مرحبا قرائي الاعزاء ، في هذا اليوم ستبدأ رحله قلمي في كتابه هذه الروايه المستوحاه من خيالي آملة ان تنال اعجابكم ، قرائه ممتعه ،
( بارت ١ )
#رسائل_ملقاة_على_قارعة_المجهول
" الارواح اللتي اعتادت القلق ... تظن ان الطمئنينه كمين ! "
ديستويفسكي 🕊
" الكاتبة شغف" 🖤🪐
................................................................................................
سنا:- ليش هيج الدنيا ظلمة .. ؟
_ اني وين ؟ وليش هيج داركض ؟
مراااااد ،،،مراااد ...
_ سنااا الحكيلي.. لج سناا
_ وينك مراد عفيه دليني جايتك ... ياربي دخيلك!
_مراد هاي شصاير بيك ! وهاي شنو دم ؟!
_ سنا...
_مراد كوم بس ساعدني خل اشيلك دقيقة ، ياربي ! احجي منو ضاربك!؟
زمخ بية وهو متألم .. : سناااا ، اتركيني بعد مايفيد
_ هو شنوه المايفيد مراد ... عفيه صحصح مراد ولا تعوفني والله ما اتحمل ...مراد...
_ سنا ... سناوي حبيبتي ديري بالج على نفسج ولتنسين العلاج كل صبح
جان لابس ملابس عسكرية سوده بس جانت كلها دماية،
_ مراد شنو دتحجي مدافتهم بس كوم بعدين احجي ولك مو دتنزف كلش!
عت ايدي بقوه ،، وبعدها اختفى ...
سمعت صوت عالي يكلي سنا كعدي خرة بعرضج كومي عاد ،
دقيقه هاي صوت اختي ديمة
فجأه فتحت عيني ...
ديمة :- شبيج بس تعيطين بنومج وتصيحين مراد لا...مراد لا خبلتينه
سنا :- صدك!
ديمة:- اي والله صرعتينا فلك حتى فلك حتى دجاجتنة كعدتيها
هاي اختي ديمة اكثر وحدة مسويه اجواء بالبيت صحيح نتعارك هوايه وعلى ابسط الاشياء
بس كلمه حق كلش احبها وماعندي غيرها هي بمثابة صديقه واخت
عمرها ١٥ سنه يعني اصغر مني ب ٥ سنوات
سنا:- نفخت ع جهتي الشمال وتعوذت من الشيطان
وكلت لا ماكو شي اضغاث احلام
ديمة: دكومي تلحلحي ماما سوت ريوك الة بشده ... يستاهل بؤك :)
سنا :- امممم ريحه مخلمة ، هلو صار بيها مصري خرب خل اكوم بعد شويه تكلبلي عالهندي الاخت
كمت للحمام داغسل
باوعت بالمرايه على صفار وجهي الحاد وشعري اللي صار خفيف كلش و صار اشبه بالاصلع
وهالات عيني الداكنة
جريت حسرة وحمدت الله وشكرته بگلبي لان اكو غيري حالتهم اضرب من حالي ،
كملت تغسيل وجهي واخذتني ريحة الاكل للمطبخ وسمعت صوت امي دترزل ب ديمة
أنت تقرأ
"رسائل ملقاة على قارعة المجهول "
Romanceاشْـتَقتُ يـا لَـحْنَ الحَيَــاةِ وَ عِــطْرَهـا هَـل أَنـتَ مِـثْلي يَعْتَـرِيكَ تَوَجُّـدُ؟ يــآ لَيْـتَ لي قَلْبًـا يُصابـِرُ في الهـَوَى أو لِلْـمَشَاعِرِ جَـفْوَةٌ وَ تَبَـلُّدُ عَصَفَـتْ بِنـا الأَيَّـامُ مُـذْ جَـارَ النّّــوى شَــوْقٌ يَل...
