" لا يَزْالُ العراق مَحطْةً لـتَرحْال القَوْافِل مَتى يَحُطُ رِحْالنا فِيةِ "
_____________________
بعد مرور أكثر من خمسة عشرة سنة ، وقبل حلول شهر أكتوبر "تشرين" .
يجلس مهند على أحد الكراسي الحجرية على شط العرب اخذ هذه العادة منذ سنتين كان يؤمن أن للماء ذاكرة تستوعب العشوائيات التي تدور في رأسه ، كل يوم ينتظر عسى ان يأتي احد يشاركهُ الحديث
لكن مرّ الوقت ومهند يجلس في نفس المكان وحيد حتى جاء طفل صغير كان وقتها يلهث من التعب
مهند : شبيك حبيبي منو يركض وراك.!! .
الطفل : عمو هاي امي ما تخليني امشي وحدي الا تلزم ايدي شنو جاهل اني .
مهند : اي حبيبي امك هاي وتخاف عليك وانت ما تعرف تسبح تخاف عليك تغرك تعال اكعد ارتاح وين امك؟؟ .
الطفل : هاي ام عبايه الي جايه علينا .
مهند : ارتاح حبيبي ومن تجي امك كللها لا تلزمين ايدي وانا ابقى امشي يمج ما اروح بعيد .
الطفل : هيه اصلا تريدنا نروح للبيت يلا باي .
مهند : باي حبيبي ...
عاد بعدها مهند ليشعل سيجارته وينفخ للماء حسراتهُ مع الدخان .
مر اكثر من ثلاثة أيام حتى جاء ليجلس في نفس المكان والصدمة وجد رجل شعرهُ ابيض خفيف ممشط الى اليسار يرتدي قميص مخطط وعلى يده اليمنى وشم كُتب بـ اللغة العربية "عاش العراق حراً ابيا" ، اقترب مهند وشفتاه ترتجف.
السلام عليكم عفواً أيمكنني الجلوس معك ؟
رد الرجل وعليكم السلام تفضل اخي .
ساد الهدوء لمده نصف ساعه الا ان عقل مهند كان يتراوح بين الدهشه والحيره وكيف يبدأ بـ الكلام وهل سينزعج الرجل ويذهب بعد كل هذه المدة من انتظار شخص يجلس معه حتى تشجع مهند ونطق بالكلمة الاولى ،
مهند : شط العرب حلو
حتى مهند لا يعلم ان كان هذا مديح ام سؤال ..
الرجل : اي والله البصره كلها حلوة
مهند : اول مرا تكعد هنا حجي ؟
الرجل : اي والله ختنكت من كعده البيت كلت اغير جوو
مهند : اي زين تسوي الواحد وين يروح
الرجل : وانت بابا ؟
مهند : حجي انا كل يوم هنا اكعد احب الشط اسراري كلها يمه
الرجل : لا تخاف ما يفضحك "قالها وهوه يضحك"
مهند : حجي ولو سؤالي فضولي شوي بس الوشم جذب انتباهي وغريب محد مسوي مثله
الرجل : والله يا عمو مدري شكلك بس هذا من اشوفه اشوف بي شباب مثلك راحت ونسوان تتحسر على ولدها وبنات ترملّن واشوف بي نصر وشهاده وكرامه واشوف بي قهر وحرمان يمعود اشوف البصره ام الخير بي
مهند : الوشم مبين قديم !؟
الرجل : اي ب ٢٠١٩ دكيته
مهند : اكو مناسبه لو هيج ؟
الرجل : والله مدري شكلك بس صار وكت الصلاة لازم اروح باجر نكمل حجي مطايره الدنيا
مهند : والله صحيح الله وياك حجي
الرجل : في امان الله
_____________________
يتبع...
قراءه ممتعة ♥️
الراوي : حسين آل زاير .
لا تنسون النجمة والمتابعة وتعليقاتكم الجميلة 🫀 .
أنت تقرأ
تشرين || October
Mystery / Thrillerتتسارع دقات القلوب في صدورنا نظلم انفسنا عند الظن بأن الشهداء اموات ان ارواحهم ما زالت على قيد الحياة وان دمائهم ستحرق الظالمين يوم ما هذه تشرين فتاة تسحر القلوب لا تظلموها ... -الاحداث داخل الروايه حقيقيه بنسبه ٨٠٪ . -جميع الاسماء مستعاره وليس...
