العهد

الثامن

الحوبة تسحك وتلحك
وتاخذ ثلثين من الحگ

العهد

سنة ١٩٨٩ م

ااااايمان

هاا يمة

جيبي فراش الخالج خل يمدد ويرتاح

جبت فراش الخالي
وطبعاً لازم الفراش الي يخص بس الخطار والبطانيه ايضاً
وبما انه خالي جاي من الناصريه
فالضيافه خاصه تصير
فرشته الة جاي تعبان وقت الظهر
وكعدت يمهم
واسمعهم يحجون ويسولفون بينهم على اهلهم
أمي تسأل وخالي عايد يجاوبها

اكلك عايد شلونهم اهلنه بالناصريه

كلهم يسلمون عليج
وخصني بالسلام خالي حسن
من عرف جاي البغداد اكمل الخدمة مالتي
كلي لا تنسه اختك فخريه تخصها بالسلام

الله يسلمة ويعافي
هوة بعدة نفس مكانه بالولايه

اي نفس بيته
او ولده ما شاء الله كبار شباب صارو
وهمة كامو يديرون املاك ابوهم

سبحان الله مغير الاحوال
جنه انه وامك قبل نخليله اكل بالتنور
حتى بليل محد يشوفه
من جوعه خطيه يطلعه وياكل
وهسة ربك خوش فتحها بوجها

اي فخرية بس بعدة نفس حنيته ما تغير خالي
من يشوفني يحظني ويشم بيه
يكلي اريد الكة ريحة جاسمية بيكم

ههههههه ما كتلك من رحت للناصريه اخطب
الابن حماي علي من اهلنه مرة
شسوة خالي حسن

اي اذكر من جيتي الناصريه
اكلج انتي ياهي ردتيهة العلي

والله اجيت على بيت عمي سعيد
اخذت بت ابنه ناديه خطبتها
وكتلهم ماتاخذوني اشوف خالي حسن
همة هم كالو سهلة
خذوني بتكسي بليل ورة المغرب
وانه اول ما دخلت وشافني
من بعيييدد صاح
جاسمية ولكم جاسمية دخلت علينه
انه كتله خالي شجابني على جاسميه وين الحك امي
انه مو بجمالها

يكلي والله روعة جاسمية
تعالي هناا اكبالي
اكبالي كعدي اشوفنج وشبع عيوني منج
ما مصدك والله جاسميه وريحتها عدي بالبيت
انه هسة جني شايف امج
ونوب اصر ولح اله تتعشون
يابه والله شبعانين غدانه متأخر صار
والجماعه ينتضرونه عالعشة نرجع
ماقبل كلي لوما العيبه من رجلج حته ابيتج عدنه اليوم
اشبع شوف منكم
وحارو شقدمو النه على العشة

كتله خالي ما نسيت امي

كلي انه انسه الحنينه
امج
تعرفين شنو امج
امج جانت شيخ مال عرب
الناس كلها تحلف براسها
وين اكو مثل امج مرة

عايد مرته كاعدة تكلة اي انته مابعينك بس جاسمية
يمكن تغار علي

ههههه حقها هوة ما يبطل يذكرها كلما شاف احد من عدنه يسولف بيها
جاسميه ما توكع من حلكة
حتى مرة كلي ريت متت وياها
انه المن ظال عايش