تجلس على الفراش تنظر له بغضب وهو يتحرك في الغرفة للبحث عن ثيابه
فين الهدوم يا اسماء.. هتف بها اياد بعد ان زفر بضيق...
اسماء: مفيش
توقف عن البحث ونظر لها لعدم فهم يحاول تفسير ما ترمي اليه
اياد: يعني ايه مفيش
اسماء: وهي تعقد ذراعيها امامها: يعني مفيش خروج يا اياد
ظل ينظر لها مطولا وهو يقترب منها وهي تتراجع بجسدها الى الخلف
اسماء بتوتر: ما اااا انا طلبت منك تخرجني معاك
هز اياد رأسه فأكملت: وانت مرضيتش
ظل يقترب منها بهدوء الى ان وصل امامها فانتفضت من مكان ومدت يديها تحت السرير واخرجت ثيابه بسرعة
اسماء: الهدوم اهيه ابعد بقى
نظر لها ثم الى الملابس واخذ منها ملابسه وشرع في ارتدائها نظرت له بغضب وغيظ ثم ابتسمت بخبث وشرعت في البكاء
اياد بصدمة: بتعيطي ليه انا معملتلكيش حاجة
لم تبالي له اسماء ولكنها استمرت في البكاء بصوت عالي فهرول اليها اياد ووضع يده على فمها
اياد: اسكتي ادهم هيسمعك وهيطربقها فوق دماغي
اسماء: انت عايز تخرج وتسيبني
اياد: مين قال كدا دا انا هنزل اقعد تحت قومي البسي وانزلي معايا
اسماء: عشان تقعدوا تتريقو على بطني
نظر اياد الى بطنها ووجدها كبيرة بشكل مبالغ فيه
اياد: ما هو دي مش بطن واحدة حامل في الشهر الرابع يا اسماء
اسماء: وانا مالي يعني والدكتورة تقولي السونار مش موضح حاجة
اياد: طيب خلاص تعالي ننزل ومتخفيش من حد
اسماء بغيظ: ما هو محدش بيتكلم انت اللي بتقعد تتكلم
اياد: يوووه بقة قولتلك خلاص البسي والا هنزل واسيبك هنا ومش هتلاقي حد يساعدك
اسماء: لا خلاص هلبس اهو
نظر لها اياد وهي تغادر من امامه وهتف بخفوت: حامل في ايه دي يا ربي
******************
يحاول ان يجعلها تستيقظ ولكنها تغط في نوم عميق لم تبالي لمحاولاته العديدة لجعلها تستيقظ
أنت تقرأ
كبرياء العشق للكاتبة شيماء طارق
Romanceتأتي دائما الريح بما لا تشتهي الانفس فماذا عندما يتحرك القلب من حصونه مع هذه العاصفة ....هناك من يستطيع التحكم في نفسه ولكن هل يوجد من يتحكم في القلب.... هل القلب ملك لك ام ملك لمن تحب ماذا لو كان القلب مغلق واتي من يريدان يجعله يفصح عن ما به