العهد

العهد الثالث

العهد الثالث

طلعت من بيتنا اتلفت خاف احد يشوفني

وصلت يم دكانه
شافني من بعيد
وطلعت قبله بغير دربونه
خايفه منطقه كلها تعرفني اني منو واذا احد عرفني ويكول الابوي يذبحني والله

اجة بساع يركض

هااا صبرية شعجب طالعه الظهرية

فلاح شناوي راح تخلص السنه مال المرحوم الشيخ
الجمعه راح يسوون مجلس عزاء وعشة ثواب
ويرحون للنجف

يا الله
الله يبشرج بالخير مدام هيج اسبوع الجاي انة جاي الابوج

استعجل فلاح ترة حسن جاي يضغط على ابوي
وابوي صح هسة طلايب ويا حسن
بس انه اعرفهم اول تالي يتصافون
وخافن لا يكدر يأثر على ابوي ويخليه يوافق وياخذني

جاااا هوة كيفه
غير انه خاطبج قبله
لوما موتت الشيخ ابن عمكم جان هسة عدنه وليد اني وياج

انه كتلك لا تتاخر اكثر

صار بعد روحي انتي

........................

خية جاسمية
مكطوع كلبي على اخوي اردن اشوفه
اليوم بليل يجيج لا

فاطمة انه من ادزن فخريه الج
انتي تجين بساع
لان هوة ما يظل متاخر بساع يروح قبل لا خالج يشوفه
لوما ابو فخريه من وكت ينام جاااا هم ما كدرت اشوفه

وشكول الصباح بيا عذر جايتج بليل

كوليله مريضه خالتي جاسميه اروحن اسبحها اطبخلها
اي عذر بس كون لا تتاخرين

كاعدة على نار وافرك بايدي خاف ما يخليني صباح اطلع وروح الجاسمية
وانه حضرت عشاه من وكت وعشيته هوة وجهاله
ومن خوفي ولا اشتهيت الاكل

اذا درو حسن يلتقي بليل يم جاسمية خالتي تقوم القيامه

هم صباح وعمي يهونون اله خالي جاسم ما يهون

انيم بابني الزغير والولي اله
واسمع دكت الباب
ماكمت حته صباح يفتح الباب ويشوف فخريه ويصدك انه رايحة الهة

اجاني كلي
هاي فخريه بت جاسميه خالتج تكول امي تريدها لان كلش تعبانه
خيرها خالتج شبيهة مريضه

اي مريضه مو تدري حبله
وهاي المرة كلش تعبت
اروح اشوفها شتريد مني شمحتاجة
تجي توصلني لو وي فخريه اروح

لا روحي وي فخريه هوة شمرة عصاا بيتها مو بعيد
وسلميلي عليها وكولي الهة
كافي رحمي صحتج تخلفين بهالبزر هههههه

ياااا صباح شجاك عييييب

لبست عباتي وبساع طلعت من البيت وتلفت لا خالي جاسم يشوفني
احنه بيوتنه متفرقه بيت  عن بيت فرق لكن مو بعيد وكلنه فد مجان
شكم بيت عنه جاسميه مو هواي
وصلت لكيتها منتضرتني
كالت هااا شصار وياج
كتلها كتله جاسميه مريضه ماحجة شي