مره واحده
و ساعتها سليم و فرح دخلو
سليم : خير ي جماعه .. جايبنا علي ملا وشنا كدا ليه
بدر : تعالي ي اخويا اقعد
سليم و فرح قعدو و بزر اتكلم : نور هتتجوز هي كمان .. امير العدلي صاحب الشركه اللي نور بتشتغل فيها كلمني النهارده وانا قولت له يكلمك ي سليم
كلهم انفجروا من الضحك و بدر معاهم
نبض بضحك : يعنى انتو معنسين بقالو ٢٤ سنه ولا ٢٥ سنه و جاين تتجوزو مره واحده
زين بضحك : ثانيه ي جماعه عشان هنتلغبط .. يعني انا و فيروز .. و فهد و جويريه .. و ريان و كارما .. و ميرا و فارس .. و نور و امير
أسر كان قاعد و حاطط أيده علي خده
ميرا بضحك : مالك ي قلب امك شايل طاجن ستك كدا ليه
أسر : حد يشوفلي عروسه والنبي .. يعني كلكو هتتجوزو وانا هقعد كدا .. ما تتجوزيني ي ميرا و فكك من فارس
ميرا : علي عيني والله ي أسر بس الواد هينفخني
أسر : طب انتي ي جويريه طب
فهد : وحيات امك
أسر : يعني خلاص مافيش امل اني اتجوز
ميرا : لا ي اخويا اتجوز .. عندك كتاكيت اتجوزها
أسر بضحك : تصدقي ممكن
و كملو كلهم قعدتهم ف هزار و ضحك و فرحه و امير و فارس حددوا معاد يجيو يتقدمو فيه و كان المعاد دا بكرا
