العهد

العهد الثاني

العهد الثاني

ا
طول عمرك جاسم ماخذ كلشي الك

جاسم
انتة تعرف الكباريه والمشيخة الي من قبل لا يموت شيخنا
ومن حياة الشيخ وانه الناس تتعنالي وتجيني وانه حاضر بكلشي
وهذا مضيفي يشهد
الناس تتعناني حتى من المحافظات
والشيخ والكبار من عمامك تشهد بكعداتي  او وكفاتي وكلها وكفتلي بيوم فاتحة شيخنا وعزتني
لان يعرفون الكبارية تحولت الي من بعدة

بس احنه اقرب للشيخ منك
امنه وابونه ولد عم ومن جد واحد
بس امك غريبة عنة
صح ابوك ابن عمنة ....

جاسم
حدك يابو صباح لا تجيب طاري الامهات بالنص
النسب من الاب مو الام ولا تخلينه نفتح دفاتر عيب تنفتح

ابو صباح
شتقصد يجاسم لا تلوص بالحجي

انتة البديت يا ابن عمي
يا نسيبي وعم اولادنا

تذكرني بالعموميه يجاسم
والخولة ما الها اعتبار يمك

على راسي
لكن انته الي بديت بالمعيار
واذا الام غريبه فمو معناه ما النة جذور
وان كان جذورنة صافية

انتفض ابو صباح او وكف على حيله واخوته ولدة هم وكفو على وكفته

تهيني يجاسم وانه بيتك

حشى مو انه الي اهين ضيفي وانته تعرف يبو صباح

وطلعو الجماعه زعلانين

چاسب
جويسم مو صحيح الي صار شلك بهذا الكلام
شوداك على امة

مو جدامك من جاب طاري امنه چي غريبه ازوجها ابونه
بس اخذها بت بيت واول زواج الهة
وامهم اخذها ابوهم مطلگة
صح بت عمة لكن زواج ثاني

بس ما يتعير ابن عمنة يجاسم

واحنه بعد ما نتعير يچاسب

................

حسن
بنص هاي الطلابه وانه محتار هذول عمامي
وهذول خوالي
وثنينهم ما يهونون علية
وماكدر اطبك وي واحد منهم على حساب الثاني
ثنينهم عزاز
فاخذت جانب الصمت وسكتت وظليت اتفرج بعيوني
اخاف اغلط بچلمة وتنحسب علي

بس كلة بكوم وفرحة خراب عرس صبرية بكوم ثاني
من الله وجتني عدله
الة انة يمكن جان متت يوم زفتها

بس المشكلة زاد الزعل بين عمامي وخوالي
بسبب الكبارية
والي زاد الطين بله
ناس تسمع ناس حجي
بس عمامي ما سكتو وظلو ينبشون دفاتر عتك قديمة
وكل ما احجي وكلهم ما يجوز ذول ولد عمكم
يصيحون بيه علمود صبريه انته واكف بصفهم

الله يشهد
خالي جاسم من اول هوة جبير على خوته ولد عمة
والرايح والجاي ضيف عدة
وماكو واحد يعبر من يمة اله وهوة ماكل وشارب عدة
مايخلي الطير الطاير يعبر اذا مو يضيفه ويكرم ضيافته
وهاي من زمان طبعه
من وعيت عالدنيه وهوة الوادم تتعناه بمشاكلها
اكثر من شيخنا نفسة
لان حكيم والة هيبة ونچر ومشهود اله بالبطولات
وخاصة اذا رفع بيده ال١٤ تموز
هاي بعد نحسب الواكف اكباله تمدد بالكاع ونترحم علي
وانه واحد من هالناس ضايك ضرباته
اخخ يامة ويامه مكوارة لعب علية هههههه
بس انه احبنه واحبن بنيته