(بارت ٢)
#رسائل_ملقاة_على_قارعة_المجهول
انتهت كل المشاوير
التوديني اعله عينك
ويا كبر حزني
الناس تنشدني عليك
وانا اكل للناس وينك...؟
(منقوله)
الكاتبه شغف ♥️
......................................................
سبحان الله الله اخذ مني شي وانطاني شي ، طبعاً مراد خطيبي من ٣ سنوات ،
من تمرضت اضلمت الدنيا بعيني الله دزه الي حتى يطلعني من هذا الظلام ...
بنفس منطقتنة جان عدنة جيران كلش مقربين من ماما وبابا الله يرحمة
يعني جيرة عمر (بيت ابو مراد )
جانت دائما تجي تسير يم امي كل صباحية وتسولف وياها عبالك خوات
وجان عدها ابن اللهم صلي على محمد مسقول خرب شكد جان حلو اسمه ( مراد)
بصراحة جنت معجبه كلش بي وبشخصيته بس فضلت اسكت على انهو افصح عن اعجابي اله
لأن اني من النوع اللي تكتم مشاعرها لان ماعندي احد احجيلة ف اتعودت ...
جنت اباوعلة كل يوم من اروح للمدرسه تقريبا جنت ١٣ سنه وهو جان ابيض وحليوة وعيونه زرق
ماشاء الله اتكولون حلقومة تتفشكل على الارض
واستمريت على هذا الاعجاب بس نظراتي جانت فاضحتني كلش لدرجة ماعرف شلون ملاحظ عليه
هو من النوع البارد شوية بالتعامل ومجان معبرني ابد
خرب تكول حجارة يا جبل مايهزك ريح
المهم ... احم احم نرجع لموضوعنا
من كبرت وتمرضت جتي ام مراد هي ومراد للبيت علمود يتطمنون عليه ،
وشافني بوكتها مراد ولأول مره يحط عينة بعيني ظل يباوع بعيني الذبلانة
وجانت بعيونة لمعة حزن ..
بعدين راحوا ...
وكأنما اخذ گلبي وياه ،
يعني بنت الاوادم بشدة وهم تتمعشگين والمشكله ممعبرج طاح حضج سنية ...
..................................................................
بعد اسبوع تقريبا ، هم اجوي يزورونا ووياهم الاستاذ الموقر مراد بيك للمره الثانيه ع التوالي ،
بس هالمرة جان وياهم الأب ،
كعدنا بالصالة وجان يحجي الاب بعد ما سلمنه وسألنه عن احوال بعضنا
ابو مراد :- شوفو ياعيني احنة جيرة عمر ونعرفكم حق المعرفة انتم ناس حريصين على بزركم ومايوم سمعنا عنكم الشينة واحنا جايين نطلب القرب منكم لابنة الوحيد مراد .
اتسعت عيوني وعيون امي وصرنة وحدة تباوع للخ بصدمة ،
امي كحت وشركت بالچاي
ام مراد :- اسم الله خيه اسم الله هيج الصدمة أثرت بيج سوده عليه هههههههه
اني بداخلي:- انا بحلم ولا بعلم ، رئصنييي يا كدعععععع
ام عصام:- والله يا ابو همام بنتي مثل بنتكم بس انت تعرف بوضع سنا كلش زين ، لازلت موافق رغم ذلك؟
أنت تقرأ
"رسائل ملقاة على قارعة المجهول "
Romanceاشْـتَقتُ يـا لَـحْنَ الحَيَــاةِ وَ عِــطْرَهـا هَـل أَنـتَ مِـثْلي يَعْتَـرِيكَ تَوَجُّـدُ؟ يــآ لَيْـتَ لي قَلْبًـا يُصابـِرُ في الهـَوَى أو لِلْـمَشَاعِرِ جَـفْوَةٌ وَ تَبَـلُّدُ عَصَفَـتْ بِنـا الأَيَّـامُ مُـذْ جَـارَ النّّــوى شَــوْقٌ يَل...
