نار الجليد 🥵🥶 ( مكتمله ) ❤

الفصل الخامس

الفصل الخامس
&&&&&&&&&&&&&&&&&&&&&&&
جاء الليل و اجتمع الجميع عشق في حاله توتر و كرمن في حاله ترصد للاباء
نافع بمرح : بقولكوا ايه يا عيال خدو بعضكوا و روحوا العبوا بلاش تقعدوا مع العواجيز
ادم : اتكلم علي نفسك انا لسه شباب
لتضحك بسمه بفرحه : روحوا يا حبايبي العبوا و اتنطتوا و اخرجوا بلاش العمر يضيع في القعاد يلا
قامت كرمن و عشق و نور و انور و كريم ليقول
نافع بهمس لادم : تفتكر هننجح
ادم : لو حبوا بعض يبقي نجحنا لو قتلوا بعض يبقي لا
😂😂😂
&&&&&&&&&&&&&&&&&&&&&&&
كرمن بحماس : ايه رأيكوا نلعب الازازه الي هي نقعد دايرة كبيرة و نلف ازازة و نسأل بعض
كريم لعشق : انا هروح اقعد لوحدي يا تيتي انتي عارفاني بحب استجم
صمتت عشق و هزت رأسها بمعني نعم ذهب كريم لتقول كرمن
كرمن : هو مشي ليه ؟
عشق بحزن : تقريبا حاسس انو ملوش مكان بينا
كرمن بصدمه : انتي قولتيله ؟!
عشق : كريم هو اقرب القريبين يا كرمن ....كريم دا ابويا التاني
&&&&&&&&&&&&&&&&&&&&&&&
عندما تأكد انه لوحده صرخ بشده من ألم قلبه ظل يبكي و يبكي و كأنهم سينتزعوا منه قلبه فكان كريم يعشق اخته فهو يعتبرها ابنته مع ان الفرق ليس بهذا الكبر بينهم فقط اربعه سنوات جلس القرفصاء ليقول بهمس : انا اول مره ابقي ضعيف اوي كده ...مش قادر استحمل ازاي ممكن ياخدوها مني ... لا لا محدش يقدر ياخدها انا و عشق اخوات محدش هيبعدها عني قوم كده و اهدي علشان هي كمان محتجالك يا كريم
ظل يواسي نفسه ليري فتاه في غايه الجمال اتيه لهذا المكان فمسح دموعه بسرعة لتقف هي امام البحر صامته تهبط دموعها برفق و كأنها تخاف ان تجرح خديها ليقترب كريم منها ببطئ و يعطيها المناديل لتأخذها منه بدون اي رده فعل ليقول
كريم : انا عارف ان الدنيا وحشه ... و فيها حاجات اوحش ... بس حلاوتها اننا نعيشها بالطول و العرض ربنا يعزي قلبك و قلبي بعد اذنك
لتنظر له بدموع و تقول : ممكن تقعد معايا ... انا مليش اصحاب ولا اخوات ممكن تسمع حكايتي ....
كريم بحنيه : اتفضلي
: انا اسمي ماسه ......
&&&&&&&&&&&&&&&&&&&&&&&
عند باقي الشباب كانوا يلعبوا الازازه و يلفوها لتأتي علي انور و عشق
كرمن بحماس : حلو انور يسأل عشق
انور يتفكير : تمام ... اممم اه عمرك حبيتي و اتجرحتي ؟
عشق بهدوء : لا
انور : مرطبتيش قبل كده متصحبتيش ؟
عشق : لا مرطبتش بس اتصاحبت عادي
لفوا الازازه تاني لتأتي علي عشق و نور
كرمن : كده عشق تسأل نور
عشق بسرعة : انت ليه بتكرهني ؟
نور : دخلتي جوايا و عرفتي اني بكرهك ازاي ؟
عشق : مش لازم ادخل جواك كفايه نظراتك كفايه كلامك الي زي السم
نور : ...... علي العموم انا مبكرهش حد .. ولا بكرهك
عشق بهمس : يعني هو اسلوبه كده اصلا
سمعها انور ليبتسم في الخفاء و يقول بخاطره ( فوله و اتقسمت نصين هههه )
عشق و انور كانوا جالسين امام نور و كرمن ليأتي اثنان اتيان بكل حماس يشاوران لعشق و يركضا نحوها لتلف عشق رأسها لتصرخ الفتاه و يصدم الشاب الذي معها لتقوم عشق بحب
عشق بفرحه : ايه ده انتوا هنا
الفتاه بصدمه : انتي مين و مين المرايه الي قاعده قدامك ...اكيد في واحده فيكوا عشق
لتضحك عشق بقوه فيقول الشاب الذي معها
الشاب : بس خلاص هي دي عشق
عشق : تعالوا بس و انا هفهمكوا
جلس الشاب و الفتاه بجانب عشق و هي تضحك من فرحتها ..... لحظه هناك ريحه غريبه راأحه شئ محروق اوه نعم فهو نور الذي يخرج من عينيه نار و كأن الجليد يشتعل لتقول
عشق بفرحه واضحه : احب اعرفكوا ببعض يا جماعه دول اصحابي من ايام ثانوي كريستين و هنقولها كوكي و ده فريد و انا و كوكي بس الي بنقوله فيري ، ....
كوكي : ايوه مين هما بقي علشان انا ملحظه ان الولدين توأم و البنتين ؟!
عشق بتوتر : قرايبي
لتهرش عشق علي سطح انفها ليقول فريد
فريد : كدابه يا حلوة
عشق : ليه ؟
فريد : لانك مبتعرفيش تكدبي و كمان لما بتكدبي بتهرشي في مناخيرك تلقائيا يعني بتكدبي
عشق بخروج من الموضوع : انت مش ملاحظ ان الحلو عمال يتكلم و انت و هي محدش اتصل بيا يقولي حتي ان في رحله و بعدين انتوا جايين لوحدكوا ولا ايه ؟
كوكي بسرعه : نيجي لوحدنا دا ايه مستحيل
فريد بغيظ : احنا حاولنا نتصل بيكي اكتر من خمسين مره حرفيا فا تسكتي خالص
كوكي : بالظبط ، لحظه صحيح مش تباركيلنا ....
عشق بعدم استوعاب : اباركلكوا علي ايه؟ .... لا لحظه انتوا اتخطبتوا ؟!
ليهزوا رأسهم بنعم
لتضحك عشق بفرحه كبيرة و تحضن كوكي بشده
عشق بفرحه : ايوة بقي يا اخي اخيرا سبع سنين يا عيال يا مفتريه دول بيحبوا بعض من اولي ثانوي
فريد : انتي مسدقتي تخلصي مننا ولا ايه لا احنا قاعدين علي قلبك عادي
عشق : يا اخويا اقعد في قلبها الاول ولا اقولك انا مش محتاجه اقول انت اصلا قاعد و مربع في قلبها ...لا بتكلم جد اصلهم كل شويه عشق انا بحبها عشق انا بحبوا
كرمن ببساطه : طب و مقولتيلهمش ليه انهم بيحبوا بعض
عشق بغيظ : حلفوا عليا ميت يامين و يامين اني مقولش للتاني حاجه بقيت قاعده بسمع هنا و بسمع هنا اطبطب هنا و اطبطب هنا طب و انا انا مين هيطبطب عليا
انور بمرح خبيث : انتي بتحبي حد ؟
عشق بدلع : لا بس عايزة الي يطبطب بردو الله
ليضحك الجميع علي عشق لتقول لفريد
عشق : بس صحيح قولتلها امتي
فريد بسرد : هحكيلك فاكره لما قولتيلي انت جبان !

