العهد

الخامس

الخامس

بعرسك يابعد روحي
توهن طابن جروحي

بعرسك يا بعد روحي
توهن طابن جروحي

يمة يمة

هاااا

يمة فاطمة شايله الطشت فوك راسها وتهوس
يم بابنه وتريدج

هههههههه سودة علية خليها فرحانه يمة

طلعت اشوفها لكيتها شايله البقجة بأيد
والطشت فوك راسها بأيد الثانيه لازمته لا يوكع

هاا فطم الفرحة فرحتج خية
ماخذتهن البيت اخوج

اي خية اي
هاي فرحتنا الجبيرة الفرحت كل العشيرة
وهاي فرحتنا التمام الخربت كل العمام

ياااا ياااا دهر فطيم لا احد يسمعج

يااا جا جذب مو خربت كل العمام علمود هذا العرس
بس انه هم فرحانه خل يخربون بس المهم اخيي يتهنة

وبعرسك يا بعد روحي
توهن طابن جروحي

خية لوما زحمة جااا حته هلاهل هلهليت بالشارع
يالله امشنا انه وياج نحضر

رحت وياها
وهية تغني بفرحتها
الاخوها حسن
ماخذة طشت الحمام الصفر شثگلة جديد وبقجة
بيهة لوازم الحمام صابونه ومحجارة وليفة
ودوة الحمام ومن كلشي خاله بيهة البقجة لوازم

وانه وياها طبينه البيت ونحضر ونجهز العرس الغالي

جاسم كال لا تخلون قصور ابيت حسن
وهوة هم بعد عيني حسيون
هم ما خله شي الما جابه اشتراه
فرحان ماخذ صبريه
وكل ساع وجايني صدك راح اعرس
وكله اي اخذتها يا بعد روحي

اكلج جاسمية خالي جاسم شسوة ويه الجماعه
اهل فلاح سمعت جايين معاتبين خالي

سكتي خية نقهرت على فلاح حتى راد يبجي وهوة يعاتب
جاسم
جاااه هوة وابوه وعمامة
كلوله احنه خاطبين من گبل ونته منطينه كلمة وكلشي تأجل لما خلص الحزن والحداد
بعد ليش تراجعت

كلهم ابن عمتها خاطبها من زمااان كبلكم وانه جنت أجل بس هسة البت وافقت على ابن عمتها
بعد انه هم ماكدر اكسر اب ابن اختي وهوة هالواحد

كايليله من جينه خطبنا ما كلت ابن عمتها خاطبها
كلت موافق وباركت النه لما موتت الشيخ خربت كلشي

المهم طالعين زعلانين وخالج عارف شلون يلوف السالفه
چااا بعد جاسم ما تعرفينه

الله يسعدة ويلكة بت حلال
بس خية سمعت من الخياطة من رحت اودي اثواب صبريه الهة تخيطهن
كالت راح يشيلون مناه اهل فلاح
خافن علمود عرس صبريه خافن ابنهم ينقهر من يشوف عرسها

شنسوي بعد ربج ما قاسم الهم
هالدارت دارت قسمتهة ورجعت الحسن
ربج رايد يجبر خاطرة بعد روحي
اكلج شني رجلج مابين منه خبر