العهد

التاسع

التاسع من العهد

هااا محمد شسويت

يابه رحت عالولد وسالته بطريقه غير مباشرة عن حيدر
وكلي شلون ماعرفه
عز المعرفه اعرفه

كتله عدي شغله وياه ومجاي الكاه
ورحت الاصدقاء اعرفهم كالو نزل الكرايبه

كلي خاف طالع الگرابته بغداد

كتله وين بغداد
كال ماعرف بس عالاكثر بالكاظمية
قريب من الامام بس ماعرف وين
كلي اذا تريد روح الاهلة يدلوك

ما لحيت وياه حتى لا يحس بشي ويغير الحجي
المهم يابه
احنه نروح للكاظميه ونشبرها شبر شبر
الى ان نلكاها حتى لو اعرف انام بالشارع

حاط ايدي على راسي ومدنك وحاير بزماني
العملة مو سهلة
واخوتي عمامها مراح يسكتون
واني اريد الموضوع بسكوت يصير ونلكاها من وكت
حتى خوالها وخالاتها ميدرون بشي
حتى لا اصير سمعه مزينه والكل بيها راح يتأثر اخوتها وخواتها ومستقبلهم
وبگلبي ادعي البنتي تكون بسلامة وترجع الحظني
وهاي امها كبالي تريد تموت
وبس تلوم بروحها لان طلعت وعافتهم
وخواتها متعلمات عليها ويبجن يردنها
يا ربي دخيلك بنتي صغيرة وتقشمرت اريد الحك ارجعها
الحظني قبل لا يوكع المحضور
واصلاً منو يكول حيدر امان ويحافظ عليها خاف يسوي ابتي شي

اجو بليل اخوتي او ولدهم
والكل اجمع عدي
وكالو باجر نازلين البغداد بالكاظميه ندور ومجموعه لاخ تروح الباقي المناطق
ولي عدة عرف ويكدر يساعدنه خل يروحلة ويستعين بي
بس لحد يجيب طاري بنيه ونهيبة حتى محد يتستر عليهم

كتلهم غبشة نطلع
ومنو يكدر ينام اليل وبراسه جبال واكعه
مالي عين ورفعها بوجه العالم وبالذات اخوتي
وهذا ابن عمها يلوم بيه
كله منك عمي كتلك خل اخذها
بس انته تسمع كلامها من تبجي الك
هسة زين نگست راسك

وماعندي السان الي اجاوبه بتي كطعته الية

دخلت على امها للغرفة الي ما خلت قطرة ماي والزاد بحلكها من امس
كتلهة كريمة راح انزل البغداد لو الكاها لو ما الكاها
اذا لكيتها شسوي
وهذول اخوتي محروكين حرك يردون يشربون من دمهم
كالت

بتي اريدها ابو محمد رجعلي بتي

لا حول ولا قوة الا بالله
ابيش بابا قصرت وياج ليش هيج سويتي
والله كمت الوم بروحي
الولد رادها وكتل روحة عليها
وشكد جاب الي ناس وعمام وكباريه
ليش ما اطيتها الة
هسة زين هيج حالي
وحال أمها واخوتها

اذن اذان الفجر وانه على كعدة وحدة منتضر
وصاح الي اخوي حميد
ابو محمد خل نتوكل

ونطلقنا البغداد
وصلنه اطراف بغداد وتفقنه نتقسم كل مجموعه بمنطقه
وانه من ضمن الي حيدورون بالكاظمية