فلاااااش بااااك 🌚

عشق بغضب : انت اجبن واحد شفتوا في حياتي يا فريد
فريد بحزن : خايف اقولها متقبلنيش و اكون لا طولتتها صديقه ولا حبيبه
عشق : احنا بنعيش حياتنا علشان نجرب يا فيري لازمتها ايه الحياة لو من كل حاجه هخاف منها فيري انت قربت تقولي خايف اعدي الطريق لوحدي ( اكملت بحزم ) فريد دي اخر فرصه بالنسبالك يا تروح تعترف .... يا تضيع منك خالص انا ماشيه
ذهبت عشق و اتصلت كوكي علي فريد ليرد بسرعه
كوكي : فريد عامل ايه ، و ايه اخبارك ؟
فريد : الحمد لله نشكر ربنا انا كويس
كوكي : ..... فيري ....
فريد : في ايه يا كوكي ؟
كوكي : في عريس جاي يوم السبت الجاي
صدم فريد بشده و كاد يبكي و لكنه بدون استوعاب قال : انا العريس بس بعد اذن عمي بس هقرب المعاد شويه خليه يوم الخميس
صمت فريد ليسمه رده فعلها لتقول كوكي بفرحه : بجد يا فيري عارف لو طلعت بتهزر انا هقتلك

باااااااك 😂

فريد بأبتسامه : بس يا سيتي و ساعتها عرفنا اننا بنحب بعض و روحت لعمي و طلبت ايديها
عشق : كل ده و انا قفله تلفوني !
كوكي : انتي قفلتيه ليه اصلا
عشق : هبقي اقولك بعدين
ارتاح صديقنا قليلا من نارة عندما علم انهما ميسيحيان اولا و انهما صديقيها ليس إلا انخفض النار الذي بقلبه و بقي الجليد كما هو

&&&&&&&&&&&&&&&&&&&&&&&