العهد

العاشر

العاشر

انتم مع العهد الذي اذا نقض
زلزلت الارض من تحت اقدامكم
فويلٌ لمن نقض عهده

..................................

فحص ؟؟؟؟؟؟

هاا ابو محمد ليش مستغرب
بتك صارلها خارج بيتك ليلتين
ومع اشخاص غرب مهزومه
ولد شاب
شتتوقع ترجعلك صاغ سليم
الفحص هوة الي يبردني
وما اقبل بغيرة

امانه الله ورسوله البنية مثل ما لكيتها
هاي كدامكم وسألوها

ايمان بابا صار شي وياج
احد مسج
احجي لتخافين حتى اعرف اتصرف

والله بابا محد لازمني والله
والقران محد لازمني بابا صدكني

تحلف وتبجي
واني رافض الفكرة
بس عمها مصر
وماريد الشك ياكل بينا كلنا
ولو كلام عمها صح
لكن مع ذلك مدام كالت محد لازمني
قابل ليش تكذب
المهم كتلهم

انروح هسة مستشفى نفحص
الرجال ما قبل وكال

المستشفى مستحيل تطيك تقرير بهيج موضوع اذا مو المدير موجود ويوافق
وبليل متلكة بس الخفر
خليها للصبح هذا رأيي
وهم انتو متستعجلون بقراراتكم
وتبردون
الحمد لله من لكيتوها قبل لا تضيع منكم للأبد

حميد
اي شكو بيها ننتضر للصبح
يالله ابو محمد جيب بتك وتعال
نرجع للفندق

ابد والله  محد يطلعها من بيتي
اذا ما يطلع الصبح تاخذوها
هااا ورجلي على رجلكم

وتريد ان شاء الله تبيتها ابيتك
اي مو طراطير احنه

ياعمي منو كال هالحجي
حشاكم يابه حشاكم
اذا تحبون كلكم تباتون عدنه اليوم
فعلى عيني وراسي اخليكم

واذا مترتاحون عدنه فخلي اخوها لو ابوها يباتون يمها
امانة الله ورسولة
اني من جبتها من السوك الحد هاي الساعه
ولدي مامخليهم يدخلون البيت الى ان ترجع الاهلها

هذا هوة اني ومحمد نبقه اليوم
اذا يقبلنه الحجي ضيوفه
وباجر تجون الصبح نطلع للمستشفى

وعلى هذا الاتفاق امضو اليل
شخصيات قصتنا
منهم قلوب اطمأنت
ومنهم قلوب اشتعلت
ومنهم قلوب لازالت خائفة
فمتى ما اتى الصباح
يسكت الكلام المباح

اندكت بابنا من الصبح طلعت افتح الباب
يا فتاح يا عليم
لكيت عمامها بوجهي
كالو فضونه خل نروح
عاذرهم وحقهم بس خايف عالطفله لا تروح بالرجلين
حتى ابوها واخوها ما نامو للصبح
فرشنالهم بالاستقبال وحدهم حتى يطمأنون
ومع ذلك محد منهم ارتاح
اسمعهم اليل كلة الولد وابو يعاتبونها ساعه
يسألونها ساعه الاخرى
يرجعون يحققون وياها ساعه لاخ
الى ان اجو عمامها وتوكلنا للمستشفى
كصينا باص دكتورة نسائيه
ودخلناها
اول ما شافت الدكتورة هالعدد من الزلم وياهم هالبنيه الزغيرة بصدريتها مال المدرسة
وكأنه عرفت الموضوع
كالت تفضلو
ابوها سكت ماكدر ينطقها للكلمة ويكلها افحصي بنتي
اخوها كذلك سكت
عمها حجة وكال