روما: اسفة يا بابا على كل اللي صدر مني بس اعذرني
فتح محمود ذراعيه لها فتقدمت منه بتردد ولكنها ارتمت في حضنه واخذت تبكي
محمود: هشششش تعرفي من اول اما عرفت اني عندي بت وانا كان نفسي في حاجة واحدة بس اني اخدك في حضني كيف اكده كنت عارف انك ممكن تكوني بتكرهيني ودا حجك بس مش بيدي حاجة
روما: انا عمري ما كرهتك وكنت بتمنى اليوم اللي هترمي فيه في حضنك عشان احس اني عندي اب يبقى معايا واكبر وانا معاه كنت ديما بشوف زمايلي معاهم ابوهم وامهم وانا واقفة لوحدي لا اب ولا ام كنت بتمنى بس اشوفك لحظه واترمي في حضنك مش عيزة اعاتبك بس عايزة افضل في حضنك بس كنت ساعات بقسي قلبي عشان ميضعفش ليك ويحن ويجي يقولك ان انا موجودة اس برجع تاني واحن ومعرفش اقسى عليك
محمود: سامحيني
روما: انت اللي سامحني متطلبش مني اسامحك انا اللي اتاخرت اني اجيلك
صفاء ببكاء: واه كفياكو عاد هبكي اني كومان
خرجت روما من احضان ابيها ونظرت لها بابتسامة: انتي طيبة قوي يا طنط
صفاء وهي تأخذها في احضانها : لاه جوليلي يا امي انا اتحرمت منيها وكنت بدعي ربنا انه يبجى عندي بت واهو ربنا بعتها ليا
روما: حاضر يا ماما
شددت صفاء على روما واخذت تبكي فبكت معها روما
محمود: واه عتبكو ليه بجى بكفياكو اكده
صفاء: بجي عندي بت يا محمود
احتضنها محمود وابعد روما عنها وقال بمرح : واه واه عتاخدك البت ديه مني عاد
صفاء: محدش يجدر ياخدني منيك يا ولد عمي
محمود بخبث وهو يغمز بعينه: ليه يا بت عمي
تعالت ضحكات روما بينما اكتسى وجه صفاء بحمرة الخجل وهي تقوم بابعاد محمود
صفاء: باعد عني
محمود: لاه ما هبعيدش
روما: طيب امشي انا ولا ايه
محمود: انتي لسه واجفة روحي شوفي جوزك
تغيرت ملامح وجه روما فتقدم منها محمود
محمود: اللمعة اللي في عنين اسر لما يشوفك دي تسوى كتير يا بتي اسر ميعرفكيش بجالو كتير بس عيونه بتجول انه دايب فيكي ممكن تجولي حب من اول نظرة بس صدجيني اسر هو اللي يجدر يحميكي
أنت تقرأ
كبرياء العشق للكاتبة شيماء طارق
Romanceتأتي دائما الريح بما لا تشتهي الانفس فماذا عندما يتحرك القلب من حصونه مع هذه العاصفة ....هناك من يستطيع التحكم في نفسه ولكن هل يوجد من يتحكم في القلب.... هل القلب ملك لك ام ملك لمن تحب ماذا لو كان القلب مغلق واتي من يريدان يجعله يفصح عن ما به
